ព័ត៌មានជាតិ

ខេត្តកណ្ដាលមានអ្នកឆ្លងកូវីដ១៩កើនឡើងជិត១ម៉ឺននាក់ និងស្លាប់ជាង១០០នាក់

បានផុស

៥ years មុន

នៅ

ថ្ងៃអាទិត្យ ១៨ កក្កដា ២០២១

ដោយ

គិតត្រឹមព្រឹកថ្ងៃទី១៨ ខែកក្កដា ឆ្នាំ២០២១នេះ ខេត្តកណ្តាលមានអ្នកជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈប្រមាណជិត៦ម៉ឺននាក់ ក្នុងនោះមានអ្នកឆ្លងជំងឺកូវីដ១៩ប្រមាណជិត១ម៉ឺននាក់ និងស្លាប់ជាង១០០នាក់។

លោកវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាលបានមានប្រសាសន៍នៅថ្ងៃទី១៨ ខែកក្កដានេះថា ក្នុងចំណោមអ្នកពាក់ព័ន្ធ៥៨,៨២៦នាក់នោះ ក្នុងនោះបានយកសំណាកទៅធ្វើតេស្តរកកូវីដ១៩ចំនួន៥២,៩៥២នាក់ រកឃើញអ្នកឆ្លងជំងឺកូវីដ១៩ចំនួន៨,៧៩៣នាក់ស្រី១៥៥នាក់ ជាសះស្បើយចំនួន៧,៤១៦នាក់ កំពុងសម្រាកពេទ្យចំនួន១,៣៧៩នាក់ និងស្លាប់បាត់បង់ជីវិតចំនួន១១៥នាក់។

លោកវេជ្ជបណ្ឌិតបានបន្តថា ក្នុងចំណោមអ្នកស្លាប់១១៥នាក់នោះ ក្នុងនោះស្លាប់នៅមន្ទីរពេទ្យចំនួន៦២នាក់និងក្រៅពីនេះស្លាប់នៅតាមផ្ទះពេលក្រុមគ្រូពេទ្យទៅពិនិត្យទើបរកឃើញមានឆ្លងជំងឺកូវីដ១៩។

លោកវេជ្ជបណ្ឌិតបានបន្តទៀតថា អ្នកដែលកំពុងធ្វើចត្តាឡីស័កនៅតាមមណ្ឌលចំនួន៤១៤នាក់ និងធ្វើនៅតាមផ្ទះមានចំនួន៤,៨១៥នាក់។ អ្នកត្រូវបញ្ចប់ធ្វើចត្តាឡីស័កនៅមណ្ឌលមានចំនួន៨,៦១១នាក់ និងបញ្ចប់នៅតាមផ្ទះមានចំនួន៤០០១០នាក់។

គួរបញ្ជាក់ថា គិតត្រឹមព្រឹកថ្ងៃទី១៩ ខែកក្កដា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុប៦៧,១៨១នាក់ អ្នកជាសះស្បើយចំនួន៥៨,៩៣០នាក់ និងអ្នកស្លាប់ចំនួន១,១០៦នាក់៕

អត្ថបទ ៖ សំអឿន

Related Topics:រដ្ឋបាលខេត្តកណ្ដាល