Connect with us

ព័ត៌មានជាតិ

អ្នកនាំពាក្យក្រសួងអប់រំផ្ញើសារគន្លឹះចំនួន៣ដល់បេក្ខជន និងមាតាបិតាត្រៀមប្រឡងបាក់ឌុបខាងមុខ

បានផុស

នៅ

អ្នកនាំពាក្យក្រសួងអប់រំយុវជន និងកីឡា លោក រស់ សុវាចា បានផ្ញើសារគន្លឹះៗចំនួន៣ដល់បេក្ខជនប្រឡង និងមាតាបិតាសម្រាប់ត្រៀមលក្ខណៈចូលរួមប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប។ ការប្រឡងបាក់ឌុបនៅក្នុងឆ្នាំ២០២១នេះ នឹងធ្វើឡើងនៅចុងខែធ្នូ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារ៣ចំណុចនេះ គឺទី១. ក្រសួងអប់រំ យុវជន និងកីឡា សូមគោរពថ្លែងអំណរគុណជូនចំពោះបុគ្គលិកអប់រំ គណ:គ្រប់គ្រងគ្រឹះស្ថានសិក្សា លោកគ្រូ អ្នកគ្រូ និងគ្រប់ភាគីពាក់ព័ន្ធដែលបានចូលរួមលើកកម្ពស់ការបង្រៀន រៀន និងការចូលរួមគាំទ្រដំណើរការប្រឡងបាក់ឌុបគ្រប់ដំណាក់កាល មុននិងក្នុងបរិបទកូវីដ-១៩។ ទី២. ក្រសួង​អប់រំ សូមបេក្ខជនប្រឡងបាក់ឌុប បន្តអនុវត្តន៍គោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងការចូលរួមប្រតិបត្តិវិធានការសុវត្ថិភាពសុខភាព។ ក្រសួងអប់រំ ក៏សូមបេក្ខជនប្រឡងបាក់ឌុប ប្រយ័ត្នប្រយែងពេលធ្វើដំណើរតាមដងផ្លូវដោយត្រូវបន្តគោរពច្បាប់ចរាចរណ៍ និងសូមបេក្ខជនប្រឡងបាក់ឌុបញ៉ាំឱ្យគ្រប់ គេងឱ្យគ្រាន់ ទឹកឱ្យក្រែល។

លោក រស់ សុវាចា បានបន្តទៀតថា បច្ចុប្បន្ននេះ សិស្សានុសិស្សរៀនតាមកម្មវិធីសិក្សាបង្រួញតាមរយ:ការអប់រំបែបចម្រុះគឺ សិស្សរៀនក្នុងថ្នាក់ឆ្លាស់វេនគ្នាផង រៀនអនឡាញផង ធ្វើស្វ័យសិក្សាផង អមដោយសន្លឹកកិច្ចការ និងមេរៀនសង្ខេប។ ទន្ទឹមនឹងនេះ ក្រសួងអប់រំ យុវជន និងកីឡានៅតែជូនធនធានអប់រំឌីជីថលសម្រាប់សិស្សានុសិស្សបន្តរៀនអនឡាញគ្រប់កម្រិតថ្នាក់នៅទូទាំងប្រទេស។

ចំណែក ចំណុចទី៣ គឺក្រសួងអប់រំ យុវជន និងកីឡា សូមអំពាវនាវដល់មាតាបិតាមេត្តាបន្តជួយដំណើរការរៀនសូត្រតាមគន្លងជីវិតថ្មីនៃវិស័យអប់រំ។ លោក រស់ សុវាចា បានបញ្ជាក់ថា៖ «ខ្ញុំយល់ច្បាស់ពីគ្រាដ៏លំបាកមួយនេះ ដែលទាមទារឱ្យបន្តមានការជួយជ្រោមជ្រែងពីមាតាបិតាជូនសិស្សានុសិស្ស ជាពិសេស បេក្ខជនប្រឡងបាក់ឌុប។ សូមមាតាបិតាបន្តលើកទឹកចិត្ត និងជួយសិស្សានុសិស្ស និងបេក្ខជនប្រឡងបាក់ឌុបឱ្យអនុវត្តលំហាត់ និងរៀនបន្ថែមនៅផ្ទះ»។  ជាមួយគ្នានេះ លោក រស់ សុវាចា បានបន្ថែមថា ជាងនេះទៀត សូមមាតាបិតារៀបចំទឹក ម៉ាស់ អាល់កុលលាងដៃឱ្យបេក្ខជនយកមកមណ្ឌលប្រឡងបាក់ឌុប ហើយសូមចាំថា ទោះចាក់វាក់សាំងហើយ ត្រូវបន្តអនុវត្តវិធានការ៣កុំ ៣ការពារដដែល ដើម្បីទប់ស្កាត់ការឆ្លងរីករាលដាលជំងឺកូវីដ១៩។

បើតាមអ្នកនាំពាក្យក្រសួងអប់រំរូបនេះ ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅឆ្នាំនេះនឹងត្រូវរំកិលកាលបរិច្ឆេទពីថ្ងៃទី៦ធ្នូទៅធ្វើនៅថ្ងៃទី២៧ ខែធ្នូ ឆ្នាំ២០២១វិញ ដោយមានបេក្ខជនបានដាក់ពាក្យប្រឡងសរុប ១១៥,១៣៩នាក់ នារី៦០,៦៦១នាក់ ចែកជា ២០៤មណ្ឌល និង៤៦៥២បន្ទប់។ លោកបានបញ្ជាក់ថា ការពន្យាពេលប្រឡងបាក់ឌុបនេះ គឺក្រសួងមានបំណងចង់ទុកពេលវេលាឱ្យសិស្សរៀនបានច្រើនដើ ម្បីត្រៀមប្រឡង។ ប៉ុន្តែបើទោះបីជាមានការពន្យាពេលក្តី ក៏ការប្រឡងបាក់ឌុបត្រូវបន្តអនុវត្តគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៣ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ៣ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម