ព័ត៌មានជាតិ
ផ្លូវបេតុង និងកៅស៊ូតំបន់រង្វង់មូលទូកមាសរងការខូចខាត ដោយសារដឹកលើសទម្ងន់
ផ្លូវបេតុងជុំវិញរង្វង់មូលទូកមាស និងផ្លូវក្រាលកៅស៊ូ៣ ខ្សែនៅតំបន់ រង្វង់មូលទូកមាសស្ថិតនៅក្នុងសង្កាត់ខ្សាម ក្រុងកំពង់ឆ្នាំង បានរងការខូចខាតបាក់ស្រុត និងប៉ោងផុលជាច្រើនកន្លែងដោយសារតែរថយន្តដឹកដីលើសទម្ងន់មិនស្ដាប់ការណែនាំ។
ករណីនេះលោកប្រធានមន្ទីរសាធារណការខេត្ត និងលោកអភិបាលក្រុងកំពង់ឆ្នាំងថា កន្លងមកធ្លាប់ធ្វើការអប់រំរួចមកហើយ តែបើអ្នកបើកបររថយន្តដឹកដីនៅគឃ្លើញនោះមន្ត្រីជំនាញ និងអាជ្ញាធរក្រុង នឹងសហការគ្នាចាត់វិធានការតាមវិធានការច្បាប់ដោយមិនអត់បន្តឱននោះឡើយ។
លោក យិន សាវេ៉ន អភិបាលក្រុងកំពង់ឆ្នាំងនៅរសៀលថ្ងៃទី ១៣ ខែមីនា បានឱ្យដឹងថា រយៈពេលប្រមាណ ២ ទៅ ៣ ខែកន្លងមក អាជ្ញាធរក្រុងធ្លាប់បានហៅអ្នកបើកបររថយន្តដឹកដីមកអប់រំ ដោយបានបញ្ឈប់ការដឹកជញ្ជូនដីគ្មានច្បាប់អនុញ្ញាតរួចហើយ។
រថយន្តដឹកដីត្រូវដឹកដីទៅតាមទម្ងន់កំណត់ នៃចំណុះរថយន្ត ដោយមិនឱ្យដឹកលើស ចំណុះនោះឡើយ ដូចជារថយន្តចំណុះ ៥ តោនតទ្រុងឡើងលើ ដឹកបាន ៧ តោនជាដើម គឺជាទង្វើខុសច្បាប់បច្ចេកទេសនៃរថយន្ត។
ម្យ៉ាងទៀតការដឹកដីរថយន្តត្រូវតែមានគំរបមិនឱ្យជ្រុះដីនៅលើផ្លូវឡើយហើយពេលមានភ្លៀងក៏មិនអនុញ្ញាតឱ្យដឹកដីឡើយ។ លោកថា រយៈពេលពីរបីខែកន្លងមកនេះអាជ្ញាធរពុំបានអនុញ្ញាតឲ្យមានការដឹកជញ្ជូនដីនៅតំបន់ខាងលើនេះឡើយ។ ដូច្នេះបើពេលនេះនៅមានរថយន្តដឹកដីខុស ច្បាប់បែបនេះនោះមែន អាជ្ញាធរ និងមន្ត្រីជំនាញ និងសហការគ្នាចាត់វិធានការតាមផ្លូវច្បាប់ដោយមិនលើកលែងនោះឡើយ។
ដោយឡែក លោក ឆាយ លាភា ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងវិញ បានបញ្ជាក់ថា ការងារទទួលខុសត្រូវបញ្ហានេះសមត្ថកិច្ចចម្រុះ ត្រូវសហការគ្នាចុះបង្ក្រាបទើបមានប្រសិទ្ធិភាព និងត្រូវមានការគាំទ្រពីរដ្ឋបាលខេត្តផងដែរ។
សូមបញ្ជាក់ថា កន្លងមកប្រជាពលរដ្ឋរស់នៅតំបន់ខាងលើនេះក៏ធ្លាប់សំណូមពរតាមបណ្ដាញសង្គមផងដែរថា ការដឹកដីនៅតំបន់ខាងលើនេះក្រុមហ៊ុនដឹកដីមិនបានបាញ់ទឹកតាមផ្លូវលំនោះទេបណ្ដាលឱ្យដីហុយប៉ះពាល់ដល់សុខភាពពួកគាត់និងបើកបររថយន្តលឿនៗណាស់។
ប៉ុន្តែមិនដែលឃើញមានសមត្ថកិច្ច ឬអាជ្ញាធរណាមួយ ជួយទប់ស្កាត់មាននោះឡើយ។ ម្យ៉ាងទៀតផ្លូវបេតុង និងផ្លូវកៅស៊ូនៅតំបន់ខាងលើនេះដែលកសាងឡើងដោយថវិកាជាតិ បានបាក់ស្រុតប៉ោងផុលជាច្រើនកន្លែង ក៏មិនឃើញមន្ទីរជំនាញឬអាជ្ញាធរចាត់វិធានការអោយមានប្រសិទ្ធភាពនោះឡើយ។
ទោះជាយ៉ាងណា ការសន្យាខាងលើនេះប្រជាពលរដ្ឋរង់ចាំមើលថា តើមន្ទីរជំនាញ និងអាជ្ញាធរក្រុង ចំណាត់ការមានប្រសិទ្ធិភាពដែរឬទេ ឬក៏បន្តបណ្ដោយឲ្យរថយន្តដឹកដីមួយចំនួន បំផ្លាញផ្លូវបេតុង និងផ្លូវកៅស៊ូរបស់ជាតិជាបន្តទៀត៕
អត្ថបទ៖ ឈៀងថារិទ្ធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore