ព័ត៌មានជាតិ
ប្រាសាទបុរាណខ្មែរមួយ កម្រភ្ញៀវទៅដល់ ខណ្ឌដោយទន្លេ ជាប់ព្រំដែនវៀតណាម
នៅក្នុងខេត្តស្វាយរៀង មានប្រាសាទបុរាណតែពីរកន្លែងប៉ុណ្ណោះ ដែលនៅសេសសល់។ ប្រាសាទទាំងពីរនេះក៏ចាស់ទ្រុឌទ្រោមបាក់បែកស្ទើរអស់ដែរ។ នេះបើតាមការបញ្ជាក់ពីប្រធានមន្ទីរវប្បធម៌និងវិចិត្រសិល្បៈខេត្តស្វាយរៀង។
លោកស្រី ឥន្ទ ណាគ្រី ប្រធានមន្ទីរវប្បធម៌ និងវិចិត្រសិល្បៈខេត្តស្វាយរៀងបានថ្លែងប្រាប់កម្ពុជាថ្មីថា ប្រាសាទដែលបាក់បែកសេសសល់ទាំងពីរនេះគឺប្រាសាទព្រៃបាសាក់ ឬប្រាសាទបាសាក់ ស្ថិតនៅក្នុងឃុំបាសាក់ ស្រុកស្វាយជ្រំ ខេត្តស្វាយរៀង និងប្រាសាទជាហោ នៅស្រុករមាសហែកជាប់ព្រំដែនវៀតណាម។
ប្រាសាទព្រៃបាសាក់ ជាដីទួលដ៏ចំណាស់មួយមានព្រៃឈើជាច្រើនហ៊ុំព័ទ្ធ។ ប៉ុន្តែគួរឲ្យសោកស្ដាយ ប្រាសាទនេះបានបាក់បែកខ្ទេចខ្ទីតួធ្លាក់រាយប៉ាយនៅសល់តែគ្រឹះឥដ្ឋ និងគ្រោងជញ្ជាំងនៅសល់បន្តិចបន្តួចប៉ុណ្ណោះ។
ទាក់ទងប្រវត្តិក្នុងការស្ថាបនាប្រាសាទនេះ បើតាមលោកស្រីប្រធានមន្ទីរមិនទាន់មានឯកសារបញ្ជាក់ច្បាស់នៅឡើយ ដោយសាររូបរាងប្រាសាទបាក់បែកស្ទើរអស់ទៅហើយ។ ការស្រាវជ្រាវខ្លះៗថា កសាងក្នុងកំឡុងសតវត្សទី ៩ ឬទី ១០។
ទោះបីប្រាសាទព្រៃបាសាក់បាក់បែកសល់តែគ្រឹះ ប៉ុន្តែអាជ្ញាធរបានអភិវឌ្ឍទៅជារមណីយដ្ឋានទេសចរណ៍ មានរៀបចំហេដ្ឋារចនាសម្ព័ន្ធមានផ្លូវបេតុង និងខាងក្នុងរមណីយដ្ឋានប្រាសាទ ដែលតែងតែមានភ្ញៀវទេសចរណ៍មកលេងឥតដាច់។
ដោយឡែកប្រាសាទមួយទៀតដែលបន្សល់ទុកនៅខេត្តស្វាយរៀងគឺប្រាសាទជាហោ នៅជាប់ព្រំដែនវៀតណាម។ ប្រាសាទជាហោ ជាប្រាសាទមួយមានវ័យចំណាស់កសាងអំពីឥដ្ឋតាន់ បច្ចុប្បន្ននៅរូបរាងជាង ៨០ភាគរយ។ ប្រាសាទនេះមានទីតាំងនៅជាប់ព្រំដែនវៀតណាម ខណ្ឌដោយទន្លេ ដែលថ្ងៃក្រោយអាចអភិវឌ្ឍទៅជារមណីយដ្ឋានសម្រាប់បម្រើវិស័យទេសចរណ៍។
យ៉ាងណាមិញ បើតាមប្រធានមន្ទីរវប្បធម៌ខេត្តស្វាយរៀង បច្ចុប្បន្ននេះការធ្វើដំណើរទៅប្រាសាទជាហោមានការពិបាកបន្តិច ដោយសារផ្លូវមានការខូចខាត។ ដើម្បីថែរក្សាការពារប្រាសាទ មន្ទីរក៏បានរៀបចំឲ្យមានឆ្មាំនៅមើលការខុសត្រូវផងដែរ។
ប្រាសាទជាហោ ស្ថិតនៅភូមិព្រៃក្តី ឃុំគគីរ ស្រុករមាសហែក ខេត្តស្វាយរៀង។ បើធ្វើដំណើរពីរាជធានីភ្នំពេញតាមផ្លូវជាតិលេខ១ ដល់ចំណុចផ្លូវបំបែកជាបួន ស្ថិតក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង គឺបត់ឆ្វេងទៅតាមផ្លូវជាតិលេខ៣១៣ D ឆ្ពោះទៅទីប្រជុំជនស្រុករមាសហែក មានចម្ងាយ៤៤គីឡូម៉ែត្រ ហើយបន្តដំណើរពីសាលាស្រុករមាសហែក ទៅជើងចម្ងាយប្រមាណ ១៦គីឡូម៉ែត្រ ដល់កែងសាលាឃុំអម្ពិល បត់ស្តាំទៅកើតចម្ងាយ១៧គីឡូម៉ែត្រ ដល់ប្រាសាទជាហោ ។
ប្រសិនបើចេញដំណើរពីរាជធានីភ្នំពេញតាមផ្លូវជាតិលេខ ៨ ដល់ចំណុចផ្លូវបំបែក ស្ថិតនៅភូមិក្របៅ ឃុំក្របៅ ស្រុកកំចាយមារ ខេត្តព្រៃវែង បត់ស្តាំតាមផ្លូវជាតិលេខ៣១៣D ចម្ងាយ១៣គីឡូម៉ែត្រ ឆ្ពោះមកសាលាឃុំអម្ពិល ស្រុករមាសហែក បត់ឆ្វេង១៧គីឡូម៉ែត្រ នឹងទៅដល់ប្រាសាទជាហោហើយ។ បច្ចុប្បន្នប្រាសាទជាហោពុំសូវមានអ្នកស្គាល់ ឬភ្ញៀវទេសចរណ៍ទៅលេងកម្សាន្តច្រើនទេ។
ក្រៅពីប្រាសាទព្រៃបាសាក់និងជាហោដែលនៅសេសសល់ មន្រ្តីមន្ទីរវប្បធម៌ខេត្តស្វាយរៀងបានឲ្យដឹងថា នៅខេត្តស្វាយរៀងបានរកឃើញទួលបុរាណសរុបចំនួន ៧៣៦ រួមទាំងចេតិយបុរាណ និងវិហារបុរាណមួយចំនួនទៀតផងដែរ៕
អត្ថបទ៖ ប៊ុណ្ណារ៉ា
ក្រុមហ៊ុនអាកាសចរណ៍ អ៊ែរ អេស៊ា ខេមបូឌា បើកការតាំងពិព័រណ៍ទេសចរណ៍លើកដំបូង ដើម្បីផ្តល់ជូននូវជើងហោះហើរជាច្រើនក្នុងតម្លៃដ៏អស្ចារ្យ សម្រាប់ជំរុញតម្រូវការទេសចរណ៍ ទូទាំងប្រទេស
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
មន្រ្តីនាំពាក្យក្រសួងការងារ៖ ក្រសួងការងារបានទទួលញាត្តិពីសហជីព ហើយនឹងពិនិត្យអ្វីដែលជាការលើកឡើងរបស់ពួកគេ
របាយការណ៍៖ ៧៩,៨ % យល់ថាសេរីភាពសារព័ត៌មាននៅកម្ពុជាមានលក្ខណៈល្អប្រសើរ
ទីក្រុងម៉ានីល បញ្ចេញរថយន្តបាញ់ទឹកតាមដងផ្លូវ ដើម្បីទប់ទល់នឹងកម្តៅ
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
វៀតណាម តាមរកស្រ្តីដែលលក់ម្នាស់ឲ្យទេសចរបរទេស ៣ផ្លែ ២០ដុល្លារ
ក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន
ព្រះចៅស៊ុលតង់ យាងមកដល់កម្ពុជាដោយសុវត្ថិភាព ដើម្បីសោយព្រះក្រយាពេលព្រឹកស្អែកជាមួយសម្ដេចតេជោ
-
ជីវិតកម្សាន្ដ៤ ថ្ងៃ agoអាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ agoពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ agoស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ម៉ោង agoក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ agoសម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ agoអតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ agoតារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ