ព័ត៌មានជាតិ

គិតត្រឹមថ្ងៃទី១៩កក្កដានេះមន្ទីរពេទ្យកុមារអង្គរ ទទួលថវិកាសប្បុរសធម៌ពីសប្បុរសជន ចំនួន៥៥ ៣៩៨ ដុល្លារព្រមទាំងម៉ាស់និងឧបករណ៍ធ្វើតេស្តរហ័ស

បានផុស

៥ years មុន

នៅ

ថ្ងៃចន្ទ ១៩ កក្កដា ២០២១

ដោយ

សៀមរាប ៖ គិតត្រឹមព្រឹកថ្ងៃទី១៩ ខែកក្កដា ២០២១ នេះ មន្ទីរពេទ្យកុមារអង្គរ ទទួលថវិកាសប្បុរសធម៌ពីសប្បុរសជនជាច្រើនបានចំនួន ៥៥ ៣៩៨ ដុល្លារអាមេរិក ម៉ាស់ចំនួន ៣ ០០០ ប្រអប់ ពីឯកឧត្តមហ៊ុន ម៉ាណែត និងលោកជំទាវ ពេជ ចន្ទមុន្នី តេស្តរហ័សរកជំងឺកូវីដ ១៩ ចំនួន ៣ ០០០ តេស្តពីឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងមូលនិធិកម្ពុជាប្រឆាំងជំងឺកូវីដ១៩ ក៏បានបរិច្ចាគតេស្តរហ័សរកជំងឺកូវីដ១៩ ចំនួន ១ ០០០ តេស្ត ព្រមទាំងជែលសំអាតដៃចំនួន ១ ០០០ ដប រួមទាំងសម្ភារៈបរិក្ខាពេទ្យមួយចំនួនទៀត ពីសប្បុរសជនជាច្រើនផងដែរ។
បុគ្គលិក និងថ្នាក់ដឹកនាំមន្ទីរពេទ្យកុមារអង្គរ ទាំងអស់គ្នា សូមគោរពថ្លែងអំណរគុណយ៉ាងជ្រាលជ្រៅជាទីបំផុត នូវទឹកចិត្តដ៏ធំធេងមិនអាចកាត់ថ្លៃបានពីបងប្អូនប្រជាជនខ្មែរទាំងក្នុង និងក្រៅប្រទេសទាំងអស់ រួមទាំងស្ថាប័ន អង្គភាព ក្រុមហ៊ុនអាជីវកម្មដែលបានឧបត្ថម្ភថវិកាមកកាន់ មន្ទីរពេទ្យកុមារអង្គរ ដើម្បីចូលរួមចំណែកក្នុងយុទ្ធនាការ ការពារ ព្យាបាល និងថែទាំសុខភាព សុវត្ថិភាព របស់អ្នកជំងឺ និងអាណាព្យាបាល ព្រមទាំងបុគ្គលិក នៅក្នុងមន្ទីរពេទ្យកុមារអង្គរ និងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពឹទ្យកុមារអង្គរនឹងបន្តធ្វើបច្ចុប្បន្នភាពអំពីស្ថានភាពមន្ទីរពេទ្យកុមារអង្គរ មិនត្រឹមតែអំពីការពារ និងថែទាំព្យាបាលអ្នកជំងឺកូវីដ១៩ ប៉ុណ្ណោះទេ តែក៏មានអ្នកជំងឺជាច្រើនដទៃទៀតនៅក្នុងមន្ទីរពេទ្យជាប្រចាំជូនដល់បងប្អូនសាធារណៈជនទាំងអស់៕

ដោយ ៖ កុសល