ព័ត៌មានជាតិ

ខេត្តព្រះសីហនុ នៅតែនាំមុខគេក្នុងដំណើរកម្សាន្តរបស់ភ្ញៀវទេសចរណ៍ នាចុងសប្តាហ៍កន្លងទៅនេះ

បានផុស

៣ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

តាមរបាយការណ៍ពីរាជធានី ខេត្ត បានឲ្យដឹងថា សម្រាប់រយៈពេល២ ថ្ងៃចុងសប្ដាហ៍កន្លងទៅនេះ នៅទូទាំងប្រទេស មានភ្ញៀវទេសចរចេញដើរកម្សាន្តជាង១៨ម៉ឺននាក់ ហើយក្នុងចំណោមគោលដៅទេសចរណ៍ទាំងអស់ ខេត្តព្រះសីហនុ នៅតែនាំមុខគេក្នុងដំណើរកម្សាន្តចុងសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង ខុន រដ្ឋមន្ត្រីក្រសួងទេសចរណ៍បានឲ្យដឹងថា ក្នុងឱកាសចុងសប្តាហ៍នេះ គឺនៅថ្ងៃទី១៣ និងទី១៤ ខែវិច្ឆិកា ឆ្នាំ២០២១ មានភ្ញៀវទេសចរ បានចេញដើរទស្សនាកម្សាន្តសរុប១៨០,២៩៦នាក់ ហើយក្នុងចំនួនភ្ញៀវទេសចរណ៍ទាំងនោះ មានភ្ញៀវជាតិចំនួន១៧៥,៨០១នាក់ និងភ្ញៀវបរទេសផ្ទៃក្នុង៤,៤៩៥នាក់។ គោលដៅទេសចរណ៍សំខាន់ៗ ដែលទទួលបានភ្ញៀវទេសចរណ៍នាំមុខគេនោះរួមមាន៖ ខេត្តព្រះសីហនុ៣៤,៣០៦នាក់, រាជធានីភ្នំពេញ ៣២,០៣៤នាក់, ខេត្តកំពត ១៦,០០៧នាក់, ខេត្តពោធិ៍សាត់ ១៥,៥០៨នាក់, ខេត្តសៀមរាប១៣,១០៤នាក់។

បើតាមលោក ថោង ខុន តួលេខភ្ញៀវទេសចរណ៍ខាងលើ មានការកើនឡើងប្រមាណ ៣.២៩ភាគរយ ធៀបនឹងសប្តាហ៍កន្លងទៅ។ លោកថា រមណីយដ្ឋានទេសចរណ៍ និងគោលដៅទេសចរណ៍ រួមជាមួយមូលដ្ឋានអាជីវកម្មទេសចរណ៍នានាទូទាំងប្រទេស បានបើកដំណើរការទទួលភ្ញៀវទេសចរ និងបានកំពុងត្រៀមខ្លួនទទួលភ្ញៀវទេសចរ នាពេលថ្ងៃឈប់សម្រាកព្រះរាជពិធីបុណ្យអុំទូកនាសប្តាហ៍ក្រោយនេះ៕

ដោយ ៖ កោះកែវ