ព័ត៌មានជាតិ

យុវជនធ្វើសកម្មភាពកាប់ និងវាយទៅលើយុវជនម្នាក់នៅស្រុកព្រៃកប្បាសត្រូវបានចាប់ខ្លួន

បានផុស

៥ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

យុវជនម្នាក់ដែលប្រើហិង្សា បង្កការភ្ញាក់ផ្អើលពេញបណ្តាញសង្គមហ្វេសប៊ុកនៅមុខហាងកាហ្វេ១កន្លែងក្នុងស្រុកព្រៃកប្បាសត្រូវបាន សមត្ថកិច្ចខេត្តតាកែវសហករណ៍ជាមួយនាយកដ្ឋានព្រហ្មទណ្ឌ និងសមត្ថកិច្ចខេត្តកណ្ដាលឃាត់ខ្លួនបានហើយ។

ដោយជនសង្ស័យមានឈ្មោះ អ៊ាង សុខខេង ភេទប្រុស អាយុ២៣ឆ្នាំ ជនជាតិខ្មែរសញ្ជាតិខ្មែរមុខរបរកម្មករ ដែលឃាត់ខ្លួនបាននៅចំណុចភូមិកំពង់ព្រីង សង្កាត់សិត្បូ ក្រុងតាខ្មៅ ខេត្តកណ្តាលកាលថ្ងៃទី២៩ ខែឧសភា ឆ្នាំ២០២១ វេលាម៉ោង ១០និង២០នាទី។

សូមបញ្ជាក់ថា មុនឈានដល់ការឃាត់ខ្លួនជនសង្ស័យនេះ បន្ទាប់ពីមានបណ្តាញសង្គមជាច្រើនផ្សព្វផ្សាយពី(វីដេអូ) ថតចេញពីកាមេរ៉ាសុវត្ថិភាពមួយ សកម្មភាពកាប់និងវាយទៅលើយុវជនម្នាក់យ៉ាងសាហាវ កាលពីពេលថ្មីៗកន្លងទៅ នៅក្នុងឃុំកំពែង ស្រុកព្រៃកប្បាស ខេត្តតាកែវ។

បច្ចុប្បន្នជនសង្ស័យខាងលើ កម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកណ្តាល បានប្រគល់ជូនកម្លាំងអធិការដ្ឋាននគរបាលស្រុកព្រៃកប្បាស នៃស្នងការដ្ឋាននគរបាលខេត្តតាកែវ ដើម្បីបន្តនីតិវិធី៕

អត្ថបទ៖ វីរៈ