ព័ត៌មានជាតិ
មកដឹងតម្លៃចំណាយលើការធ្វើដំណើរតាមផ្លូវល្បឿនលឿនពីភ្នំពេញ-ព្រះសីហនុ?
ផ្លូវល្បឿនលឿនរួមចំណែកយ៉ាងសំខាន់ ជួយប៉ូលសេដ្ឋកិច្ចចំនួនពីរ គឺទី១ ប៉ូលសេដ្ឋកិច្ចភ្នំពេញ និងទី២ ប៉ូលសេដ្ឋកិច្ចក្រុងព្រះសីហនុ តាមរយៈការធ្វើដំណើរបានលឿន ចំណេញពេលវេលា កាត់បន្ថយការចំណាយ។ នេះបើតាមប្រសាសន៍របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន នៅថ្ងៃទី ២៦ ខែ មេសា ក្នុងដំណើរដឹកនាំយុវជនក្រសួងសាធារណការ និងសិស្សនិស្សិត នៃវិទ្យាស្ថានតេជោសែនសាធារណការ និងដឹកជញ្ជូន សរុបជាង ៤០០ នាក់ ចុះទស្សនកិច្ច ផ្លូវល្បឿនលឿន ភ្នំពេញ-ព្រះសីហនុ។
ចំពោះការចំណាយលើការធ្វើដំណើរតាមផ្លូវល្បឿនលឿននេះ សាធារណជនជាច្រើនមានចម្ងល់ ចង់បានចម្លើយ ដើម្បីងាយស្រួលក្នុងការពិចារណា លើការចំណាយបើកបរលើផ្លូវនេះ។
លោក ស៊ុន ចាន់ថុល បានគូសបញ្ជាក់ដូច្នេះថា« តម្លៃយើងមិនទាន់បានពិភាក្សាគ្នានៅឡើយទេ ថាយកប៉ុន្មាន ឱ្យសមរម្យ យកថ្លៃពេក ក៏គេមិនជិះដែរ គេនឹងទៅជិះលើផ្លូវដែលអត់យកលុយ តែបើយកថោកពេក ក៏មិនអាចប្រមូលដើមទុនមកវិញបានទេ»។
លោករដ្ឋមន្រ្តី បានទាញចំណាប់អារម្មណ៍ថា នៅលើពិភពលោក ការប្រើប្រាស់ផ្លូវល្បឿនលឿន គឺត្រូវចំណាយចាប់ពី ១០សេនទៅ ១២សេន ក្នុងមួយគីឡូម៉ែត្រ តាមស្តង់ដារអន្តរជាតិ។ ដោយឡែកកម្ពុជា ក្រសួងបានស្នើក្រុមហ៊ុនសាងសង់ផ្លូវនេះ យកត្រឹមក្រោម ១០សេន ក្នុងមួយគីឡូម៉ែត្រ។ លោកថា ក្រុមហ៊ុនកំពុងពិចារណា លើសំណើនេះ។
បើតាមការគណនា ចម្ងាយផ្លូវល្បឿនលឿនពីភ្នំពេញ-ខេត្តព្រះសីហនុ ប្រមាណជាង ១៩០គីឡូម៉ែត្រ ត្រូវចំណាយថវិកាលើការប្រើប្រាស់ផ្លូវនេះអស់ជាង ៦ម៉ឺនរៀល ស្មើនឹងជាង ១៥ដុល្លារ។ នេះបើគិតត្រឹម ៨សេន ក្នុងមួយគីឡូម៉ែត្រ។
លោករដ្ឋមន្រ្តី រំពឹងថា ក្រោយដាក់ឱ្យដំណើរការផ្លូវនេះ ក្រុងព្រះសីហនុកាន់តែរីកចម្រើនលឿនថែមទៀត។
គិតត្រឹមថ្ងៃនេះ គម្រោងសាងសង់ផ្លូវល្បឿនលឿនភ្នំពេញ-ព្រះសីហនុ សម្រេចបាន៩០,៩៥%ហើយ ត្រៀមនឹងបញ្ចប់ដាក់ឳ្យប្រើប្រាស់សាកល្បង នៅខែកក្កដា ឆ្នាំ២០២២។ នេះបើតាមការបញ្ជាក់របស់លោករដ្ឋមន្រ្តី។
គម្រោងសាងសង់នេះ ត្រូវបានវិនិយោគដោយសាជីវកម្មផ្លូវថ្នល់ និងស្ពានប្រទេសចិន (CRBC) តាមរយៈក្រុមហ៊ុនផ្លូវល្បឿនលឿន PPSHV កម្ពុជា (Cambodian PPSHV Expressway Co., Ltd) ដោយមានតម្លៃ ១.៩ ពាន់លានដុល្លារ លាតសន្ធឹងប្រវែងជាង ១៩០ គីឡូម៉ែត្រ តភ្ជាប់រាជធានីភ្នំពេញ និងកំពង់ផែទឹកជ្រៅក្រុងព្រះសីហនុ ដោយឆ្លងកាត់ខេត្តកណ្តាល កំពង់ស្ពឺ និងកោះកុង។
ផ្លូវនេះ មានទទឹងសរុប ២៤.៥ ម៉ែត្រ ខណៈចរាចលើគន្លងផ្លូវចំនួន ៤ ក្រាល AC មានសួនច្បារខណ្ឌកណ្តាល ចេញពីភ្នំពេញនៅចំណុចផ្លូវខ្សែក្រវ៉ាត់ក្រុងទី៣ មានផ្លូវបំបែកប្តូរទិស (Inter-Change) ភ្ជាប់មកផ្លូវជាតិលេខ៤ ចំនួន ៧កន្លែង មានស្ពានវែង-មធ្យម ៥៦កន្លែង ប្រវែង ៤.៤១៧ម៉ែត្រ ស្ពានខ្លី ៣៣កន្លែង ប្រវែង ៧៥០ម៉ែត្រ ស្ពានរំលង ៣២១កន្លែង កន្លែងឈប់សម្រាក ៣កន្លែង ដែលអនុញ្ញាតឱ្យយានយន្តគ្រប់ប្រភេទអាចបើកបរបានដល់ ១០០ គីឡូម៉ែត្រក្នុងមួយម៉ោង និងកន្លែងខ្លះមានល្បឿនអតិបរមា ១២០ គីឡូម៉ែត្រក្នុងមួយម៉ោង៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?