ព័ត៌មានជាតិ
ចូលឆ្នាំ៣ថ្ងៃ ភ្ញៀវទេសចរជិត៦០ម៉ឺននាក់បានទៅកម្សាន្តតាមតំបន់រមណីយដ្ឋានក្នុងខេត្តបាត់ដំបង
នៅក្នុងឱកាសបុណ្យចូលឆ្នាំប្រពៃណីជាតិ រយៈពេល៣ថ្ងៃ គិតចាប់ពីថ្ងៃទី១៤ ដល់ថ្ងៃទី ១៦ ខែមេសា ឆ្នាំ២០២២ មានភ្ញៀវទេសចរជាតិ និងអន្តរជាតិ ទៅកម្សាន្តតាមរមណីយដ្ឋាននានាក្នុងខេត្តបាត់ដំបង មានចំនួនរហូតដល់ជិត៦សែននាក់។ នេះបើយោងតាមរបាយការណ៍ផ្លូវវការរបស់មន្ទីរទេសចរណ៍ខេត្តបាត់ដំបង។
របាយការណ៍បានបញ្ជាក់ថា នៅថ្ងៃទី១៤ ខែមេសា ឆ្នាំ២០២២ ចំនួនភ្ញៀវទេសចរសរុប ១០៧,២៥៤ នាក់ ក្នុងនោះ ចំនួនភ្ញៀវទេសចរជាតិ ១០៦,៩៣៩ នាក់ ចំនួនភ្ញៀវទេសចរអន្តរជាតិ ៣១៥ នាក់។ ឯនៅថ្ងៃទី១៥ ខែមេសា ឆ្នាំ២០២២ ចំនួនភ្ញៀវទេសចរសរុប ២៤១,៨១៧ នាក់ ក្នុងនោះ ចំនួនភ្ញៀវទេសចរជាតិ ២៤១,៣៨៩ នាក់ ចំនួនភ្ញៀវទេសចរអន្តរជាតិ ៤២៨ នាក់ និងនៅថ្ងៃទី១៦ ខែមេសា ឆ្នាំ២០២២ ចំនួនភ្ញៀវទេសចរសរុប ២១៦,៥៤៧ នាក់ ក្នុងនោះភ្ញៀវទេសចរជាតិ ២១៦,១៧៩ នាក់ ភ្ញៀវទេសចរអន្តរជាតិ ៣៦៨ នាក់។ សរុបទាំង៣ថ្ងៃចំនួនចំនួនភ្ញៀវទេសចរមានចំនួន ៥៦៥,៦១៨ នាក់ ក្នុងនោះ ចំនួនភ្ញៀវទេសចរជាតិ ៥៦៤,៥០៧ នាក់ និង ចំនួនភ្ញៀវទេសចរអន្តរជាតិ ១,១១១ នាក់។
បើតាមរបាយការណ៍ដដែល គឺនៅក្នុងខេត្តបាត់ដំបង រមណីយដ្ឋានទេសចរណ៍ និងគោលដៅទេសចរណ៍នានាដែលភ្ញៀវទេសចរទភលេងកម្សាន្តយ៉ាងច្រើនសន្ធឹកសន្ធាប់ មានដូចជា រមណីយដ្ឋាន ប្រាសាទបាណន់ រមណីយដ្ឋាន ភ្នំសំពៅ រមណីយដ្ឋាន ប្រាសាទឯកភ្នំ អាងកំពីងពួយ ចំការស្វាយ ស្ទឹងថ្មដាចំការធុរេនទឹកធ្លាក់ ៥៣ ភ្នំព្រឹក រមណីយដ្ឋាន នគរជុំ ភ្នំព្រឹក រមណីយដ្ឋាន ភ្នំកំពូល ចំការធុរេនអូរតង វាលចម្បាំង ខេមសាយ សហគមន៍អេកូទេសចរណ៍ទឹកធ្លាក់អូរជាំ សហគមន៍អេកូទេសចរណ៍ព្រែកទាល់ មណ្ឌលកម្សាន្ត ឡូរីជើងភ្នំបាណន់ រមណីយដ្ឋាន ស្ទឹងក្រញូង គោលដៅទេសចរណ៍ ស្ទឹងថ្វាក រមណីយដ្ឋាន ចំការមៀនរមណីយដ្ឋាន អូរទទា ត្រជាក់ចិត្ត គោលដៅទេសចរណ៍ វត្តភ្នំចំបាំង។ បន្ថែមលើនេះ មានមណ្ឌលកម្សាន្ត សួនទឹកសុភមង្គល ផ្ទះផ្កា Begonia សួនផ្កា ច្បារមាត់ស្ទឹង សួនផ្កា ភ្នំសំពៅ និងសួនផ្កា ឈើទាល។
ក្រុមការងារមន្ទីរទេសចរណ៍ខេត្តបាត់ដំបង បានបែកចែកកម្លាំងចុះត្រួតពិនិត្យចរន្តទេសចរ ស្ថានភាពទេសចរណ៍ និងពង្រឹងការអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្ដង់ដាជាអប្បបមា (SOP) តាមគន្លងក្រតីភាពថ្មី តាមរមណីយដ្ឋាន និងគោលដៅទេសចរណ៍សំខាន់ៗក្នុងខេត្ត ព្រមទាំងបានណែនាំដល់ម្ចាស់រមណីយដ្ឋាន ត្រូវតែមានការប្រុងប្រយ័ត្នចំពោះការឆ្លងនៃជម្ងឺកូវីដ-១៩ ៕
ដោយ ៖ សោ និយមរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ