ព័ត៌មានជាតិ

កម្លាំងនគរបាលខេត្តព្រះសីហនុ ទទួលបានអំណោយពីនាយឧត្តមសេនីយ៍ សន្តិបណ្ឌិត នេត សាវឿន ក្នុងការប្រយុទ្ធប្រឆាំងជំងឺកូវីដ-១៩

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

អំណោយរបស់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ រួមមាន ស្បៀងអាហារ និងសម្ភារៈបរិក្ខារការពារជំងឺកូវីដ-១៩ ត្រូវបានផ្តល់ជូនដល់អធិការដ្ឋាននគរបាល ក្រុង-ស្រុក ទាំង៥ ការិយាល័យជំនាញ កងអន្តរាគមន៍ពិសេស ចំណុះស្នងការដ្ឋាននគរបាលខេត្តព្រះសីហនុ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃចន្ទ ៥កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវថ្ងៃទី១៤ ខែមិថុនា ឆ្នាំ២០២១ លោកឧត្ដមសេនីយ៍ត្រី ជិន វិទ្យា ស្នងការរងទទួលផែនកាងារធនធានមនុស្ស តំណាងលោកឧត្តមសេនីយ៍ទោ ជួន ណារិន្ទ ស្នងការនៃស្នងការដ្ឋាននគរបាលខេត្តព្រះសីហនុ បានប្រគល់អំណោយរបស់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ជាស្បៀងអាហារ និងសម្ភារៈបរិក្ខារការពារជំងឺកូវីដ-១៩ មានដូចជា មី ៩១ កេសធំ អង្ករ ១០៥បាវ ទឹកត្រី ៦០យួរ ទឹកស៊ីអ៊ីវ ៦០យួរ ទឹកសុទ្ធ ៣៧៦កេស ម៉ាស់ខ្មៅ ២២៨០០ម៉ាស់ ម៉ាស់ខៀវ ១០៣.០៦០ម៉ាស់ ទឹកអាកុល៤៧ប៊ីដុងធំ ស្រោមដៃ ៧៧០០គូរ របាំងមុខ ៧៦៨របាំង ជូនដល់អធិការដ្ឋាននគរបាល ក្រុង-ស្រុក ទាំង៥ ការិយាល័យជំនាញ កងអន្តរាគមន៍ពិសេស និងកងកម្លាំងស្នងការដ្ឋានកំពុងការពារគោលដៅបិទខ្ទប់ និង Hot Spot ដើម្បីចូលរួមចំណែកក្នុងការប្រយុទ្ធប្រឆាំង ទប់ស្កាត់នឹងព្រឹត្តិការណ៍ ២០ កុម្ភៈ។

ឆ្លៀតក្នុងឱកាសនោះផងដែរ លោកឧត្តមសេនីយ៍ត្រីស្នងការរង បានណែនាំទៅដល់កងកម្លាំងទាំងអស់ឲ្យយកចិត្តទុកដាក់លើការថែរក្សាសុខភាពឲ្យបានល្អ និងរួមគ្នាអនុវត្តឲ្យបានតាមការណែនាំរបស់ក្រសួងសុខាភិបាល ជាពិសេសវិធានការការពាររបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ៣ការពារ និង៣កុំ ឱ្យបានម៉ឺងម៉ាត់ជាទីបំផុតដើម្បីការពារកុំឲ្យឆ្លងជំងឺកូវីដ-១៩ ៕

អត្ថបទ ៖ រ៉ាវុទ្ធ