Connect with us

ព័ត៌មានជាតិ

ពន្ធនាគារខេត្តកណ្តាល ស្នើសុំបន្ធូរបន្ថយទោស ដល់ទណ្ឌិតចំនួន ២៣នាក់

បានផុស

នៅ

ពន្ធនាគារខេត្តកណ្តាល បានស្នើសុំបន្ធូរបន្ថយទោស ដល់ទណ្ឌិតចំនួន ២៣នាក់ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ និងពិធីបុណ្យវិសាខបូជាឆ្នាំ ២០២២ នាពេលខាងមុខនេះ។

នៅក្នុងកិច្ចប្រជុំពិនិត្យ វាយតម្លៃកម្រិតកែប្រែរបស់ទណ្ឌិត ដែលត្រូវដាក់ស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ និងពិធីបុណ្យវិសាខបូជាឆ្នាំ ២០២២ នៅថ្ងៃទី ៤ ខែមីនានេះ លោកឧត្តមអគ្គានុរក្ស ឯម និមល ប្រធានពន្ធនាគារខេត្តកណ្តាល បានឲ្យដឹងថា ក្នុងចំណោមទណ្ឌិតចំនួន ២៣នាក់នោះ គឺទណ្ឌិតដែលស្នើសុំបន្ធូរបន្ថយទោស និងលើកលែងទោស ក្នុងពិធីបុណ្យវិសាខបូជា មានអ្នកទោសសរុប ១១នាក់ ស្រី ២នាក់ ទណ្ឌិតដែលទទួលបានការបន្ធូរបន្ថយទោស មានចំនួន ៧នាក់ ស្រី ២នាក់។

ក្នុងនោះ ទណ្ឌិតដែលបានស្នើសុំបន្ធូរបន្ថយទោស រយៈពេល ៣ខែ មានចំនួន ៤នាក់ ទទួលបានការលើកលែងទោសចំនួន ៣នាក់ ស្រី ១នាក់។ ទណ្ឌិតដែលបានស្នើសុំបន្ធូរបន្ថយទោស រយៈពេល ៦ខែមានចំនួន ២នាក់ ទទួលបានការលើកលែងទោសចំនួន ១នាក់។ ទណ្ឌិតស្នើសុំបន្ទូរបន្ថយទោសរយៈពេល ៩ខែមាន ៤នាក់ ទទួលបានការលើកលែងទោសចំនួន ២នាក់ ស្រី ១នាក់ និងទណ្ឌិតស្នើសុំបន្ទូរបន្ថយទោស រយៈពេល ១២ខែមាន ១នាក់ ទទួលបានការលើកលែងទោស។

លោកបានបន្តទៀតថា សម្រាប់ទណ្ឌិតដែលសុំបន្ធូរបន្ថយទោស និងលើកលែងទោសក្នុងធីបុណ្យចូលឆ្នាំថ្មី ប្រពៃណីជាតិខ្មែរ រួមមានទណ្ឌិតសរុបចំនួន ១២នាក់ ស្រី ១នាក់ ជាលទ្ធផលទណ្ឌិតដែលទទួលបានការលើកលែងទោស មានចំនួនតែ ១០នាក់ ស្រី ១នាក់។

ក្នុងនោះ ទណ្ឌិតដែលបានស្នើសុំបន្ធូរបន្ថយទោស រយៈពេល ៣ខែមានចំនួន ៤នាក់ ស្រី ១នាក់ សម្រេចឲ្យទាំង ៤នាក់។ ទណ្ឌិតដែលបានស្នើសុំបន្ធូរបន្ថយទោស រយៈពេល ៦ខែ មានចំនួន ១នាក់ មិនទទួលបានការលើកលែងទោស។ ទណ្ឌិតស្នើសុំបន្ទូរបន្ថយទោស រយៈពេល ៩ខែមាន ៥នាក់ សម្រេចឲ្យបាន ៤នាក់ និងទណ្ឌិតស្នើសុំបន្ទូរបន្ថយទោស រយៈពេល ១២ខែមាន ១នាក់ ទទួលបានការលើកលែងទោស។

លោក ណុប ដារ៉ា អភិបាលរងខេត្តកណ្តាល បានបញ្ជាក់ថា ទណ្ឌិតដែលអាចបន្ធូរបន្ថយទោស គឺត្រូវអនុវត្តន៍ទោស នៅក្នុងពន្ធធនាគារបាន ១ ភាគ ៣ នៃទោសសរុបទាំងមូល ហើយចំពោះទណ្ឌិទដែលអាចទទួលការលើកលែងទោស លុះត្រាតែទណ្ឌិតនោះអនុវត្តន៍ទោសបាន ២ ភាគ ៣ នៃទោសទាំងមូល។

លោកបានបន្តថា ដើម្បីអាចលើកលែងទោសទទួលរងទោស ចំពោះទោសដាក់ពន្ធនាគារមួយជីវិត អាចទទួលបានការលើកលែង បើសិនជាទណ្ឌិតនោះ អនុវត្តទោសយ៉ាងតិច ២០ឆ្នាំ ទៅ៣០ឆ្នាំ។

លោក ណុប ដារ៉ា បានស្នើយ៉ាងទទួចដល់មន្ត្រីជំនាញ និងសមត្ថកិច្ចពាក់ព័ន្ធទាំងអស់ ត្រូវពិនិត្យ និងពិភាក្សាគ្នាឲ្យបានល្អិតល្អន់ គ្រប់ជ្រុងជ្រោយ ប្រកបដោយភាពយុត្តិធម៌ និងមានតម្លាភាព ក្នុងការបន្ធូរបន្ថយទោស និងលើកលែងទោសដល់ទណ្ឌិតទាំងនោះ ត្រូវធ្វើយ៉ាងណាសមស្របទៅនឹងច្បាប់ និងគោលការណ៍ណែនាំនានា សំដៅជ្រើសរើសបានទណ្ឌិត ដែលបានស្នើសុំការបន្ធូរបន្ថយទោស និងលើកលែងទោស ជាអ្នកមានលក្ខណៈសម្បត្តិគ្រប់គ្រាន់ មានការតាំងចិត្តកែប្រែខ្លួនជាពលរដ្ឋល្អ ក្នុងសង្គមជាតិពិតប្រាដក អាចរស់នៅប្រកបដោយសេចក្តីសុខ ជាមួយក្រុមគ្រួសារ និងសង្គមទាំងមូល។

គួរបញ្ជាក់ដែរថា ព្រះរាជាណាចក្រកម្ពុជា បានកំណត់យកពិធីបុណ្យចំនួន ៥ សម្រាប់ស្នើសុំបន្ធូរបន្ថយទោស និងលើកលែងទោសដល់ទណ្ឌិត ក្នុងនោះមាន ៖ ១/ទិវាជ័យជម្នះលើរបបប្រល័យពូជសាសន៍ ៧ មករា ២/ពិធីបុណ្យចូលឆ្នាំថ្មីប្រពៃណីជាតិខ្មែរ ៣/ពិធីបុណ្យវិសាខបូជា ៤/ពិធីបុណ្យឯករាជ្យជាតិ និងទី ៥/ ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក៕

អត្ថបទ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានជាតិ១៨ នាទី មុន

កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក

ព័ត៌មានជាតិ២២ នាទី មុន

សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក

ព័ត៌មានជាតិ២២ នាទី មុន

សិក្ខាកាមយោធាកម្ពុជា៣រូប នឹងចេញទៅបន្តការសិក្សានៅបណ្ឌិតសភាការពារជាតិជប៉ុន

ព័ត៌មានជាតិ៥២ នាទី មុន

ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការ​យកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម