ព័ត៌មានជាតិ

អភិបាលខណ្ឌច្បារអំពៅប្រគល់ម៉ាស៊ីនបូមទឹកដល់ភូមិអូរអណ្តូង១ដែលរងការលិចលង់រាល់ឆ្នាំ

បានផុស

៣ years មុន

នៅ

ថ្ងៃចន្ទ ១៣ ធ្នូ ២០២១

ដោយ

លោក ចេង មុនីរ៉ា អភិបាលខណ្ឌច្បារអំពៅ បានសម្រេចប្រគល់ម៉ាស៊ីនបូមទឹកជូនដល់ភូមិអូរអណ្តូង១ សង្កាត់ព្រែកប្រា ដើម្បីទុកសម្រាប់បូមទឹក ព្រោះតំបន់នេះតែងរងគ្រោះដោយជំនន់ទឹកភ្លៀង។

តាមការបញ្ជាក់ពីលោកស្រី សេត ម៉ូលីតា ប្រធានភូមិអូរអណ្តូងទី១ បានឲ្យដឹងថា ការសម្រេចប្រគល់ម៉ាស៊ីនបូមទឹកខ្នាតមធ្យមដល់ភូមិអូរអណ្តូង១នេះ គឺធ្វើឡើងនៅព្រឹកថ្ងៃទី១៣ ខែធ្នូ ដោយមានការចូលរួមទទួលពីសំណាក់ប្រជាពលរដ្ឋក្នុងភូមិទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីមេភូមិបានសំដែងនូវក្តីត្រេកអរពេលបានទទួលម៉ាស៊ីនបូមទឹកពីលោកអភិបាលខណ្ឌច្បារអំពៅ ដើម្បីប្រើប្រាស់នៅពេលដែលជំនន់ទឹកភ្លៀងបានជន់លិចលំនៅដ្ឋានប្រជាពលរដ្ឋដែលកន្លងមកឲ្យតែមានធ្លាក់ភ្លៀងម្តងៗ គឺក្នុងភូមិអូរអណ្តូង១ សង្កាត់ព្រែកប្រា តែងរងការលិចលង់ដែលធ្វើឲ្យប្រជាពលរដ្ឋលោកមានការលំបាកនោះ។

ក្នុងនោះបងប្អូនប្រជាពលរដ្ឋរស់នៅភូមិអូរអណ្តូង១ បានសំដែងនូវក្តីរំភើបរីករាយពេលដែលលោក ចេង មុនីរ៉ា អភិបាលខណ្ឌច្បារអំពៅ បានផ្តល់ម៉ាស៊ីនបូមទឹក១គ្រឿងដល់ភូមិអូរអណ្តូង១សម្រាប់ប្រើប្រាស់តាមតម្រូវការដែលប្រជាពលរដ្ឋលោកត្រូវការ៕

អត្ថបទ៖ នរា