សន្តិសុខសង្គម
ពលករខ្មែរប្រមាណ ៣០០ ទៅ ៥០០ នាក់ ក្នុង ១ ថ្ងៃ បានធ្វើដំណើរចូលតាមច្រកព្រំដែនអូរស្មាច់ មកលេងបុណ្យចូលឆ្នាំ
លោក ឌី រ៉ាដូ អភិបាលរង និងជាអ្នកនាំពាក្យខេត្តឧត្តរមានជ័យ មានប្រសាសន៍ឱ្យដឹងនៅព្រឹកថ្ងៃទី ២៥ ខែមីនានេះ ថា បច្ចុប្បមានពលករខ្មែរ ដែលកំពុងបម្រើការងារ និងស្នាក់នៅប្រទេសថៃប្រមាណ ៣០០ នាក់ ទៅ ៥០០ នាក់ បានធ្វើដំណើរមកលេងស្រុក។
បងប្អូនពលករបាននាំគ្នាសម្រុកចេញពីប្រទសថៃចូលតាមច្រកព្រំដែនអន្តរជាតិអូរស្មាច់ខេត្តឧត្តរមានជ័យដើម្បីមកលេងស្រុក និងចូលរួមពិធីបុណ្យចូលឆ្នាំថ្មីប្រពៃណីជាតិដែលនឹងឈានចូលមកដល់នៅពាក់កណ្តាលខែក្រោយនេះ។
អ្នកនាំពាក្យសាលាខេត្តឧត្តរមានជ័យបានបន្តថា ចាប់តាំងពីដើមឆ្នាំ២០២២រហូតមកដល់ពេលនេះចំនួនបងប្អូនពលករខ្មែរវិលត្រឡប់មកពីប្រទេសថៃតាមច្រកអូស្មាច់មានការកើនឡើងជាបន្តបន្ទាប់ដោយក្នុង១ថ្ងៃគិតជាមធ្យមមានប្រមាណ៣០០នាក់និងមានថ្ងៃខ្លះកើនឡើងដល់៥០០នាក់ក៏មានដែរ។
លោកបានបន្តទៀតថាការសម្រុកធ្វើដំណើរចេញពីប្រទេសថៃចូលមកកម្ពុជារបស់បងប្អូនពលករខ្មែរនេះគឺដោយសារពួកគាត់នឹករលឹកស្រុកកំណើតដែលពួកគាត់ខកខានមកលេងរយៈពេល២ឆ្នាំមកហើយនិងមួយទៀតដើម្បីមកចូលរួមពិធីបុណ្យចូលឆ្នាំខ្មែរនាពេលខាងមុខផងដែរព្រោះរដ្ឋាភិបាលបានផ្អាកប្រារព្វពិធីនេះ២ឆ្នាំដោយសារការរាតត្បាតជំងឺកូវីដ១៩។
អ្នកនាំពាក្យសាលាខេត្តឧត្តរមានជ័យបានបន្ថែមទៀតថាបច្ចុប្បន្ននេះតាមការណែនាំរបស់ក្រសួងសុខាភិបាលពលករខ្មែរធ្វើដំណើរមកពីថៃដែលបានចាក់វ៉ាក់សាំងបានចំនួន២ដូសហើយមិនត្រូវបានធ្វើតេស្តរកជំងឺកូវីដ១៩ទៀតទេនិងតម្រូវឱ្យពួកគាត់ធ្វើដំណើរទៅស្រុកកំណើតតែម្តង។
ប៉ុន្តែចំពោះពលករណាដែលចាក់វ៉ាក់សាំងមិនបានគ្រប់ដូសឬមិនទាន់បានចាក់វ៉ាក់សាំងត្រូវអនុវត្តតាមគោលការណ៍ដដែលគឺត្រូវធ្វើតេស្តរកជំងឺកូវីដ១៩។
អ្នកនាំពាក្យសាលាខេត្តឧត្តរមានជ័យបានបញ្ជាក់ថា បើលទ្ធផលតេស្តអវិជ្ជមានត្រូវបន្តធ្វើចត្តាឡីស័កចំនួន១៤ថ្ងៃតែបើលទ្ធផលតេស្តវិជ្ជមានកូវីដ១៩ ត្រូវបញ្ជួនទៅព្យាបាលខណៈបច្ចុប្បន្នមានពលករកំពុងស្នាក់នៅមណ្ឌលចត្តាឡីស័កនៅពហុកីឡដ្ឋានក្រុងសំរោង និងកន្លែងព្យាបាលនៅស្រុកអន្លងវែងមានប្រមាណ៣៦១នាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ