ព័ត៌មានជាតិ
សម្ដេចតេជោ ហ៊ុន សែន ៖ រោងភាពយន្តអាចអនុញ្ញាតឲ្យមនុស្សចូលមើលពេញ ១០០ភាគរយបាន
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសឲ្យរោងភាពយន្ត អាចអនុញ្ញាតឲ្យមនុស្សចូលមើលពេញ ១០០ភាគរយបាន តែប្រសិនបើជួបបញ្ហាប្រឈមណាមួយ គឺត្រូវចាត់វិធានការបត់បែនទៅតាមនោះ។
ការប្រកាស របស់សម្ដេចតេជោនាយករដ្ឋមន្ត្រី បានធ្វើឡើងនៅក្នុងពិធីបិទសន្និបាតបូកសរុបការងារឆ្នាំសិក្សា ២០២០ -២០២១ និងលើកទិសដៅការងារឆ្នាំសិក្សា ២០២១-២០២២ នៅរសៀលថ្ងៃទី ២៧ ខែមេសា ឆ្នាំ ២០២២ នេះ។
សម្ដេចតេជោ ហ៊ុន សែន បានថ្លែងឲ្យដឹងថា លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានសរសេរលិខិតស្នើសុំសម្ដេច អនុញ្ញាតឲ្យរោងភាពយន្តទទួលមនុស្សចូលមើលពេញ ១០០ភាគរយវិញ បន្ទាប់ពីស្ថានភាពជំងឺកូវីដ-១៩ មានភាពធូរស្រាល។ សម្ដេចតេជោនាយករដ្ឋមន្ត្រី បានថ្លែងថា សម្ដេចបានចារឯកភាពរួចហើយ ពាក់ព័ន្ធនឹងការស្នើសុំខាងលើនេះ។
ចំណែកឯ ការចូលមើលបាល់ទាត់វិញ ក៏សម្ដេចតេជោអនុញ្ញាតឲ្យចូលមើលពេញ ១០០ភាគរយវិញផងដែរ។ ទោះបីជាបែបណាក៏ដោយ ក៏សម្ដេចតេជោនាយករដ្ឋមន្ត្រី បានលើកឡើងថា បន្ទាប់ពីអនុញ្ញាតដូចខាងលើ នៅពេលជួបបញ្ហាប្រឈមណាមួយនោះ គឺត្រូវចាត់វិធានការបត់បែនទៅតាមនោះ។
ជាមួយគ្នានេះដែរ សម្ដេចតេជោនាយករដ្ឋមន្ត្រី ក៏បានបន្តអំពាវនាវឲ្យប្រជាពលរដ្ឋ ទៅទទួលវ៉ាក់សាំងដូសជំរុញឲ្យបានគ្រប់គ្នា ដើម្បីបង្កើតឲ្យមានភាពស៊ាំក្នុងសហគមន៍ បន្ថែមទៀត៕
អត្ថបទ៖ ឃួន សុភ័ក្រ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ