ព័ត៌មានជាតិ
ធនាគារអេស៊ីលីដាបង្កើតឧបករណ៍ថ្មី PayBand សម្រាប់ទូទាត់ទំនិញផ្សេងៗ កាន់តែងាយស្រួល
ធនាគារអេស៊ីលីដាភីអិលស៊ី ដែលជាធនាគារពាណិជ្ជ ឈានមុខគេនៅក្នុងប្រទេសកម្ពុជាបានបង្កើតឧបករណ៍ថ្មី PayBand ដែលជាមធ្យោបាយថ្មីមួយទៀត ក្នុងការទូទាត់ទំនិញផ្សេងៗជំនួសទូរស័ព្ទ និងបណ្ណអេស៊ីលីដា ដើម្បីផ្តល់ភាពកាន់តែមានភាពងាយស្រួលថែមទៀត ជូនដល់អតិថិជន។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា បានមានប្រសាសន៍ថា PayBand ជាមធ្យោបាយប្រើប្រាស់ថ្មីមួយទៀតបន្ថែមពីលើអ្វីដែលអតិថិជនកំពុងប្រើប្រាស់សព្វថ្ងៃដូចជាទូរសព្ទដៃ និងបណ្ណអេស៊ីលីដា ក្នុងការទូទាត់ និងធ្វើប្រតិបត្តិការផ្សេងៗទៀត ជាមួយម៉ាស៊ីន POS ឬអេធីអឹម តាមមធ្យោបាយ contactless។
លោកស្រីនាយិកាបានបន្តថា នៅពេលអនាគត Payban នេះក៏អាចធ្វើការដកប្រាក់ពីម៉ាស៊ីនអេធីអឹមបានផងដែរ។
លោកស្រីនាយិកាបានពន្យល់ថា «ពីមុនអតិថិជនមានប័ណ្ណអេស៊ីលីដាអាចទូទាត់ទំនិញនិងដកប្រាក់បាននិងមានទូរស័ព្ទអាចស្កេនឬដកប្រាក់បាន។ប៉ុន្តែឥឡូវនេះយើងមាន PayBandជំនួសប័ណ្ណឬទូរស័ព្ទបានដែលជាឧបករណ៍ថ្មីមួយទៀតសម្រាប់សម្រួលដល់អតិថិជនទៅលើប្រតិបត្តិការទូទាត់ទំនិញផ្សេងៗទៀតបានយ៉ាងងាយស្រួល »។
លោកស្រី នាយិកា បានបន្តថា ធនាគារ អេស៊ីលីដាតែងតែគិតគូរនិងយកចិត្តទុកដាក់ក្នុងការបំពាក់បំពាក់នូវឧបករណ៍ទំនើបៗ ប្រកបដោយបច្ចេកវិទ្យាដើម្បីបង្កើតនូវភាពលេចធ្លោនិងទាន់សម័យសម្រាប់អតិថិជន, សាធារណជន និងបណ្តាដៃគូពាណិជ្ជកម្មពិសេសដើម្បីបង្កលក្ខណៈងាយស្រួលជូនអតិថិជនដ៏ថ្លៃថ្លាទាំងអស់ក្នុងការសម្រាប់ទូទាត់ និងធ្វើប្រតិបត្តិការផ្សេងៗទៀតនៅទូទាំងប្រទេសកាន់តែមានភាពងាយស្រួល។
លោកស្រីនាយិកាបានបន្ថែមថាអតិថិជនអាចស្នើសុំប្រើប្រាស់ PayBand នេះ នៅតាមសាខារបស់ធនាគារ អេស៊ីលីដា ទូទាំងប្រទេស ដោយគ្រាន់តែមាន អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន ឬឯកសារអត្តសញ្ញាណផ្សេងៗ ដែលមានសុពលភាព។
លោកស្រីនាយិកាបានបញ្ជាក់ថាPayBand នេះនឹងដាក់ឱ្យប្រើប្រាស់ជាផ្លូវការក្នុងពេលឆាប់ៗខាងមុខនេះ និងចំនួនមានកំណត់៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត