ព័ត៌មានជាតិ

ថៃ បានចាប់បញ្ជូនពលករខ្មែរជាង២០០នាក់ មកកម្ពុជាវិញ

បានផុស

២ years មុន

នៅ

ថ្ងៃចន្ទ ២៤ មករា ២០២២

ដោយ

អាជ្ញាធរថៃ បានចាប់បញ្ជួនពលករខ្មែរចំនួន២២៥នាក់ ស្រី៨០នាក់ ក្មេង៤១នាក់ ឱ្យវិលត្រឡប់ចូលមកប្រទេសកម្ពុជាវិញតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង។ លោកវរសេនីយ៍ឯក ហាត ឡៃឡែ ស្នងការរងផែនការងារវរសេនាតូចនគរបាលការពារព្រំដែនគោក បានចាត់កម្លាំងប៉ុស្តិ៍អូរអន្លក់ សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ បានទទួលពលករដែលត្រូវចាប់បញ្ជូនវិលត្រឡប់មកស្រុកវិញនេះកាលពីថ្ងៃទី២៣ ខែមករា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ហាត ឡៃឡែ បានមានប្រសាសន៍ថា បន្ទាប់ពីសាកសួរ កត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវីដ -១៩ រួចចំនួន ២២៥នាក់ ស្រី៨០នាក់ ក្មេង៤១នាក់ (ស្រី២០នាក់) រួចមក ក្រុមគ្រូពេទ្យបានធ្វើតេស្តរហ័ស រកជំងឺកូវីដ១៩ ហើយជាលទ្ធផលអវិជ្ជមានកូវីដ-១៩ ទាំងអស់ ។

លោកវរសេនីយ៍ឯក ហាត ឡៃឡែ បានបន្តថា ក្នុងចំណោមពលករ២២៥នាក់នោះ មានពលករចំនួន ៤៥នាក់(ស្រី១៧នាក់) ក្មេង៤នាក់(ស្រី១នាក់) បញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន ។ ចំពោះពលករដែលមានកាតចាក់វ៉ាក់សាំង ចំនួន១៨០នាក់ ស្រី៦៣នាក់ ក្មេង៣៧នាក់(ស្រី១៩នាក់) ក្នុងនោះ បានចាក់វ៉ាក់សាំងរួចចំនួន ២៤នាក់ (ស្រី១០នាក់) ត្រូវបានក្រុមគ្រូពេទ្យអនុញ្ញាតឲ្យត្រឡប់ទៅស្រុកកំណើតរៀងៗខ្លួនវិញ ៕

អត្ថបទ ៖ សំអឿន

Related Topics:ខេត្តបាត់ដំបង