ព័ត៌មានជាតិ

ក្មេងទំនើងម្នាក់ ចេញពីគុកមិនកែខ្លួនគិតតែមានលុយទិញថ្នាំញៀនជក់រករឿងម្តាយ វាយទ្រព្យសម្បតិ្តក្នុងផ្ទះខ្ទេចអស់

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

បន្ទាយមានជ័យ ៖ ក្មេងពាលម្នាក់មានប្រប្រវត្តិធ្លាប់ជាប់គុកចេញពីគុកវិញមិនកែខ្លួនគិតតែពីមានលុយទិញថ្នាំញៀនជក់ រករឿងម្តាយ វាយទ្រព្យសម្បតិ្តក្នុងផ្ទះខ្ទេចអស់ត្រូវម្តាយឈ្មោះ លី ចាន់វុធ ភេទស្រី អាយុ៥៥ឆ្នាំ រស់នៅភូមិគោររដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ប្ដឹងកូនប្រុសបង្កើតឈ្មោះ ព្រុំ សុខគា អាយុ២៥ឆ្នាំ ក្នុងករណីគំរាមសម្លាប់ម្តាយ និងវាយបំផ្លាញទ្រព្យសម្បត្តិក្នុងផ្ទះ ព្រឹក ថ្ងៃទី១ ខែវិច្ឆិកា ឆ្នាំ២០២១។

ទទួលបានពាក្យបណ្ដឹងហើយលោកវរសេនីយ៍ទោ ព្រហ្ម ថេង ប្រធានមន្ទីរយុត្តិធម៌បានដឹកនាំកម្លាំងជំនាញ សហការជាមួយកម្លាំងអន្តរាគមន៍ ចុះដល់កន្លែងកើតហេតុ ព្រមទាំងធ្វើការឃាត់ខ្លួនជនសង្ស័យយកមកការិយាល័យជំនាញដើម្បីសួរនាំ។

ក្រោយពីកម្លាំងជំនាញសាកសួររួចមក ឈ្មោះព្រុំ សុខគា បានឆ្លើយថា កន្លងមកខ្លួនធ្លាប់ជាប់គុកម្តងរួចមកហើយពេលចេញពីគុកមានលុយទិញថ្នាំជក់គ្មានគិតអ្វី។ ថ្ងៃកើតហេតុនោះខ្លួនបានទិញថ្នាំញៀនយកមកជក់ដោយថ្នាំញៀនចូលពោះមានកំហឹងខ្លាំងភ្លាមដោយខឹងនិងម្ដាយមិនឲ្យចេញពីផ្ទះ ហើយស្ដីបន្ទោសឲ្យទៀតបានយកកាំបិតបុ័ងតោ មកកាប់បំផ្លាញទ្រព្យសម្បត្តិក្នុងផ្ទះ ព្រមទាំងកាប់ជញ្ជាំងផ្ទះធ្វើពីស័ង្កសីបណ្ដាលឲ្យដាច់រហែកខ្ទេចខ្ទីអស់និងចង់សម្លាប់ម្តាយទៀត។

លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឲ្យដឹងថា ជនសង្ស័យដោយទទួលបានការអនុញ្ញាតពីលោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តជនសង្ស័យខាងលើត្រូវបានកម្លាំងការិយាល័យប្រឆាំងការជួញដូរមនុស្សបញ្ជូនទៅសាលាដំបូងខេត្តចាត់ការតាមនីតិវិធីច្បាប់៕

ដោយ ៖ វ៉ាន់ ណាង

Related Topics:ក្មេងទំនើង