ព័ត៌មានជាតិ
អាជ្ញាធរបញ្ជាក់ពីមូលហេតុអគ្គីភ័យផ្សារសេះស ឆេះអស់១២១តូប
ខេត្តកែប៖ ដើមចមនៃអគ្គីភ័យដែលបានឆេះកម្ទេចផ្សារសេះស ក្នុងសង្កាត់អូរក្រសារ ក្រុងកែប អស់ប្រមាណ១២១ កាលពីល្ងាចថ្ងៃទី១៩ ខែកក្កដា ឆ្នាំ២០២១ ត្រូវបានអាជ្ញាធរក្នុងតំបន់អះអាងថា គឺបណ្តាលមកពីទុស្សេខ្សែភ្លើង ខណៈដែលមានខ្យល់កន្ទ្រាក់គួចដំបូលផ្សារ ហើយបានផ្តាច់ខ្សែចរន្តអគ្គិសនីដែលតខ្វាត់ខ្វែងក្នុងតូបលក់ដូររបស់អាជីវករ ទើបបង្កជាអណ្តាតភ្លើងឆាបឆេះឆ្លងពីតូបមួយទៅមួយ។

ប្រភពពីមន្ត្រីអាជ្ញាធរដដែលបានឱ្យដឹងថា កាលពីវេលាម៉ោងប្រមាណជិត៦ល្ងាច អាកាសធាតុមានភាពអាប់អួ ថែមទាំងមានខ្យល់បោកបក់យ៉ាងខ្លាំង ទើបធ្វើឱ្យតូបលក់ដូររបស់បងប្អូនអាជីវករមួយចំនួនប៉ើងដំបូលជាហេតុនាំឱ្យដាច់ខ្សែភ្លើង បណ្តាលឱ្យទុស្សេខ្សែចរន្តអគ្គិសនីបង្កជាអណ្តាតភ្លើងឆាបឆេះយ៉ាងសន្ធោសន្ធៅតែម្តង។
នៅព្រឹកថ្ងៃទី២០ ខែកក្កដា ឆ្នាំ២០២១នេះ គេឃើញវត្តមានក្រុមការងារកាកបាទក្រហម និងអាជ្ញាធរគ្រប់ជាន់ថ្នាក់ បានចុះត្រួតពិនិត្យនៃទំហំការខូចខាតមុខទំនិញផ្សេងៗ និងនាំយកអំណោយសង្គ្រោះបន្ទាន់របស់កាកបាទក្រហមកម្ពុជាដើម្បីចែកជូនដល់ក្រុមអាជីវករ។

សូមជម្រាបថា កាលពីល្ងាចថ្ងៃទី១៩ ខែកក្កដា ឆ្នាំ២០២១ ផ្សារសេះស ត្រូវបានអគ្គីភ័យឆាបឆេះយ៉ាងសន្ធោសន្ធៅ បណ្តាលឱ្យតូបលក់ដូរក្នុងផ្សារជាច្រើនតូបត្រូវក្លាយជាចំណីអគ្គិភ័យគួរឱ្យសោកស្តាយបំផុត។ ប៉ុន្តែចំពោះទ្រព្យសម្បត្តិដែលឆេះក្លាយជាផេះនោះ គេពុំទាន់បានទទួលតួលេខជាក់លាក់នៅឡើយទេ ព្រោះពេលនេះខាងអាជ្ញាធរកំពុងស្រង់របាយការណ៍តាមតូបនិមួយៗ៕
អត្ថបទ៖ សេង ណារិទ្ធ




-
ព័ត៌មានអន្ដរជាតិ៤ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ៣ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ១ សប្តាហ៍ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ២ ថ្ងៃ ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ៥ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៦ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៧ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន