ព័ត៌មានជាតិ
លោក តូច ចាន់នី ៖ កុមារនៅកម្ពុជា ទទួលបានកិច្ចការពារយ៉ាងពេញលេញ ដោយប្រព័ន្ធច្បាប់
លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស ក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា កុមារនៅកម្ពុជា ត្រូវបានទទួលកិច្ចការពារយ៉ាងពេញលេញ ដោយប្រព័ន្ធច្បាប់ និងដាក់ឲ្យមានការពិគ្រោះយោបល់ កម្រិតអន្តរក្រសួងបន្ថែមទៀត។
លោក តូច ចាន់នី បានថ្លែងបែបនេះ ខណៈអញ្ជើញជាគណៈអធិបតី ក្នុងសិក្ខាសាលាពិគ្រោះយោបល់ជាមួយរដ្ឋបាលថ្នាក់ក្រោមជាតិ លើសេចក្តីព្រាងបទដ្ឋាន នីតិវិធីប្រតិបត្តិការ ស្តីពី កិច្ចការពារកុមារ រួមជាមួយលោកប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ នាព្រឹកថ្ងៃទី ២៤ ខែមករា ឆ្នាំ ២០២២នេះ។
សិក្ខាសាលានេះ មានការចូលរួមពីរដ្ឋបាលថ្នាក់ក្រោមជាតិ មន្ត្រីនិងថ្នាក់ដឹកនាំ នៃអគ្គនាយកដ្ឋានរដ្ឋបាល ក្រសួងមហាផ្ទៃ មន្ត្រីនិងថ្នាក់ដឹកនាំ នៃអគ្គនាយកដ្ឋានបច្ចេកទេស ក្រសួងសង្គមកិច្ច អតីតយុទ្ធជន និងយុវនីតិសម្បទារ មន្រ្តីបច្ចេកទេសទទួលបន្ទុកកិច្ចការពារកុមារ របស់អង្គការយូនីសេហ្វ ព្រមទាំងក្រុមទីប្រឹក្សារៀបចំសេចក្តីព្រាង នីតិវិធីប្រតិបត្តិ ស្តីពី កិច្ចការពារកុមារផងដែរ។
សិក្ខាសាលានេះ នឹងធ្វើការពិនិត្យលើសេចក្តីព្រាងលើកទី ១ ដែលបានរៀបចំឡើងដោយក្រុមទីប្រឹក្សា តាមរយៈការពិភាក្សាតាមផ្នែកនីមួយៗ និងផ្តល់ធាតុចូលបន្ថែម សម្រាប់កិច្ចប្រជុំអន្តរក្រសួងពាក់ព័ន្ធក្នុងការពិនិត្យ និងផ្តល់យោបល់។ តាមរយៈនៃសិក្ខាសាលានេះ សេចក្តីព្រាងនីតិវិធីប្រតិបត្តិ ស្តីពី កិច្ចការពារកុមារ នឹងត្រូវបានកែសម្រួល និងដាក់ឲ្យមានការពិគ្រោះយោបល់ កម្រិតអន្តរក្រសួង។
លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស ក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា គោលបំណងសំខាន់ នៃកិច្ចប្រជុំនេះ គឺដើម្បីធ្វើការពិនិត្យ លើសេចក្តីព្រាងនីតិវិធីប្រតិបត្តិ ស្តីពី កិច្ចការពារកុមារ ដែលបានរៀបចំឡើងដោយ ក្រុមទីប្រឹក្សារបស់នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល នៃក្រសួងមហាផ្ទៃ និងផ្តល់ធាតុចូលបន្ថែម មុននឹងដាក់ជូនដល់អន្តរក្រសួង ពាក់ព័ន្ធធ្វើការពិនិត្យ និងផ្ដល់យោបល់៕
អត្ថបទ៖ វិមាន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ