ព័ត៌មានជាតិ
អ្នកវិភាគសង្គម៖ មានឧកញ៉ាច្រើន ជារឿងល្អ បើសិនពួកគេធ្វើតែរឿងសុចរិត
នៅកម្ពុជា គោរមងារឧកញ៉ា បានកើនឡើងពីមួយឆ្នាំទៅមួយឆ្នាំ ដោយមានឧកញ៉ាខ្លះ បានជួយឧបត្ថម្ភជូនរដ្ឋ និងជួយដល់ប្រជាពលរដ្ឋឱ្យមានការងារធ្វើក្នុងស្រុកដោយសុចរិត។ អ្នកវិភាគបញ្ហាសង្គមនៅកម្ពុជា មើលឃើញថា ការមានឧកញ៉ាច្រើន វាជារឿងល្អ។ ល្អ បើសិនជាពួកគេធ្វើអំពើ ឬរកស៊ីតាមគន្លងសុចរិតនោះ។ ប៉ុន្តែ បើពួកគេឆ្លៀតយកងារនេះទៅរកស៊ីក្នុងអំពើខុសច្បាប់វិញ វានឹងនាំឱ្យគុណតម្លៃឧកញ៉ានៅស្រុកខ្មែរមានការធ្លាក់ចុះមិនខាន។
លោកបណ្ឌិត ឈត ប៊ុនថង អនុប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងថា កាលដែលកម្ពុជាមានឧកញ៉ា ឬ អ្នកមានទ្រព្យសម្បិត្តច្រើននៅក្នុងប្រទេស គឺជារឿងមួយគួរឱ្យសោមនស្ស និងស្ងប់ស្ងែង ដែលពួកគាត់បានលះបង់ទ្រព្យសម្បត្តិរបស់ខ្លួន និងមានទឹកចិត្តជួយអភិវឌ្ឍន៍ ស្ថាបនាប្រទេសឱ្យមានភាពល្អប្រសើរជាងមុន។ ប៉ុន្តែ ទន្ទឹមនឹងការរីកចម្រើននេះ លោកបណ្ឌិត ឈត ប៊ុនថង ថា ក៏អាចមានក្តីវិនាសដល់ប្រទេសផងដែរ ប្រសិនបើឧកញ៉ា អ្នកឧកញ៉ាមួយចំនួន ប្រព្រឹត្តនូវអំពើអបាយមុខដូចជា កាប់បំផ្លាញព្រៃឈើ ឬកេងប្រវ័ញ្ចផ្សេងៗ។
លោកបណ្ឌិត ឈត ប៊ុនថង មានប្រសាសន៍ថា ៖ «ខ្ញុំពិតជាសរសើរដែលអស់លោក លោកស្រី បានយកទ្រព្យសម្បត្តិខ្លួនមកជួយជាតិ នេះបានបង្ហាញពីថា ពលរដ្ឋយើងជួយគ្នា។ មួយវិញទៀត សូមឱ្យឧកញ៉ាទាំងអស់រកស៊ីដោយសុចរិត និងជួយរិះរកវិធី ក៏ដូចជាពិភាក្សាគ្នាក្នុងការស្វែងរកទីផ្សារការងារដល់ប្រជាជនខ្មែរដែលខ្វះខាត អាចឱ្យគាត់ធ្វើការបាននៅក្នុងស្រុកដោយមិនបាច់ចំណាកស្រុកទៅថៃ ឬ កូរ៉េឡើយ»។
ចំណែក លោកបណ្ឌិត ប៉ា ច័ន្ទរឿន អ្នកជំនាញផ្នែកទស្សនវិជ្ជា និងសីលធម៌សង្គមវិញ បានកត់សម្គាល់ឃើញថា ទោះបីគោរមងារឧកញ៉ា មានការកើនឡើងច្រើនមែន ប៉ុន្តែគុណតម្លៃរបស់ឧកញ៉ាហាក់មានភាពអន់ថយដោយសារទិដ្ឋភាពមួយចំនួន។ ទី១ គឺនាសម័យមុនមិនកំណត់ ទាល់តែអ្នកមានទ្រព្យជួយរដ្ឋនោះទេទើបបានងារជាឧកញ៉ា ឱ្យតែមន្រ្តីនោះខំធ្វើកិច្ចការងាររាជការនឹងទទួលបានងារនេះ ខុសពីសម័យឥឡូវ។ ទី២ គឺទ្រព្យសម្បត្តិដែលមានមុននឹងក្លាយជាឧកញ៉ា មិនសូវដឹងពីប្រភពច្បាស់លាស់ថា បានមកពីណាឱ្យប្រាកដ ដែលជួនកាល ក៏ធ្វើឱ្យប៉ះពាល់ដល់គុណតម្លៃរបស់ឧកញ៉ាទូទៅដែលមានភាពត្រឹមត្រូវ។
លោកបណ្ឌិត ប៉ា ច័ន្ទរឿន បានមានប្រសាសន៍ថា៖ «វាជារឿងល្អមួយដែលសង្គមខ្មែរ មានអ្នកមានទ្រព្យ សម្បត្តិច្រើន ព្រោះសង្គមមួយរីកសម្រើន ប្រជាជនមានសិទ្ធសេរីភាពក្នុងការរកស៊ីទទួលទាន ដែលប្រកបដោយគន្លងធម៌ មានដោយធម៌ បានដោយធម៌»។
គួរបញ្ជាក់ថា គោរមងារឧកញ៉ា ត្រូវបានប្រទានដោយព្រះមហាក្សត្រ បន្ទាប់ពីបុគ្គលនោះ ជួយសាងសង់ ឬ ឧបត្ថម្ភលើផ្នែកផ្សេងៗដល់រដ្ឋក្នុងតម្លៃ ៥០ម៉ឺនដុល្លារ (អនុក្រឹត្យថ្មី ចេញឆ្នាំ២០១៧ ។ គិតតាំងពីឆ្នាំ ១៩៩៥ ដល់ឆ្នាំ ២០២០ កម្ពុជា មានឧកញ៉ា អ្នកឧកញ៉ា សរុប ១០៧០នាក់ មកហើយ ប៉ុន្តែ កម្ពុជានៅមិនទាន់មានងារ លោកអ្នកឧកញ៉ា នៅឡើយទេ៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)