ព័ត៌មានជាតិ
ទេសរដ្ឋមន្រ្តី លី ធុជ អរគុណអង្គភាព ខ្មែរថាមស៍ចូលរួមវិភាគទានបោសសម្អាតមីន
លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងលោក Eldeen Husaini bin Mohd Hashim ឯកអគ្គរាជទូតម៉ាឡេស៊ីប្រចាំនៅកម្ពុជា នៅព្រឹកថ្ងៃទី១០ ខែមិថុនា ឆ្នាំ២០២២ បានអញ្ជើញធ្វើជាអធិបតីក្នុងពិធីប្រគល់-ទទួលវិភាគទានសប្បុរសធម៌របស់អង្គភាពខ្មែរថាមស៍ (Khmer Times) គាំទ្រការងារបោសសម្អាតមីននៅភូមិវាល ឃុំស្រង់ ស្រុងគងពិសី ខេត្តកំពង់ស្ពឺ។
លោក Mohan Bandam ប្រធានអង្គភាពខ្មែរថាមស៍ បានលើកឡើងថា លោកមានសេចក្តីសប្បាយរីករាយណាស់ដែលបានចូលរួមវិភាគទានជាមួយអាជ្ញាធរមីន ក្នុងការងារបោសសម្អាតមីនមនុស្សធម៌ដែលជាជ្រុងមួយតូចនៅកម្ពុជា ដើម្បីផ្តល់ដីមានសុវត្ថិភាព និងកាត់បន្ថយគ្រោះថ្នាក់របស់ប្រជាពលរដ្ឋភូមិវាល ហើយវិភាគទាននេះ គឺជាការចូលរួមចំណែកដោយផ្ទាល់របស់គ្រួសារ និងអង្គភាពខ្មែរថាមស៍ទាំងមូល។
លោក Mohan បានបន្តទៀតថា អង្គភាពខ្មែរថាមន៍ នឹងបន្តចាប់ផ្តើមរៃអង្គាសមូលនិធិបន្ថែមទៀតពីសប្បុរសជន និងបណ្តាវិស័យឯកជននានាតាមរយៈការរៀបចំកម្មវិធីសប្បុរសធម៌រហូតដល់ខែធ្នូ ឆ្នាំ២០២២នេះ ដើម្បីចូលរួមជាមួយរាជរដ្ឋាភិបាលកម្ពុជា ដល់ការងារបោសសម្អាតមីន។
លោកទេសរដ្ឋមន្រ្តីបានថ្លែងអំណរគុណយ៉ាងជ្រាលជ្រៅដល់លោក Mohan Bandam និងសហការីអង្គភាពខ្មែរថាមន៍ ចំពោះទឹកចិត្តសប្បុរសក្នុងការរួមចំណែកផ្តល់សុខសុវត្ថិភាពដល់ប្រជាពលរដ្ឋកម្ពុជា ជាពិសេសចូលរួមឲ្យកម្ពុជាសម្រេចនូវគោលដៅគ្មានមីនឆ្នាំ២០២៥។
លោកទេសរដ្ឋមន្រ្តីបានចាត់ទុកវិភាគទាននេះ គឺជាការចូលរួមចំណែកដ៏មានតម្លៃ ដើម្បីប្រែក្លាយឲ្យភូមិវាលដែលជាអតីសមរភូមិប្រយុទ្ធ និងមានផ្ទៃដីរងផលប៉ះពាល់ដោយសារមីនចំនួន ៥៣.៨៥៣ ម៉ែត្រក្រឡា ទៅជាភូមិអស់មីន ដោយប្រើប្រាស់កម្លាំងបោសសម្អាតមីននៃមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC)។
លោកទេសរដ្ឋមន្រ្តី បានបន្តទៀតថា រយៈពេលជាង ៣០ឆ្នាំនេះ រាជរដ្ឋាភិបាលកម្ពុជា និងមានការចូលរួមពីគ្រប់ភាគីពាក់ព័ន្ធ បានសម្រេចនូវសមិទ្ធផលយ៉ាងច្រើនដោយរំដោះផ្ទៃដីបានជាង ២៣៧៨ គីឡូម៉ែត្រក្រឡា និងផ្តល់ដីមានសុវត្ថិភាពជូនដល់ប្រជាពលរដ្ឋជាអ្នកទទួលផលបានជាង ៧លាននាក់។
កិច្ចខិតខំប្រឹងប្រែងទាំងនេះ បានជម្រុញឲ្យការចូលរួម និងយកចិត្តទុកដាក់បន្ថែមពីប្រទេសជាតិ ដៃគូអភិវឌ្ឍន៍ និងភាគីពាក់ព័ន្ធដទៃទៀត ជាពិសេសថ្មីៗនេះ មានការចូលរួមផងដែរពីវិស័យជន ដូចព្រឹត្តិការណ៍នាថ្ងៃនេះផងដែរ៕
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន