ព័ត៌មានជាតិ

ឧកញ៉ា ហេង សៀ ក្ដោបក្ដាប់មុខជំនួញអ្វីខ្លះ?

បានផុស

៣ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

ឧកញ៉ា ហេង សៀ គឺជាអគ្គនាយកក្រុមហ៊ុន ហេង ស្រេងហុង អាហ័រណ នីហ័រណ ដែលមានផ្គត់ផ្គង់ផលិតផលកញ្ចក់ និងទ្វារដែករមូរ គ្រប់ប្រភេទ។ ក្រុមហ៊ុន បានបង្កើតឡើងដំបូងក្នុងឆ្នាំ១៩៩៨ និងមានសម្ព័ន្ធក្រុមហ៊ុនមួយទៀតឈ្មោះ CamboPura Glass។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

CamboPura Glass ជាក្រុមហ៊ុនផលិតកញ្ចក់មានបំពាក់នូវម៉ាស៊ីនទំនើបៗ ដែលមានទីតាំងស្ថិតនៅភូមិថ្មី សង្កាត់ព្រៃស ខណ្ឌដង្កោ រាជធានីភ្នំពេញ។

នៅឆ្នាំ២០០៣ ក្រុមហ៊ុនបានបានពង្រីកសេវាកម្មបន្ថែមច្រើនផ្សេងទៀតសម្រាប់ផ្តល់ឲ្យអតិថិជនមានដូចជាៈ បន្ទប់ ជញ្ជាំង បន្ទប់ទឹក ទ្វារ បង្អួចធ្វើពីកញ្ចក់ និងទ្វារដែករមូរគ្រប់ប្រភេទ។ ក្រោយជោគជ័យលើវិថីជំនួញលោកឧកញ៉ាជាញឹកញាប់ ក៏បានរួមចំណែកលើការងារជាគ្រឿងឧបភោគបរិភោគរាប់រយមុខដើម្បីជួយដល់រាជរដ្ឋាភិបាលកម្ពុជាក្នុងពេលជួបគ្រោះមហន្តរាយផ្សេងៗ ព្រមទាំងចុះចែកអំណោយសប្បុរសធម៌ជូនជនក្រីក្រជួបការលំបាកជាដើម។

យ៉ាងណាមិញនៅថ្ងៃនេះ ឧកញ៉ា ហេង សៀ បានចេញលិខិតសុំអភ័យទោស ចំពោះថ្នាក់ដឹកនាំ ប្រជាពលរដ្ឋ ព្រមទាំងភរិយា និងក្រុមគ្រួសារ ដែលរូបលោកលួចមានស្នេហាជាមួយ កញ្ញា មាន ពេជ្ររីតា កន្លងមក។

ឧកញ៉ា ហេង សៀ បញ្ជាក់ទៀតថា៖ “នៅថ្ងៃកើតហេតុនេះបណ្ដាលមកពីកញ្ញា មាន ពេជ្ររីតា បានទាក់ទងឲ្យខ្ញុំមកជួប បន្ទាប់ពីគាត់បានទាមទារប្រាក់ផ្ដាច់ចំណងស្នេហាច្រើនលើសលប់ពេក ដែលបណ្ដាលឲ្យខ្ញុំបាទមិនអាចបំពេញបំណងនាងបាន ហើយក៏ខ្ញុំបាទមិននឹកស្មានថា នាងមានកាំបិតមកចាក់ខ្ញុំបាទភ្លាមៗទេ។

គួរបញ្ជាក់ផងដែរថា ថ្ងៃនេះចៅក្រមសាលាដំបូងបានចេញដីកាសម្រេចដោះលែងកញ្ញា មាន ពេជ្ររីតា ឲ្យនៅក្រៅឃុំបណ្ដោះអាសន្នហើយបន្ទាប់ពីតុលាការបានសាកសួរបន្ថែមលើជនជាប់ចោទ២ថ្ងៃ និងមានការសម្របសម្រួលធានាសុំនៅក្រៅឃុំពីសំណាក់មេធាវី៕

សូមចុចអាន៖ អាថ៌កំបាំងទំនាស់រវាងឧកញ៉ា ហេង សៀ និងកញ្ញា មាន ពេជ្ររីតា ត្រូវបានទម្លាយ

Related Topics:ឧកញ៉ា ហេង សៀ