ពលរដ្ឋដែលរងគ្រោះដោយអគ្គីភ័យទទួលបានអំណោយពីរដ្ឋមន្ត្រីក្រសួងសង្គមកិច្ច

ក្រោយទទួលព័ត៌មានពីមន្ត្រីថ្នាក់មូលដ្ឋានរួចមក លោករដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បបានចាត់តំណាងនាំយកអំណោយសង្គ្រោះជួយដល់ពលរដ្ឋក្រីក្រដែលរងគ្រោះដោយអគ្គីភ័យនាពេលថ្មីៗនេះ។

ដោយទទួលបានការអនុញ្ញាតភ្លាមនារសៀល ថ្ងៃសុក្រ ២ កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៥ ខែមីនា ឆ្នាំ២០២២ លោក តូច ចាន់នី អគ្គនាយកបច្ចេកទេសនៃក្រសួងសង្គមកិច្ច អតីតយុទ្ធជន និងយុវនីតិសម្បទា ដែលជាតំណាងរដ្ឋមន្ដ្រីក្រសួង ស.អ.យ. បានដឹកនាំប្រតិភូរក្រសួង ស.អ.យ. ចុះសួរសុខទុក្ខប្រជាពលរដ្ឋមួយគ្រួសារនៅឃុំកណ្ដោលជ្រុំ ដែលរងផលប៉ះពាល់ដោយសារភ្លើងឆេះផ្ទះ ។

ក្នងនាមលោករដ្ឋមន្ត្រីវង សូត លោក តូច ចាន់នី អគ្គនាយកបច្ចេកទេសនៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងនូវការសាកសួរសុខទុក្ខពីសំណាក់លោករដ្ឋមន្ត្រីវង សូត ដែលជាប់ភារកិច្ចមិនបានមកផ្ទាល់។
លោកអគ្គនាយកបានថ្លែងថា ទោះបីជាអំណោយនោះមិនធំដុំមែន ប៉ុន្តែអាចដោះស្រាយបានមួយគ្រាដែរ ខណៈពេលជួបគ្រោះអាសន្ននោះ។ លោកផ្តាំផ្ញើរឲ្យជនរងគ្រោះក៍ដូចប្រជាពលរដ្ឋក្នុងមូលដ្ឋានបន្តការប្រុងប្រយ័ត្នចំពោះបញ្ហាអគ្គីភ័យនារដូវក្តៅខ្លាំងនេះហើយបន្តអនុវត្តន៍វិធានការ៣កុំ៣ការពាររបស់ក្រសួងសុខាភិបាលដើម្បីរួមគ្នាបករយុទ្ធប្រឆាំងនឹងជម្ងឺកូវីដ១៩បំលែងថ្មីអូមីក្រុងនេះតែម្ដង។

អំណោយដ៍ថ្លៃថ្លានោះរួមមានអង្ករចំនួន 100 គីឡូ ត្រីខ 2 យួរ និងថវិកាចំនួន 30 ម៉ឺនរៀលជូនគ្រួសារដែលរងគ្រោះផង៕

អត្ថបទ៖ វិមាន