ព័ត៌មានជាតិ
រដ្ឋាភិបាលចំណាយថវិកាជាង១៣លានដុល្លារឧបត្ថម្ភដល់កម្មករស្ថិតក្នុងតំបន់បិទខ្ទប់លក្ខណៈទ្រង់ទ្រាយធំ
រហូតមកដល់ពេលនេះ រដ្ឋាភិបាលបានចំណាយថវិកាប្រមាណ៥៤,៤២៨,០០០,០០០រៀល ឬស្មើនឹង១៣,៦០៧,០០០ដុល្លារអាមេរិកសម្រាប់ឧបត្ថម្ភចំនួន៣លើក ដល់បងប្អូនកម្មករនិយោជិតចំនួន៣៤០,១៧៤នាក់ នៅរោងចក្រចំនួន៧៦២រោងចក្រ ក្នុងវិស័យកាត់ដេរសំលៀកបំពាក់ស្បែកជើង និងកាបូបស្ថិតនៅក្នុងតំបន់បិទខ្ទប់ជាលក្ខណៈទ្រង់ទ្រាយធំ នៃរាជធានីភ្នំពេញ ក្រុងតាខ្មៅនៃខេត្តកណ្ដាលនិងក្រុងព្រះសីហនុនៃខេត្តព្រះសីហនុ។
រដ្ឋាភិបាលបានផ្តល់ប្រាក់ឧបត្ថម្ភដល់កម្មករស្ថិតនៅក្នុងតំបន់បិទខ្ទប់ជាលក្ខណៈទ្រង់ទ្រាយធំជំហានទី១នៅថ្ងៃទី២២ ខែមិថុនា ឆ្នាំ២០២១ទៅលើកម្មករចំនួន២៧៥,៧៤៧នាក់ នៅរោងចក្រចំនួន៥១៣ ជំហានទី២បានផ្តល់កាលពីថ្ងៃទី២៨ ខែកក្កដា ឆ្នាំ២០២១ទៅលើកម្មករចំនួន៥៩,០១២នាក់ នៅរោងចក្រចំនួន១៧៥ និងជំហានទី៣ចាប់ពីថ្ងៃ១២ ខែតុលា ឆ្នាំ២០២១នេះតទៅលើកម្មករចំនួន៥,៤១៥នាក់នៅរោងចក្រចំនួន៧៤។
លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈបានមានប្រសាសន៍នៅក្នុងសេចក្តីជូនដំណឹងចុះថ្ងៃទី១២ ខែតុលានេះថា កម្មករនិយោជិតដែលត្រូវទទួលបានការឧបត្ថម្ភជំហានទី៣នេះមានចំនួន៥,៤១៥នាក់ នៅរោងចក្រចំនួន៧៤ក្នុងវិស័យកាត់ដេរសម្លៀកបំពាក់ស្បែកជើងនិងកាបូបដែលស្ថិតនៅក្នុងតំបន់បិទខ្ទប់ជាលក្ខណៈទ្រង់ទ្រាយធំ នៃរាជធានីភ្នំពេញ ក្រុងតាខ្មៅ ខេត្តកណ្ដាល និងក្រុងព្រះសីហនុ ខេត្តព្រះសីហនុ ដោយកម្មករម្នាក់ៗនឹងទទួលបានថវិកាចំនួន១៦ម៉ឺនរៀលតែមួយដងគត់។
លោករដ្ឋមន្ត្រីបានបន្តថា ធនាគារឯកទេសវីងនិងផ្ញើសារអំពីការបើកប្រាក់ឧបត្ថម្ភចំនួន១៦ម៉ឺនរៀលនេះស្របតាមកម្មវិធីជំនួយសង្គមជាសាច់ប្រាក់ក្រោយពេលបិទទុករបស់រាជរដ្ឋាភិបាលទៅលេខទូរសព្ទដែលបងប្អូនបានផ្ដល់មកឲ្យក្រសួងតាមរយៈរដ្ឋបាលរោងចក្រនេះពេលកន្លងមក។
លោករដ្ឋមន្ត្រីបានបន្តទៀតថា ធនាគារឯកទេសវីងនឹងបង្វិលប្រាក់ឧបត្ថម្ភនេះជូនរដ្ឋាភិបាលវិញបើសិនជាបងប្អូនខកខានមិនបានទៅបើកប្រាក់ឧបត្ថម្ភនេះក្នុងរយៈពេល១០ថ្ងៃបន្ទាប់ពីទទួលបានសារតាមទូរស័ព្ទពីធនាគារឯកទេសវីង។
លោករដ្ឋមន្ត្រីបានបន្ថែមទៀតថា ដើម្បីបើកប្រាក់ឧបត្ថម្ភនេះបងប្អូនត្រូវយកអត្តសញ្ញាណប័ណ្ណសញ្ជាតិខ្មែរនិងទូរសព្ទដែលទទួលបានសារនោះទៅកាន់ភ្នាក់ងារវីងដែលនៅជិតបំផុតហើយការបើកប្រាក់នេះមិនតម្រូវឲ្យបងប្អូនបង់ថ្លៃសេវាពេលប្រាក់ឧបត្ថម្ភនេះឡើយ។
លោករដ្ឋមន្ត្រីបានបន្ថែមទៀតថា ក្នុងករណីបងប្អូនកម្មករនិយោជិតដែលបម្រើការងារនៅរោងចក្រចំនួន៧៤នេះមិនបានទទួលសារទូរសព្ទពីធនាគារឯកទេសវីងទេ សូមទំនាក់ទំនងតាមរយៈតេឡេក្រាម ឬលេខទូរស័ព្ទ១២៩៧៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត