Connect with us

ព័ត៌មានជាតិ

កសិករនៅ​ខេត្តបាត់ដំបង សម្រុក​​សាប​ព្រោះ ក្រោយទទួលបានពូជស្រូវពីរដ្ឋាភិបាល

បានផុស

នៅ

ខេត្តបាត់ដំបង៖ កសិករក្នុងខេត្តបាត់ដំបងដែលប្រឈមនឹងការខូចខាតផលដំណាំស្រូវពីជំនន់ទឹកភ្លៀងកន្លងទៅ​ក្រោយទទួលបានពូជស្រូវពីរាជរដ្ឋាភិបាល ពេលនេះ​កំពុងនាំគ្នាចាប់ផ្តើមសាបព្រោះដើម្បីស្តារ​ជីវភាពឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឈឹម វជិរ៉ា ប្រធានមន្ទីរកសិកម្មរុក្ខាប្រមាញ់និងនេសាទខេត្តបាត់ដំបងបានប្រាប់ឱ្យដឹង នៅថ្ងៃទី២៤ខែវិច្ឆកាឆ្នាំ២០២០នេះថា គ្រោះធម្មជាតិទឹកជំនន់កាលពីពេល​ថ្មីៗនេះ បានបង្កការប៉ះពាល់ធ្ងន់ធ្ងរ​ដល់​ទ្រពសម្បត្តិផលិតកម្មដំណាំស្រូវ ដំណាំសាកវប្បកម្មនិងដំណាំកសិឧស្សាហកម្មជាច្រើននៅក្នុងស្រុកចំនួន៨។ ក្នុងនោះដំណាំស្រូវរងការប៉ះពាល់សរុបមានចំនួន១២៧.១៨៩ហិកតា មានដូចជាស្រូវស្រាល ស្រូវដើមរដូវ ស្រូវកណ្តាល ស្រូវឡើងទឹក និងស្រូវធ្ងន់ សរុបផ្ទៃដីខូចខាតចំនួន៤២.៥១៧ហិកតា។

លោកឈឹម វជិរ៉ា បន្តថា ការប្រឈមនឹងគ្រោះធម្មជាតិ ធ្វើអោយប៉ះពាល់ផលដំណាំស្រូវកសិករទាំង៨ក្រុងស្រុកក្នុងខេត្តបាត់ដំបង។ កសិករ​ត្រូវការពូជស្រូវចំនួន៧១៧តោន គិតជាមធ្យមស្រូវពូជចំនួន១០០គីឡូក្រាមក្នុងមួយហិកតាដើម្បីស្តារការខូចខាតឡើងវិញបាន។ ការស្តារឡើងវិញនូវផលដំណាំស្រូវរបស់កសិករក្នុងស្រុកក្រុង ដែលប៉ះពាល់ទាំងអស់ត្រូវបានផ្តល់នូវពូជស្រូវជាច្រើនពីសំណាក់ក្រុមការងារថ្នាក់ជាតិថ្នាក់ក្រោមជាតិ និងសប្បុរសជននានាពិសេសសម្តេចអគ្គមហាសេនាបតីតេជោហ៊ុន សែន ដែល​បានបង្កលក្ខណះដល់កសិករក្នុងការលើកកម្ពស់ការដាំដុះស្តារឡើងវិញ និង​ដែល​កំពុង​សម្រុកលើការងារភ្ជួររាស់សាបព្រោះបានផ្ទៃដីចំនួន៥៨៣១ហិចតាស្មើនឹង៥៥.៥៣%រួចហើយដែរ។

ដោយគ្រោះធម្មជាតិឆ្នាំនេះបង្កដោយជំនន់ទឹកភ្លៀងបានវាយលុកក្នុងខេត្តបាត់ដំបងធ្វើអោយស្រុកក្រុងចំនួន៨រងគ្រោះមានដូចជា ស្រុកមោងឫស្សី,បាណន់,សង្កែ,ឯកភ្នំ,គាស់ក្រឡ,រុក្ខគីរី,បវេលនិងស្រុកថ្មគោល ក្នុងនោះធ្វើអោយប្រជាកសិកររងគ្រោះរាប់មុឺនគ្រួសារ រួមនឹងផលដំណាំចម្រុះជាច្រើននឹងហេដ្ឋារចនាសម្ព័ន្ធមួយចំនួនរងផលប៉ះពាល់យ៉ាងធ្ងន់ធ្ងរផងដែរ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម