លោក តេង ច័ន្ទណាត ស្នងការរង ​នឹងឡើងកាន់តំណែង​ស្នងការនគរបាលខេត្តសៀម​រាប​ បន្ទាប់ពីលោក ទិត្យ​ ណារ៉ុង ចូលនិវត្តន៍​

នៅព្រឹកថ្ងៃច័ន្ទទី ១៣ ខែ កញ្ញា ឆ្នាំ២០២១ លោក តេង ច័ន្ទណាត ស្នងការរងទទួលផែននគរបាលចរាចរណ៍ផ្លូវគោក នឹងឡើងកាន់តំណែងជាស្នងការដ្ឋាននគរបាលខេត្តសៀមរាប ជំនួសលោក ទិត្យ ណារ៉ុងដែលត្រូវចូលនិវត្តន៍។

ប្រភពផ្លូវការបានឱ្យដឹងថា ពិធីផ្លាស់ប្ដូរមុខតំណែងស្នងការថ្មីខេត្តសៀមរាបនេះ ធ្វើនៅបន្ទប់ប្រជុំសាលាខេត្តសៀមរាប នាថ្ងៃទី ១៣ ខែ កញ្ញា ឆ្នាំ២០២១ ក្រោមវត្តមានរបស់លោក នេត សាវឿន អគ្គស្នងការនគរបាលតំណាងដ៏ខ្ពង់ខ្ពស់របស់សម្តេច ស ខេង ឧបនាយករដ្ឋមន្ដ្រី រដ្ឋមន្ត្រីក្រសួងមហាផ្ទៃ។

នេះបើយោងតាមលិខិតចុះហត្ថលេខា ដោយលោក ទិត្យ ណារ៉ុង ស្នងការនគរបាលខេត្តសៀមរាបនៅថ្ងៃទី​១០​ ខែកញ្ញា ឆ្នាំ២០២១។

ប្រភពបានឱ្យដឹងថាបន្ទាប់ពីមានការផ្លាស់ប្ដូរតំណែងលោកស្នងការនគរបាលខេត្តសៀមរាបក៏មានការផ្លាស់ប្ដូរស្នងការរងនិងនាយការិយាល័យមួយចំនួនដើម្បីបំពេញការងារឲ្យកាន់តែមានប្រសិទ្ធភាពថែមទៀត។ទោះយ៉ាងណាការផ្លាស់ប្ដូរតំណែងនេះគឺជារឿងធម្មតាព្រោះថាលោកបានចូលនិវត្តន៍៕

អត្ថបទៈ កុសល