Connect with us

ព័ត៌មានជាតិ

អាជ្ញាធរបញ្ជាក់ពីមូលហេតុអគ្គីភ័យផ្សារសេះស ឆេះអស់១២១តូប

បានផុស

នៅ

ខេត្តកែប៖ ដើមចមនៃអគ្គីភ័យដែលបានឆេះកម្ទេចផ្សារសេះស ក្នុងសង្កាត់អូរក្រសារ ក្រុងកែប អស់ប្រមាណ១២១ កាលពីល្ងាចថ្ងៃទី១៩ ខែកក្កដា ឆ្នាំ២០២១ ត្រូវបានអាជ្ញាធរក្នុងតំបន់អះអាងថា គឺបណ្តាលមកពីទុស្សេខ្សែភ្លើង ខណៈដែលមានខ្យល់កន្ទ្រាក់គួចដំបូលផ្សារ ហើយបានផ្តាច់ខ្សែចរន្តអគ្គិសនីដែលតខ្វាត់ខ្វែងក្នុងតូបលក់ដូររបស់អាជីវករ ទើបបង្កជាអណ្តាតភ្លើងឆាបឆេះឆ្លងពីតូបមួយទៅមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីមន្ត្រីអាជ្ញាធរដដែលបានឱ្យដឹងថា កាលពីវេលាម៉ោងប្រមាណជិត៦ល្ងាច អាកាសធាតុមានភាពអាប់អួ ថែមទាំងមានខ្យល់បោកបក់យ៉ាងខ្លាំង ទើបធ្វើឱ្យតូបលក់ដូររបស់បងប្អូនអាជីវករមួយចំនួនប៉ើងដំបូលជាហេតុនាំឱ្យដាច់ខ្សែភ្លើង បណ្តាលឱ្យទុស្សេខ្សែចរន្តអគ្គិសនីបង្កជាអណ្តាតភ្លើងឆាបឆេះយ៉ាងសន្ធោសន្ធៅតែម្តង។

នៅព្រឹកថ្ងៃទី២០ ខែកក្កដា ឆ្នាំ២០២១នេះ គេឃើញវត្តមានក្រុមការងារកាកបាទក្រហម និងអាជ្ញាធរគ្រប់ជាន់ថ្នាក់ បានចុះត្រួតពិនិត្យនៃទំហំការខូចខាតមុខទំនិញផ្សេងៗ និងនាំយកអំណោយសង្គ្រោះបន្ទាន់របស់កាកបាទក្រហមកម្ពុជាដើម្បី​ចែកជូនដល់ក្រុមអាជីវករ។

សូមជម្រាបថា កាលពីល្ងាចថ្ងៃទី១៩ ខែកក្កដា ឆ្នាំ២០២១ ផ្សារសេះស ត្រូវបានអគ្គីភ័យឆាបឆេះយ៉ាងសន្ធោសន្ធៅ បណ្តាលឱ្យតូបលក់ដូរក្នុងផ្សារជាច្រើនតូបត្រូវក្លាយជាចំណីអគ្គិភ័យគួរឱ្យសោកស្តាយបំផុត។ ប៉ុន្តែចំពោះទ្រព្យសម្បត្តិដែលឆេះក្លាយជាផេះនោះ គេពុំទាន់បានទទួលតួលេខជាក់លាក់នៅឡើយទេ ព្រោះពេលនេះខាងអាជ្ញាធរកំពុងស្រង់របាយការណ៍តាមតូបនិមួយៗ៕

អត្ថបទ៖ សេង ណារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម