ព័ត៌មានជាតិ
លោក ម៉ម ប៊ុនហេង៖ កិច្ចការផលិតវ៉ាក់សាំងកូវីដ-១៩ នៅកម្ពុជា កំពុងដំណើរការ
លោកសាស្ត្រាចារ្យវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល មានប្រសាសន៍ថា កិច្ចការផលិតវ៉ាក់សាំងកូវីដ-១៩ នៅកម្ពុជា កំពុងដំណើរការទៅមុខ ដែលនឹងអាចលេចចេញរូបរាងនៅពេលឆាប់ៗនេះ។
លោកសាស្ត្រាចារ្យវេជ្ជបណ្ឌិត មានប្រសាសន៍ខាងលើ ធ្វើឡើងបន្ទាប់ពីចប់ពិធី កម្ពុជាប្រគល់អំណោយវ៉ាក់សាំងស៊ីណូវ៉ាក់ចំនួន ៥០ម៉ឺនដូស និងរថយន្តដឹកវ៉ាក់សាំងចំនួន ០៣គ្រឿង ដល់ប្រទេសឡាវ នៅ ខេត្តស្ទឹងត្រែងព្រំដែនកម្ពុជា-ឡាវ (ត្រពាំងក្រៀល-ណងនុឃាន) ក្រោមអធិបតីភាព លោកផ្ទាល់ និង លោក គីកែវ ខាយខាំភីធួង ឧបនាយករដ្ឋមន្ត្រី តំណាងឱ្យរដ្ឋាភិបាលឡាវ នៅថ្ងៃទី ៣ ខែធ្នូ ឆ្នាំ២០២១ នេះ។
លោកសាស្ត្រាចារ្យវេជ្ជបណ្ឌិត ម៉ម ប៊ុនហេង មានប្រសាសន៍ថា ចំពោះកិច្ចការផលិតវ៉ាក់សាំងកូវីដ-១៩ នៅកម្ពុជា គឺយើងចង់ឱ្យតែកម្ពុជាបានផលិតវ៉ាក់សាំងនោះចេញរូបរាងនៅកម្ពុជាឱ្យបានឆាប់ទេ ដែលកិច្ចការនេះ ភាគីពាក់ព័ន្ធកំពុងដំណើរការ។ ចំណែកលទ្ធផលសម្រេចអាចចេញរូបរាងបាននៅពេលណា គឺមិនទាន់អាចកំណត់ពេលនេះបាននៅឡើយទេ។
រដ្ឋមន្ត្រីក្រសួងសុខាភិបាល ខាងលើ បានបញ្ជាក់បន្តថា ការផលិតវ៉ាក់សាំងកូវីដ-១៩ នៅកម្ពុជានេះ ជាការងារមួយសំខាន់ណាស់ ដែលកម្ពុជាមានវ៉ាក់សាំងរបស់ខ្លួន ហើយអាចផលិត និងអាចចែកចាយទៅប្រទេសដែលមានតម្រូវការ ជាការជួយ និងពង្រឹងកិច្ចសហប្រតិបត្តិការជាមួយប្រទេសដៃគូ។
គួរបញ្ជាក់ថា នៅក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវចំនួន ៣៧ខ្សែ និងអាងប្រព្រឹត្តកម្មទឹកកខ្វក់ចំនួន ៣ និងសមិទ្ធផលនានា នៅក្រុងព្រះសីហនុ កាលពីថ្ងៃម្សិលមិញនេះ សម្ដេចតេជោ ហ៊ុន សេន បានមានប្រសាសន៍ថានេះថា ក្រោមកិច្ចព្រមព្រៀងរវាងក្រុមហ៊ុននៅកម្ពុជា និងក្រុមហ៊ុនចិន និងមានការគាំទ្ររវាងរដ្ឋាភិបាល នៃប្រទេសទាំងពីរ កម្ពុជា-ចិន គឺប្រទេសកម្ពុជា បានទទួលសិទ្ធិផលិតវ៉ាក់សាំង ប្រភេទស៊ីណូវ៉ាក់ហើយ។
សម្ដេចតេជោ ហ៊ុន សែន បានបញ្ជាក់ថា ការប្រឹងប្រែងស្វះស្វែងរក ទាំងការទិញវ៉ាក់សាំង និងគម្រោងផលិតវ៉ាក់សាំងបង្ការជំងឺកូវីដ-១៩យ៉ាងដូច្នេះ ក៏ព្រោះតែគេមិនដឹងថា ជំងឺរាតត្បាតមួយនេះ នឹងត្រូវបញ្ចប់នៅពេលណានោះទេ ដោយប្រទេសកម្ពុជា បានស្នើប្រទេសចិន ដើម្បីផលិតវ៉ាក់សាំង ដែលជាផលិតសម្រេច៕
អត្ថបទ៖ ច័ន្ទ វីរៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ