ព័ត៌មានជាតិ

សម្តេច ហ៊ុន សែន៖ អ្នកធុរកិច្ច អ្នកការទូតបរទេសអាចជួបនាយករដ្ឋមន្ត្រីបានភ្លាមៗក្រោយតេស្តអវិជ្ជមានកូវីដ

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា អ្នកធុរកិច្ច និងអ្នកការទូតបរទេស ដែលចូលកម្ពុជា ក្រោយធ្វើតេស្តឃើញអវិជ្ជមានកូវីដ-១៩ អនុញ្ញាតឱ្យជួបនាយករដ្ឋមន្ត្រីបាន ដោយមិនចាំបាច់ធ្វើចត្តាឡីស័ក ឬបើធ្វើចត្តាឡីស័កយ៉ាងយូរត្រឹម៣ថ្ងៃប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចថ្លែងបែបនេះ នៅក្នុងពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី៦ឆ្នាំឡើង ក្នុងក្របខណ្ឌទូទាំងប្រទេស និងប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារអាយុ៥ឆ្នាំ ដែលចាប់ផ្ដើមពីថ្ងៃចន្ទ ទី០១ ខែវិច្ឆិកា ឆ្នាំ២០២១ ។

សម្តេចបានសង្កត់ធ្ងន់ថា ការធ្វើបែបនេះ គឺដើម្បីទាក់ទាញក្រុមធុរកិច្ចឱ្យចូលមកវិនិយោគនៅកម្ពុជា។

ជាមួយគ្នានេះ សម្តេចគូសបញ្ជាក់ទៀតថា សម្រាប់ធុរកិច្ចខ្មែរ ដែលចេញចូលបរទេស អាចធ្វើចត្តាឡីស័ក នៅផ្ទះខ្លួនឯងបាន ដោយមិនចាំបាច់ធ្វើនៅសណ្ឋាគារ។ សម្តេចនាយករដ្ឋមន្ត្រី ថ្លែងដូច្នេះថា«អ្នកណាដែលមានលទ្ធភាពធ្វើចត្តាឡីស័កនៅផ្ទះឱ្យធ្វើទៅ ដោយមិនចាំបាច់សុំច្បាប់ដល់ខ្ញុំទេ»៕

អត្ថបទ៖ ទួន សុផល