ព័ត៌មានជាតិ
អភិបាលខេត្តតាកែវផ្តាំផ្ញើមន្ត្រីជំនាញតាមមន្ទីរពិសេសមន្ត្រីបម្រើការនៅច្រកចេញចូលត្រូវយកពលរដ្ឋមករកសេវាជាធំ
អភិបាលខេត្តតាកែវបានធ្វើការណែនាំដល់ក្រុមមន្ត្រីដែលបម្រើការនៅច្រកចេញចូលតែមួយរួមនឹងមន្ទីរពាក់ព័ន្ធត្រូវយកប្រជាពលរដ្ឋជាធំ ដោយខិតខំប្រឹងប្រែងបម្រើសេវាសាធារណៈជូនបងប្អូនប្រជាពលរដ្ឋអោយបានល្អ ឆាប់រហ័ស ជៀសវាងបង្កការថ្នាំងថ្នាក់ដល់ប្រជាពលរដ្ឋ ដោយសារតែការបម្រើសេវាមិនទាន់ពេលវេលាតាមច្បាប់កំណត់។
ថ្លែងនៅក្នុងកិច្ចប្រជុំបូកសរុបការងារប្រចាំឆ្នាំ២០២១ នៅច្រកចេញចូលតែមួយរបស់រដ្ឋបាលខេត្តតាកែវនៅព្រឹកថ្ងៃទី២៤ ខែមករា ឆ្នាំ២០២២នេះ លោក អ៊ូច ភា អភិបាលខេត្តតាកែវបានលើកឡើងថា បច្ចុប្បន្នបងប្អូនប្រជាពលរដ្ឋកាន់តែច្រើនឡើងបានមករកសេវាសាធារណៈនៅច្រកចេញចូលតែមួយរបស់រដ្ឋបាលក្រុងស្រុក ខេត្តរបស់យើង ដោយសារការធ្វើប្រតិភូកម្មមុខងារមួយចំនួនដែលមន្ទីរជំនាញធ្លាប់បានចេញលិខិតអនុញ្ញាតឲ្យមកសុំនៅច្រកចេញចូលតែមួយវិញ។ ស្ថានភាពបែបនេះបង្ហាញពីការជឿទុកចិត្តរបស់បងប្អូនប្រជាពលរដ្ឋមកលើការបម្រើសសេវារបស់មន្ត្រីយើង ដូច្នោះដើម្បីតបស្នងការចំពោះការជឿទុកចិត្តរបស់បងប្អូនប្រជាពលរដ្ឋមកលើមន្ត្រីយើង គប្បីយើងទាំងអស់គ្នាប្រឹងប្រែងយកចិត្តទុកដាក់បម្រើសេវាជូនពួកគាត់ឲ្យបានល្អប្រសើរ តាមរយៈការប្រើប្រាស់ពាក្យសំដីរួសរាយរាក់ទាក់និងធ្វើយ៉ាងណាត្រូវធ្វើលិខិតស្នាមដែលពួកគាត់មកសុំឲ្យបានទាន់ពេលវេលាតាមច្បាប់កំណត់។
លោកអភិបាលខេត្តបានថ្លែងបន្តថា កន្លងមកក៏មានការរិះគន់ខ្លះពីសំណាក់បងប្អូនប្រជាពលរដ្ឋយើងដែលមករកសេវាថាការបម្រើសេវាមានការយឹតយ៉ាវមានរយៈពេលយូរ ដែលបញ្ហានេះវាពិតជាកើតមានឡើងពិតប្រាកដមែន ជាពិសេសបញ្ហាប័ណ្ណកម្មសិទ្ធ ដែលបញ្ហានេះ គឺដោយសារតែមន្ត្រីយើងមានគ្នាតិចហើយការងារមានចំនួនច្រើន ដូច្នោះបញ្ហាខ្លះមន្ត្រីត្រូវធ្វើការពន្យល់បងប្អូនប្រជាពលរដ្ឋឲ្យបានយល់ ជៀសវាងមានការយល់ច្រលំនិងមានការអាក់អន់ចឹត្តពីបងប្អូនប្រជាពលរដ្ឋយើង។
គួបញ្ជាក់ថា ការបម្រើសេវានៅច្រកចេញចូលតែមួយរបស់រដ្ឋបាលខេត្តតាកែវក្នុងឆ្នាំ២០២១កន្លងមកគឺបម្រើសេវាបានចំនួនជាង៩ពាន់សេវា កើនឡើងជាង១៦ភាគរយបើប្រៀបធៀបនិងឆ្នាំ២០២០កន្លងមក៕
អត្ថបទ៖ វីរៈ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ