ព័ត៌មានជាតិ
ព្រឹកស្អែកសម្តេចតេជោ ហ៊ុន សែន នឹង ជួបពិភាក្សាការងារជាមួយឧបនាយករដ្ឋមន្ត្រី រដ្ឋមន្ត្រីការបរទេសថៃ
ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន នឹងអនុញ្ញាតឲ្យលោក ដន ប្រាម៉ាត់វីណៃ(Don Pramudwinai)ឧបនាយករដ្ឋមន្ត្រីរដ្ឋមន្ត្រីការបរទេស នៃព្រះរាជាណាចក្រថៃ ចូលជួបសំដែងការគួរសមនិងពិភាក្សាការងារនៅព្រឹកថ្ងៃទី ១៧ ខែ ធ្នូ ២០២១ នេះនៅវិមានសន្តិភាពទីស្តីការនាយករដ្ឋមន្ត្រី។
យោងតាមសេចក្តីប្រកាសព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិ លោក ដន ប្រាម៉ាត់វីណៃឧបនាយករដ្ឋមន្ត្រីរដ្ឋមន្ត្រីការបរទេសនៃព្រះរាជាណាចក្រថៃ បាន អញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជានិងធ្វើជាសហប្រធានជាមួយលោកឧបនាយករដ្ឋមន្ត្រីប្រាក់ សុខុន ដឹកនាំកិច្ចប្រជុំលើកទី១១នៃគណៈ កម្មការចម្រុះសម្រាប់កិច្ចសហប្រតិបត្តិការទ្វេភាគី(JC) រវាងកម្ពុជានិងថៃបីថ្ងៃទី ១៦ ដល់ ១៨ ខែធ្នូ ឆ្នាំ២០២១នៅរាជធានីភ្នំពេញ ។ តបតាមការអញ្ជើញរបស់លោក ប្រាក់ សុខុន ឧបនាយករដ្ឋមន្ត្រីរដ្ឋមន្ត្រីការបរទេសនិងសហប្រតិបត្តិការអន្តរជាតិនៃព្រះរាជាណាចក្រកម្ពុជា ។
ចំពោះកិច្ចប្រជុំគណៈកម្មការចម្រុះ (JC)លើកទី១១ ក្រោមមូលបទ «សន្តិភាព វិបុលភាព ស្តារឡើងវិញទាំងអស់គ្នា»លោកឧបនាយករដ្ឋមន្ត្រីរដ្ឋមន្ត្រីការបរទេសទាំងពីរ នឹង ពិនិត្យឡើងវិញនូវវឌ្ឍនភាពនៃការអនុវត្តកំណត់ហេតុកិច្ចប្រជុំ JC លើកទី១០ កាលពីឆ្នាំ២០១៦ និង ពិភាក្សាលើទិដ្ឋភាពនានានៃកិច្ចសហប្រតិបត្តិការរវាងប្រទសទាំងពីរក្នុង ក្របខណ្ឌទ្វេភាគីនិងពហុភាគីក្នុងគោលបំណងបន្តពង្រឹង និងលើកកម្ពស់បន្ថែមទៀតនូវកិច្ចសហប្រតិបត្តិការដ៏ជិតស្និទ្ធនិងគ្រប់ជ្រុងជ្រោយរវាងព្រះរាជាណាចក្រទាំងពីរដើម្បី ការស្តារសេដ្ឋកិច្ចឡើងវិញយ៉ាងឆាប់រហ័សក្រោយពីវិបតិ្តកូវីដ-១៩។
ក្រោយពេលបញ្ចប់កិច្ចប្រជុំគណៈកម្មការចម្រុះ (JC) លើកទី១១ ប្រមុខការទូតនៃប្រទេសទាំងពីរនឹងអញ្ជើញចូលរួមជាអធិបតីក្នុងពិធីប្រគល់-ទទួលជានិមិត្តរូបនូវឧបករណ៍ សម្រាប់ធ្វើតេស្ត RT-PCR និង SARS-CoV-2 ពីរាជរដ្ឋាភិបាលថៃប្រគល់ជូនមន្ទីរពេទ្យបង្អែកប៉ោយប៉ែតនិងមន្ទីរពេទ្យមង្គលបូរីនៃខេត្តបន្ទាយមានជ័យនិងបិទបញ្ចប់កម្មវិធី ដោយការធ្វើសន្និសីទសារព័ត៌មានរួមគ្នា៕
ដោយ ៖ ណារី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore