ចៅ​សង្កាត់​ជាប់ឆ្នោត​ ៤ អាណត្តិ​ផ្ដល់សេវាសាធារណៈល្អ​ មិនធ្លាប់​ស្គាល់​រសជាតិ​ថាចាញ់​

លោកស្រី ប្រាក់ ម៉ាលី ចៅសង្កាត់ជាប់ឆ្នោត ៤ អាណត្តិរបស់គណបក្សប្រជាជនកម្ពុជា នៅសង្កាត់​បឹងកេងកងទី១ បានប្រាប់ថា សម្រាប់​លោកស្រី ការដឹកនាំមូលដ្ឋានមិនមានការលំបាកនោះទេ ខណៈដែលោកស្រី បានបែងចែក​ការងារ និងត្រួតពិនិត្យបានល្អសព្វគ្រប់។

លោកស្រី ប្រាក់ ម៉ាលីប្រាប់ថា សង្កាត់បឹងកេងកងទី១ មិនដែលស្គាល់រសជាតិថាចាញ់ទេ គឺឈ្នះរហូត ដែលលោកស្រីបញ្ជាក់ថា ដែលធ្វើឱ្យសង្កាត់បឹងកេងកង១ ឈ្នះឆ្នោត ៤ អាណត្តិជាប់គ្នាទី១ គឺ បម្រើសេវារដ្ឋបាល​សាធារណ ហើយថា​ន្លងមកមានក្រុមការងារបដិសណ្ឋារកិច្ច​សម្រាប់ទទួលប្រជាជន បង្កលក្ខណងាយស្រួលជូនប្រជាពលរដ្ឋ ទៅទទួលសេវារដ្ឋបាល​នៅសង្កាត់ ហើយមន្ត្រីសង្កាត់ទាំងអស់ ឱ្យតែឃើញប្រជាជនមកគឺសួរនាំគាត់ភ្លាម ពោលគឺបង្កលក្ខណងាយស្រួលជូនប្រជាពលរដ្ឋ ដូចជាការបញ្ជាក់ឯកសារលិខិតស្នាមផ្សេងៗ ដូចជាការចុះបញ្ជីអត្រានុកូលដ្ឋានក្ដី។

ការងារមួយទៀត គឺការដោះស្រាយវិវាទជូនប្រជាពលរដ្ឋ រាល់វេទិការសាធារណភូមិសង្កាត់​សុវត្ថិភាពម្ដងៗគឺ មាន ៤ ទៅ ៥ ករណីដែលយើងត្រូវដោះស្រាយ។

លោកស្រីប្រាប់ថា ពេលដែលធ្វើវេទិកាចប់ រយៈពេល ទៅ ១០ ថ្ងៃ គឺយើងដោះស្រាយចប់ដែរ មិនឱ្យរឿងតូចទៅជារឿងធំទេ។ ក្រៅពីនេះ គឺការអភិវឌ្ឍកសាងហេដ្ឋាចរនាសម្ព័ន្ធ មានផ្លូវ លូ ព្រមទាំងការរក្សាសន្តិសុខសណ្ដាប់ធ្នាប់ល្អ៕