ខណ្ឌដូនពេញ ​បើក​យុទ្ធនាការ​ចាក់វ៉ាក់សាំង​ដូសទី ៣

ខណ្ឌដូនពេញ នៅព្រឹកថ្ងៃទី៣០ខែតុលាឆ្នាំ២០២១នេះបានចាប់ផ្តើម យុទ្ធនាចាក់វ៉ាក់សាំងបង្ការជម្ងឺ កូវីដ១៩ ដូសទី៣ (ដូសជំរុញ) ជូនដល់បងប្អូនប្រជាពលរដ្ឋ ក្នុងមូលដ្ឋាន។

លោក សុខ ពេញវុធ អភិបាល នៃគណៈអភិបាលខណ្ឌដូនពេញបានមានប្រសាសន៍ថា យុទ្ធនាការ​ចាក់វ៉ាក់សាំងបង្ការ​ជំងឺ​កូវីដ១៩ ដូសទី៣ (ដូសជំរុញ) ជូនដល់បងប្អូនប្រជាពលរដ្ឋក្នុងសង្កាត់ទាំង១១ និងទីរួមផ្សារទាំង៣ នៃខណ្ឌដូនពេញ ដោយចាប់ផ្តើមពីថ្ងៃទី៣០ ខែតុលា ឆ្នាំ២០២១ រហូតដល់ថ្ងៃទី១២ ខែវិច្ឆិកា ឆ្នាំ២០២១។

រដ្ឋបាលខណ្ឌ បានកំណត់យកទីតាំងចំនួន ០៣ ជាមណ្ឌលចាក់វ៉ាក់សាំងបង្ការជំងឺកូវីដ-១៩ ដូសទី៣ រួមមាន៖

១-មណ្ឌលចាក់វ៉ាក់សាំងមន្ទីរពេទ្យបង្អែកចតុមុខ
២-មណ្ឌលចាក់វ៉ាក់សាំងអតីតភោជនីយដ្ឋានពិភពថ្មី
៣-មណ្ឌលចាក់វ៉ាក់សាំងឃ្លាំង ក្នុងរាជាយស្ម័យាន(ស្ថានីយរថភ្លើង)។

រដ្ឋបាលខណ្ឌដូនពេញ សូមជម្រាបជូនដំណឹងដល់បងប្អូនប្រជាពលរដ្ឋ ក្នុងមូលដ្ឋានខណ្ឌដូនពេញ អញ្ជើញទៅចាក់វ៉ាក់សាំងបង្ការជម្ងឺ កូវីដ-១៩ ដូសទី៣ ជាដូសជំរុញអោយបានគ្រប់ៗគ្នា៕

អត្ថបទ៖ រស្មី