Connect with us

ព័ត៌មានជាតិ

គ.ជ.ប ព្រមានដាក់ពិន័យចំពោះការឃោសនាដែលមានលក្ខណៈជេរប្រមាថ ឬបញ្ឆេះកំហឹង នាំឱ្យបាត់ទំនុកចិត្តលើការបោះឆ្នោត

បានផុស

នៅ

អនុលោមតាមច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ បទបញ្ជា និងនីតិវិធីសម្រាប់ការបោះឆ្នោតជ្រើស រើសក្រុមប្រឹក្សា ឃុំ សង្កាត់ ការឃោសនាបោះឆ្នោតមានគោលបំណងឱ្យគណបក្សនយោបាយដែលបានអនុញ្ញាតឱ្យចុះបញ្ជីបេក្ខជន និងបេក្ខជនធ្វើការផ្សព្វផ្សាយអំពីគោលនយោបាយ និងកម្មវិធីនយោបាយរបស់ខ្លួន ក្នុងការអភិវឌ្ឍឃុំ សង្កាត់ដល់អ្នកបោះឆ្នោត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ គណៈកម្មាធិការជាតិរៀបចំការបោះឆ្នោត (គ.ជ.ប) ក៏បានកត់ សម្គាល់ឃើញ នូវសកម្មភាពមិនត្រឹមត្រូវមួយចំនួនរបស់គណបក្សនយោបាយ ដែលជាការបពាបំពានទៅលើបទប្បញ្ញត្តិ ក៏ដូចជាច្បាប់ស្តីពីការបោះឆ្នោត។ 

ដើម្បីបង្កលក្ខណៈឱ្យយុទ្ធនាការឃោសនាបោះឆ្នោតរបស់គណបក្សនយោបាយប្រព្រឹត្តទៅកាន់តែរលូន ស្របតាមច្បាប់ និងលិខិតបទដ្ឋានគតិយុត្តជាធរមាន គ.ជ.ប បានធ្វើការណែនាំ៥ ចំណុចគឺ ទី១- មិនត្រូវធ្វើការឃោសនា ឬផ្សព្វផ្សាយរូបភាព ឬវីដេអូ ឬសំឡេង ឬសារនយោ បាយ ដែលមានលក្ខណៈជេរប្រមាថជាសាធារណៈចំពោះគណបក្សនយោបាយណាមួយ ឬបេក្ខជនឈរឈ្មោះ ឬញុះញង់ឱ្យមានការរើសអើង ឬបញ្ឆេះកំហឹង ឬធ្វើឱ្យមានការបាត់ទំនុកចិត្តលើការបោះឆ្នោតតាមគ្រប់មធ្យោបាយ។ ជនណា ឬគណបក្សនយោបាយណា ដែលបានប្រព្រឹត្តបំពាន ត្រូវទទួលពិន័យតាមច្បាប់ជាធរមាន។

ទី២- មិនត្រូវធ្វើសកម្មភាពទិញទឹកចិត្តអ្នកបោះឆ្នោត តាមរយៈការផ្តល់មធ្យោ បាយជាថវិកា ជាសម្ភារៈ បរិក្ខារ ឬមធ្យោបាយផ្សេងៗ។ 

ទី៣- មិនត្រូវលើកស្លាក ឬបដាកាត់ទទឹងថ្នល់ ឬប្រើប្រាស់សម្ភារៈ ឯកសារដែលផ្ទុយនឹងស្មារតីច្បាប់ ដែលត្រូវបានហាមឃាត់ដោយ គ.ជ.ប។

ទី៤- ត្រូវជូនដំណឹងទៅគណៈកម្មការឃុំ សង្កាត់រៀបចំការបោះឆ្នោត យ៉ាងតិច ៣ ថ្ងៃ មុនថ្ងៃធ្វើការហែក្បួនឃោសនា និងត្រូវគោរពតាមគោលការណ៍ណែនាំរបស់អាជ្ញាធរ មានសមត្ថកិច្ច ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់ សាធារណៈ និងបញ្ចៀសការកកស្ទះចរាចរ។

៥- ត្រូវគោរពឱ្យបានខ្ជាប់ខ្ជួននូវច្បាប់ បទបញ្ជា និងនីតិវិធីនៃការបោះឆ្នោត ក្រមសីលធម៌ សម្រាប់គណបក្សនយោបាយ និងបេក្ខជនក្នុងដំណើរការបោះឆ្នោត។

ការព្រមានដាក់ពិន័យចំពោះអ្នកប្រព្រឹត្តល្មើសខាងលើនេះ បានធ្វើឡើងក្រោយពី គ.ជ.ប ទទួលបានបណ្តឹងចំនួន១៨ ដែលភាគច្រើនប្តឹងឲ្យដាក់ពិន័យទៅលើគណបក្សភ្លើងទៀន ដែលបានប្រព្រឹត្តល្មើសក្នុងពេលឃោសនា៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

ភ្លៀងធ្លាក់ខ្លាំងមិនធ្លាប់មាននៅ សេអ៊ូល កំពុងផ្ដាច់ជីវិតមនុស្សច្រើននាក់

ព័ត៌មានជាតិ១៧ នាទី មុន

លោក គីម រិទ្ធី ប្ដេជ្ញាបម្រើប្រជាជនក្នុងមូលដ្ឋានរបស់លោក ប្រកបដោយយុត្តិធម៌ និងគុណធម៌បំផុត

សន្តិសុខសង្គម២០ នាទី មុន

លួចគាស់វីឡា​ប្រមូល​គ្រឿងសង្ហារិម​តម្លៃរាប់ម៉ឺនដុល្លារ​គេចខ្លួនបាត់ស្រមោល​

កីឡា៣០ នាទី មុន

កីឡា​ការិនី​​ជន​​ពិការ​​ឈ្នះ​​មេដាយ​​មាស​​៥​​​​ក្នុង​ចំណោម​​៧​​គ្រឿង​​នៅ​​អាស៊ាន​​ប៉ារ៉ាហ្គេម​​ឆ្នាំ​​នេះ

ព័ត៌មានជាតិ៤០ នាទី មុន

កសិករ​ចែក​បទពិសោធន៍​បណ្ដុះផ្សិត​ចំបើង​បង្កើន​បន្លែ​សរីរាង្គ​ទប់ស្កាត់​បន្លែនាំចូល

Sokha Hotels

ព័ត៌មានពេញនិយម