ប៉ូលចំនួន៥របស់កម្ពុជាទាក់ទាញអ្នកវិនិយោគអចលនទ្រព្យខ្លាំងនាថ្ងៃអនាគត

បច្ចុប្បន្នអ្នកវិនិយោគវិស័យអចលនទ្រព្យប្រើប្រាស់ប៉ូល៥ ជាគោលសំខាន់នៅក្នុងប្រទេសកម្ពុជា។ នេះបើតាមការលើកឡើងរបស់លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។

លោក ច្រឹក សុខនីម បានប្រាប់កម្ពុជាថ្មីថា ប៉ូលសំខាន់ទី១នៃវិស័យអចលនទ្រព្យ គឺនៅខេត្តព្រះសីហនុ ជាប៉ូលដែលផ្តោតអារម្មណ៍ទៅលើអ្នកវិនិយោគជនជាតិបរទេស ដូចជាជនជាតិចិនជាដើម។ ទី២ នៅខេត្តកំពត, ទី៣ ខេត្តកែប ដែលខេត្តទាំងពីនេះ មានការវិនិយោគចម្រុះជាតិសាសន៍។ ទី៤ នៅខេត្តសៀមរាប និងទី៥ នៅខេត្តមណ្ឌលគិរី។ លោក សុខនីម បញ្ជាក់ថា ប៉ូលទាំង៥ នេះជាមុំនៃខឿនសេដ្ឋកិច្ចក្នុងការអភិវឌ្ឍវិស័យអចលនទ្រព្យនៅថ្ងៃអនាគត។

ក្រៅពីតំបន់ប៉ូលទាំង៥នេះ ងាកមកចាប់អារម្មណ៍តំបន់នៅជាយរាជធានីភ្នំពេញ ដែលកំពុងមានសក្កានុពលដែរនោះ មាននៅប៉ែកខាងជើងឈៀងខាងលិច ពោល​គឺនៅបន់ក្នុងខណ្ឌសែនសុខ និងតំបន់ព្រែកព្នៅតាមបណ្តោយផ្លូវជាតិលេខ៥ជាដើម ដែលតំបន់ទាំងនេះ កំពុងអភិវឌ្ឍថ្មីសម្បូរទៅដោយលំនៅដ្ឋាន និងមានតម្លៃថ្លៃគួរសម៕ នេះជាការបន្ថែមរបស់លោក ច្រឹក សុខនីម៕ ដោយ៖ ទួន សុផល