ម្ចាស់គណនីហ្វេសប៊ុកមួយ​ បន្លំធ្វើកូនសម្ដេចតេជោ​ និងជេ​រ អ៉ីវ៉ា​ ត្រូវបានបញ្ជូនទៅពេទ្យ​​សសៃ​ប្រសាទ

ម្ចាស់គណនីហ្វេសប៊ុក Ah July ដែលធ្លាប់បន្លំធ្វើជាកូនរបស់សម្ដេចតេជោ ហ៊ុន សែន និងជេរអ្នកផ្សេងទៀតនោះ ត្រូវបានបញ្ជូនទៅព្យាបាល​នៅពេទ្យសសៃប្រសាទ។

ម្ចាស់គណនីហ្វេសប៊ុករូបនេះ មានទីលំនៅ សង្កាត់អូ ឫស្សី៣ ខណ្ឌ៧មករា រាជធានីភ្នំពេញ បានចូលទៅសរសេរ Comment ហ្វេសប៊ុក បន្លំធ្វើជាកូនរបស់សម្ដេចតេជោ ហ៊ុន សែន។

សម្តេចតេជោ ហ៊ុន សែន ក៏បានណែនាំម្ចាស់គណនីឈ្មោះ «Ah July» មួយនេះ ឱ្យឈប់បន្លំធ្វើ​ជាកូនសម្តេច និងសម្តេចកិត្តិព្រឹទ្ធបណ្ឌិតបន្តទៅទៀត ដើម្បីចៀសវាងការភ័ន្តច្រឡំ។

ក្រៅតែពីការ​ណែនាំបែបនេះ សម្តេចតេជោ ហ៊ុន សែន ក៏បានស្នើសុំលេខទូរស័ព្ទ​ពីម្ចាស់​គណនី​ហ្វេសប៊ុកនេះ ដើម្បីសម្តេចជួយព្យាបាលជំងឺសរសៃប្រសាទរបស់គេផងដែរ។

កន្លងមក ក៏ធ្លាប់មានព័ត៌មានថា តារា​ចម្រៀង​ស្រី​ល្បី​ឈ្មោះ​ក្នុង​ផលិតកម្មសាន់ដេ កញ្ញា អ៉ីវ៉ា ក៏ត្រូវ​ស្ត្រីរូបនេះ បានទូរស័ព្ទទៅជេប្រមាថ គំរាមដកដំណែងដល់ឪពុករបស់នាងជាដើម ខណៈដែលកញ្ញា អ៉ី វ៉ា អ៊ីវ៉ាចេញមុខ​អះអាង​ថា នាងមិនដែលស្គាល់ស្ត្រីរូបនោះទេ ហើយក៏មិនដែលមានជាប់ពាក់ព័ន្ធ​ជា​មួយ​នរណាដែរ ហើយនាងឱ្យដឹងថា ស្ត្រីរូបនោះមិនមែនជាមនុស្សល្អទេ និយាយត្រឡប់ត្រឡិន​មុខ​ក្រោយ ចេះ​តែដៀលជេរប៉ុណ្ណោះ៕

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​