ព័ត៌មានជាតិ

គ.ជ.ប ផ្សព្វផ្សាយប្រតិទិន នៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២

បានផុស

៤ years មុន

នៅ

ថ្ងៃអង្គារ ២០ កក្កដា ២០២១

ដោយ

គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានផ្សព្វផ្សាយប្រតិទិន នៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ ដែលគ្រោងនឹងធ្វើឡើងនៅថ្ងៃទី០៥ ខែមិថុនា ឆ្នាំ២០២២ ខាងមុខ។

បើតាមប្រតិទិន ដែលផ្សព្វផ្សាយដោយ គ.ជ.ប ចុះថ្ងៃទី១៩ ខែកក្កដា បានបញ្ជាក់ថា ដំណើរការចុះឈ្មោះអ្នកសង្កេតការណ៍ជាតិ និងអ្នកសារព័ត៌មានជាតិនៅ គ.ជ.ប នឹងប្រព្រឹត្តទៅ ចាប់ពីថ្ងៃទី១៥ ខែកុម្ភៈ រហូតដល់ថ្ងៃទី២៥ ខែឧសភា ឆ្នាំ២០២២ ហើយការចុះឈ្មោះអ្នកសង្កេតការណ៍អន្តរជាតិ និងអ្នកសារព័ត៌មានអន្តរជាតិ នឹងប្រព្រឹត្តទៅចាប់ពីថ្ងៃទី១៥ ខែកុម្ភៈ រហូតដល់ថ្ងៃទី០១ ខែមិថុនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកការបិទផ្សាយបញ្ជីឈ្មោះទីតាំងការិយាល័យបោះឆ្នោតនៅគឃ.សប នឹងប្រព្រឹត្តទៅនៅថ្ងៃទី០២ ខែមីនា ឆ្នាំ២០២២។ ការទទួលពាក្យសុំចុះបញ្ជីបេក្ខជន នៃគណបក្សនយោបាយឈរឈ្មោះបោះឆ្នោត ដោយគឃ.សប មានរយៈពេលបីថ្ងៃ ដោយចាប់ពីថ្ងៃទី០៤ ដល់ថ្ងៃទី០៦ ខែមីនា ឆ្នាំ២០២២ ហើយការបិទផ្សាយបញ្ជីបេក្ខជនផ្លូវការនៅគឃ.សប មានរយៈពេល៧ ថ្ងៃ ដោយថ្ងៃទី២៤ ខែមេសា ឆ្នាំ២០២២ ជាថ្ងៃចុងក្រោយ។

ចំណែកការឃោសនាបោះឆ្នោតមានរយៈពេល១៤ថ្ងៃ ដោយចាប់ពីថ្ងៃទី២១ ខែឧសភា ដល់ថ្ងៃទី០៣ ខែមិថុនា ឆ្នាំ២០២២ ហើយការបោះឆ្នោត ការរាប់សន្លឹកឆ្នោត និងការបិទផ្សាយលទ្ធផល នៅការិយាល័យបោះឆ្នោត នឹងប្រព្រឹត្តទៅ នៅថ្ងៃទី០៥ ខែមិថុនា ឆ្នាំ២០២២ ហើយការប្រកាសលទ្ធផលបឋម នៃការបោះឆ្នោតដោយ គ.ជ.ប គឺនៅថ្ងៃទី០៥ ទី០៦ ខែមិថុនា ឆ្នាំ២០២២៕

ដោយ ៖ កោះកែវ