ព័ត៌មានជាតិ

អង្គភាពពាក់ព័ន្ធបន្តប្រើប្រាស់អភិក្រមសកម្មភាពមុនគ្រោះអាសន្នពីធម្មជាតិកើតឡើងក្នុងឆ្នាំ២០២១ និងឆ្នាំខាងមុខ

បានផុស

៥ years មុន

នៅ

ថ្ងៃពុធ ១៥ កញ្ញា ២០២១

ដោយ

លោក សំហេង បុរស រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានអនុគណៈកម្មការ ជំនួយសង្គមបានថ្លែងថា ដើម្បីកាត់បន្ថយផលប៉ះពាល់ពីគ្រោះទឹកជំនន់ ឆ្នាំ២០២១ និងឆ្នាំខាងមុខនេះអង្គភាពពាក់ព័ន្ធត្រូវប្រើប្រាស់អភិក្រមសកម្មភាពមុនគ្រោះអាសន្នកើតឡើង និងកិច្ចគាំពារសង្គមឆ្លើយតបនឹងគ្រោះអាសន្ន›។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំហេង បុរស លើកឡើងបែបនេះក្នុងកិច្ចប្រជុំជាមួយគណៈកម្មការជាតិគ្រោះមហន្តរាយ និងភាគីពាក់ព័ន្ធ នាថ្ងៃម្សិលមិញលើការបន្តពិភាក្សាការ រៀបចំផែនការត្រៀមបម្រុងក្នុងការឆ្លើយតបគ្រោះមហន្តរាយក្រសួងសង្គមកិច្ចអតីតយុទ្ធជន និងយុវនីតិសម្បទា ពិសេសការឆ្លើយតបស្ថានភាពទឹកជំនន់ឆ្នាំ២០២១។

លោក សំហេង បុរស បានថ្លែងថា កិច្ចប្រជុំតាមZoom នេះត្រូវបានរៀបចំឡើងក្នុងគោលបំណង ចងក្រងបទពិសោធន៍នៃការឆ្លើយតបទឹកជំនន់ឆ្នាំ២០២០ និងការវិវឌ្ឍ ន៍នាពេលបច្ចុប្បន្នលើការពង្រឹងការងារត្រៀមរៀបចំឆ្លើយតប គ្រោះមហន្តរាយ និងការគាំពារសង្គម ពិសេសការស្វែងរកធាតុចូលក្នុងការរៀបចំផែនការឆ្លើយតបគ្រោះមហន្តរាយក្នុង វិស័យសង្គមកិច្ច អតីតយុទ្ធជន និងយុវនិតិសម្បទា ។

លោកបន្តថា ក្រសួងសង្គមកិច្ច អតីតយុទ្ធជននិងយុវនីតិសម្បទា និងអនុគណ:កម្មការជំនួយ សង្គមបន្តសហការជាមួយគណៈកម្មាធិការជាតិគ្រប់គ្រងគ្រោះម ហន្តរាយ និងគាំទ្រដោយអង្គការFAO WFP និង UNICEF រៀបចំសិក្ខាសាលាស្តីពី ការត្រៀមខ្លួនដើម្បីកាត់បន្ថយផលប៉ះពាល់ពីគ្រោះទឹកជំនន់ ឆ្នាំ២០២១ និងឆ្នាំខាងមុខ ដោយប្រើប្រាស់អភិក្រមសកម្មភាពមុនគ្រោះអាសន្នកើតឡើង និងកិច្ចគាំពារសង្គមឆ្លើយតបនឹងគ្រោះអាសន្ន›៕

អត្ថបទ៖ វិមាន