ព័ត៌មានជាតិ
ខឹងស្ដីឲ្យ ឪពុកមា អារក ក្មួយបង្កើតអាយុ១១ខែស្លាប់
អំពើឃាតកម្មដ៏សាហាវមួយបានកើតឡើងបង្កការភ្ញាក់ផ្អើលទាំងយប់ នៅចំណុចភូមិទួលរកា ឃុំរអាង ស្រុកកំពង់សៀម ខេត្តកំពង់ចាម នៅម៉ោងប្រមាណ៩យប់ កាលពីថ្ងៃទី១៨ ខែវិច្ឆិកា ឆ្នាំ២០២០ ដោយជនល្មើសជាឪពុកមា អារ ក សម្លាប់ក្មួយបង្កើតខ្លួនឯង បណ្តាលឲ្យស្លាប់ភ្លាមៗនៅនឹងកន្លែង។
បើតាមសមត្ថកិច្ចនគរបាលស្រុកកំពង់សៀម បានឲ្យដឹងថា ជនសង្ស័យមានឈ្មោះ ស្រ៊ីន បូនិន ហៅប៉ូច ភេទប្រុស អាយុ៣៤ឆ្នាំ ជាតិខ្មែរ មុខរបរកសិករ រស់នៅក្នុងភូមិឃុំកើតហេតុការណ៍ខាងលើ បានយកកាំបិតខ្វែរ អារកជនរងគ្រោះតែទើបមានអាយុ១១ខែ ត្រូវជាក្មួយចិញ្ចឹម ខណៈជនសង្ស័យខឹងនឹងម្តាយជនរងគ្រោះស្តីបន្ទោស។ ក្រោយពីជនសង្ស័យធ្វើសកម្មភាពអារ ក ជនរងគ្រោះ ដោយគ្មានឪពុក ម្តាយ នៅក្បែរ រួចជនសង្ស័យបានរត់គេចទៅពួននៅតាមវាលស្រែ ក្រោយភូមិ។
ក្រោយពេលកើតហេតុ សមត្ថកិច្ចចម្រុះបានធ្វើការស្រាវជ្រាវរុករកជនសង្ស័យ រហូតដល់វេលាម៉ោង២១និង៣០នាទី ដែលរត់ពួននៅវាលស្រែក្រោយភូមិ និងបានកាប់ត្រូវប្រជាការពារម្នាក់រងរបួសទៀតផង។
លោក សុធា ពិសិដ្ឋ ព្រះរាជអាជ្ញារងខេត្តកំពង់ចាម បានឲ្យដឹងថា ជនសង្ស័យឈ្មោះ ស្រ៊ីន បូនិន ហៅប៉ូច បានសារភាពថា ខ្លួនពិតជាអារ ក ក្មេងអាយុ១១ខែ ពិតប្រាកដមែន មូលហេតុដោយសារជនល្មើសខឹងបងថ្លៃស្តីបន្ទោសឲ្យ ហើយជនល្មើសក៏ធ្លាប់ធ្វើការងារក្រៅប្រទេស ព្រមទាំងមានប្រើប្រាស់សារធាតុញៀនទៀតផង។
ក្រោយពីកងកម្លាំងសមត្ថកិច្ច ធ្វើការឃាត់បានជនសង្ស័យខាងលើបញ្ជូនមកកាន់អធិការដ្ឋាននគរបាលស្រុកកំពង់សៀម ដើម្បីធ្វើការសួរនាំ រៀបចំកសាងឯកសារ និងសំណុំរឿងតាមនីតិវិធី៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២៤ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង