ព័ត៌មានជាតិ

ឃាត់ខ្លួននារីវ័យក្មេងពីរនាក់កំពុងឈរចែកចាយថ្នាំញៀន

បានផុស

៥ years មុន

នៅ

ថ្ងៃចន្ទ ៧ មិថុនា ២០២១

ដោយ

នគរបាលស្រុកអង្គស្នួលល្បាតក្នុងមូលដ្ឋានឃាត់ខ្លួនជនសង្ស័យ២នាក់ ករណីរក្សាទុកដោយខុសច្បាប់នូវសារធាតុញៀន ។

ហេតុការណ៍កើតឡើងកាលពីថ្ងៃទី៦ ខែមិថុនា ឆ្នាំ២០២១ វេលាម៉ោង២០និង៣០នាទី នៅចំណុច ផ្លូវបេតុង ភូមិមនោរម្យ ឃុំបែកចាន ស្រុកអង្គស្នួល ខេត្តកណ្តាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យទាំង២នាក់ ទី១. ឈ្មោះ ចន ចាន់ហេង ហៅ ឆេង ភេទស្រី អាយុ២៤ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិព្រៃសំរោង ឃុំបែកចាន ស្រុកអង្គស្នួល ខេត្តកណ្តាល ។ ទី២.ឈ្មោះ សារិន សុខហួយ ភេទស្រីអាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិព្រៃសំរោង ឃុំបែកចាន ស្រុកអង្គស្នួល ខេត្តកណ្តាល ។

ក្រោយឃាត់ខ្លួន សមត្ថកិច្ចបានដកហូត ម្សៅក្រាមពណ៌ ស ថ្លា សង្ស័យជាសារធាតុញៀនចំនួន ១២កញ្ចប់តូច និងម៉ូតូ ចំនួន១គ្រឿង ។

សមត្ថកិច្ចប្រាប់ឲ្យដឹងថា មុនកើតហេតុកម្លាំងនគរបាលប៉ុស្តិ៍បែកចាន បានចេញល្បាតក្នុងភូមិសាស្ត្ររបស់ខ្លួន លុះទៅដល់ចំណុចកើតហេតុ បានឃើញជនសង្ស័យទាំង២នាក់កំពុងឈរតាមចិញ្ចើមផ្លូវ ដោយមានការសង្ស័យ កម្លាំងសមត្ថកិច្ចប៉ុស្តិ៍ក៏បានឃាត់ត្រួតពិនិត្យឃើញមានថ្នាំញៀន ចំនួន១២កញ្ចប់តូចនៅជាប់ខ្លួនឈ្មោះ ចន ចាន់ហេង ហៅ ឆេង ។

ក្រោយពីឃាត់ខ្លួនជនសង្ស័យទាំង២នាក់បានឆ្លើយសារភាពប្រាប់សមត្ថកិច្ចថា ថ្នាំញៀនចំនួន១២កញ្ចប់នេះ ឈ្មោះ ប៉ាវ ភេទប្រុស អាយុប្រហែល៣០ឆ្នាំ នៅម្តុំផ្សារត្រពាំងអំពិល ជាអ្នកឲ្យខ្លួនកាន់លក់ ដើម្បីចំណេញខ្លះ ។

ជនសង្ស័យរួមនិងវត្ថុតាង ត្រូវបានបញ្ជូនទៅអធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមនីតិវិធី ៕

អត្ថបទ ៖ រ៉ាវុទ្ធ

Related Topics: