ព័ត៌មានជាតិ

បើករថយន្តវ៉ាជែងមិនប្រយ័ត្នជ្រុលទៅបុកម៉ូតូពេញទំហឹងបណ្តាលឲ្យដាច់ម៉ូតូជាពីរកំណាត់និងស្លាប់មនុស្សម្នាក់

បានផុស

៦ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

លោកតាវ័យចំណាស់ម្នាក់បានស្លាប់ក្រោយពេលបញ្ជូនទៅសង្គ្រោះនៅមន្ទីរ ពេទ្យ។ក្នុងហេតុការណ៍គ្រោះថ្នាក់ចរាចរណ៍រវាងរថយន្តបើកឡើងជែងរេចង្កូតទៅបុកម៉ូតូនេះបានកើតឡើង នៅវេលាម៉ោង៩យប់ ថ្ងៃទី៤ ខែធ្នូឆ្នាំ២០២០នៅលើកំណាត់ផ្លូវជាតិលេខ៥៨ ស្ថិតត្រង់ចំណុចចន្លោះបង្គោលគីឡូម៉ែត្រលេខ១៧-១៨នៅភូមិទំនប់ដាច់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សែស វិបុល អធិការនគរបាលស្រុកអូរជ្រៅបានឲ្យដឹងថា សពជនរងគ្រោះមាន ឈ្មោះ ឡក់ រ៉េត ភេទប្រុស អាយុ៦៦ឆ្នាំ រស់នៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្ត បន្ទាយមានជ័យ មិនមានពាក់មួកសុវត្តិភាព។

លោកវរសេនីយ៍ឯកសែស វិបុលបានបញ្ជាក់ឲ្យដឹងបន្តទៀតថា នៅមុនពេលកើតហេតុ ជនរងគ្រោះជិះម៉ូតូបានធ្វើដំណើរពីលិចទៅកើត ពេលមកដល់ចំណុចកើតហេតុក៏មានរថយន្តម៉ាកកាមរីសេរីឆ្នាំ១៩៩៥ ពណ៍ស្លែ ពាក់ស្លាកលេខកំពង់ចាម .2A_០៩៧៥ បើកបរដោយ ឈ្មោះសែម រុន ភេទប្រុសអាយុ៤៥ឆ្នាំ រស់នៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

លោកលោកវរសេនីយ៍ឯកបានបញ្ជាក់ទៀតថា ករណីគ្រោះនេះ គឺកើតឡើងដោយរថយន្ដ និងម៉ូតូ ធ្វើដំណើរបញ្ច្រាសទិសគ្នាហើយរថយន្ដបានឡើងវ៉ាជែងរថយន្ដមួយផ្សេងទៀតក៏ជ្រុលបុកម៉ូតូពេញ ទំហឹងបណ្តាលឲ្យដាច់ម៉ូតូជា២កំណាត់ ធ្វើឲ្យអ្នកបើកម៉ូតូរបួសធ្ងន់ បន្ទាប់មកបានស្លាប់ពេលបញ្ជូន ទៅមន្ទីរពេទ្យ ។ចំណែកអ្នកបើករថយន្ត បានរត់គេចខ្លួន។ នៅពេលនេះកម្លាំងនគរបាលស្រុកអូរជ្រៅ កំពុងធ្វើការស្រាវជ្រាវដើម្បីចាប់ខ្លួនរៀបចំសំណុំរឿងបញ្ជូនទៅសាលាដំបូងខេត្ត ចាត់ការតាមនិតិវិធីច្បាប់ ឯសពជនរងគ្រោះត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕

អត្ថបទ៖ វ៉ាន់ ណាង