Connect with us

ព័ត៌មានជាតិ

សម្តេចតេជោ ហ៊ុន សែន អនុញ្ញាតរថយន្តចង្កូតស្តាំបង់ពន្ធ មិនបាច់កែចង្កូត តែហាមនាំ​ចូលថ្មី​​

បានផុស

នៅ

ឆ្លើយតបជាមួយការទាមទាររបស់ក្រុមអ្នកបើកបររថយន្ត​ចង្កូតស្តាំ ដែល​ស្នើសុំចូលបង់ពន្ធ​ តែ​មិនកែចង្កូត សម្តេចតេជោ ហ៊ុន សែន ក្នុងនាម​រាជរដ្ឋាភិបាលកម្ពុជាបានសម្រេច​អនុញ្ញាត​តាម​​ការស្នើសុំនោះ ដោយ​​អនុញ្ញាតិឱ្យរថយន្តចង្កូតស្តាំដែល​កំពុង​មានវត្តមាន​នៅក្នុងប្រទេស​​​ចូលបង់ពន្ធ ដោយមិនបាច់កែចង្កូត តែសម្តេច​បាន​ហាម​​​ដាច់​ខាត​ចំពោះការនាំចូលជាថ្មី។​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន បញ្ជាក់ថា៖ “​ម្សិល​​មិញ​​នេះ ​បងប្អូន​​បានស្នើសុំថា សុំបង់ពន្ធ​តែមិន​ប្ដូរចង្កូត។ ឥឡូវខ្ញុំយល់ស្រប ជាមួយ​នឹងសំណូមពរ​របស់​បងប្អូន។ បងប្អូន​ត្រូវ​​ចូល​​មក​​បង់​​ពន្ធ ​បងប្អូនមិនចាំបាច់ប្ដូរចង្កូតទេ សម្រាប់​អ្នក​ដែល​មិនទាន់បានប្ដូរ​។ អ្នក​ដែល​បានដូរហើយ គឺឱ្យវាចប់ទៅ ដើម្បីយើងមានឡានចង្កូតឆ្វេងប្រើនឹងគេ តែអ្នកដែលមិនទាន់បានដូរ ត្រូវចូលមកបង់​​ពន្ធ រួចហើយ​ក្រសួងសាធារណការត្រូវចេញផ្លាកឱ្យគេ”។

សម្ដេចតេជោ ​បញ្ជាក់ថា សុពលភាព​នៃការបង់ពន្ធនេះ គឺបញ្ចប់​ត្រឹមថ្ងៃទី ៦ ខែកក្កដា ឆ្នាំ ២០២២។ សម្ដេចតេជោ មានប្រសាសន៍បន្ថែមថា៖ ​​”ចាប់ពីថ្ងៃស្អែកទៅ រថយន្តដែល​នាំចូលថ្មីជា​ចង្កូតស្តាំ ​មិនឱ្យបង់​ពន្ធ ហើយក៏មិនឱ្យប្ដូរចង្កូតដែរ ហើយចាប់យកតែម្ដង មិនចាំបាច់និយាយអីទៀត គឺចាប់យកតែម្ដង។ ខ្ញុំអនុញ្ញាតនេះ គឺអនុញ្ញាតក្នុងរង្វង់រថយន្តចង្កូតស្ដាំ ដែលកំពុងធ្វើចរាចរណ៍នៅលើទឹកដីកម្ពុជាតែប៉ុណ្ណោះ ​សុំស្ដាប់ឱ្យច្បាស់ ទាំងនគរបាលយុត្តិធម៌ អាវុធហត្ថ និងគ្រប់ផ្នែកទាំងអស់ត្រូវចាំឱ្យច្បាស់”។

​សម្តេច​តេជោ បន្តថា រថយន្ដចង្កូតស្ដាំ​​ដែលកំពុងឋិតនៅក្នុងព្រះរាជាណាចក្រកម្ពុជាប៉ុន្មាន គឺអនុញ្ញាតប៉ុណ្ណឹង ប៉ុន្តែរថយន្តនាំចូលថ្មីមិនអនុញ្ញាតទេ ហើយរថយន្តដែលកំពុងនាំមកដល់​​ព្រំដែន គឺត្រូវ​បញ្ជូនត្រឡប់ទៅវិញទាំងអស់ ពីព្រោះ​រថយន្តចង្កូតស្ដាំ មិន​នាំចូលតាមវៀតណាម តាមឡាវនោះទេ គឺនាំចូលពីថៃ។

បើតាមសម្ដេចតេជោ ហ៊ុន សែន បច្ចុប្បន្នប្រទេសកម្ពុជា មានរថយន្តចង្កូតស្តាំចំនួន ៦ ៩៩៩ គ្រឿង កែចង្កូតរួចហើយចំនួន ៤ ២៩៩ គ្រឿង មិនទាន់បានកែចំនួន​ ២ ៥០៩ គ្រឿង។​

ជាមួយគ្នានោះសម្ដេចអគ្គមហាសេនាបតីតេជោ ហ៊ុន សែន ក្នុងនាមរាជរដ្ឋាភិបាលកម្ពុជា​បានបន្តអំពាវនាវឱ្យ​ចូល​រួម​រក​ស៊ី​បង់ពន្ធ ​ពីព្រោះយើង​មាន​លុយទិញ​ឡាន​ជិះ ​តែ​មិនបង់ពន្ធ មិនមែនជាវិធីល្អនោះទេ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

អាជ្ញាធរ និងប្រជាកសិករ ត្រេកអរ ពេលមានទឹកស្រោចស្រពស្រូវប្រាំង

ព័ត៌មានជាតិ១១ នាទី មុន

​ធនាគារ​ជាតិ​បញ្ចេញ​ថវិកា​ជិត ១៤០ លាន​ដុល្លារ​ដើម្បី​រក្សា​ស្ថិរភាពអត្រា​ប្តូរ​ប្រាក់​រៀល​លើ​ទីផ្សារ

ព័ត៌មានជាតិ២២ នាទី មុន

ប្រមុខការទូតកម្ពុជា សាទរការតែងតាំងប្រេសិតពិសេសថ្មីរបស់ប្រធានអាស៊ានជុំវិញបញ្ហានៅ មីយ៉ាន់ម៉ា

ព័ត៌មានអន្ដរជាតិ២៧ នាទី មុន

អាស៊ាន ពេញចិត្តគំនិតផ្ដួចផ្ដើមរបស់ ថៃ បង្កើតច្រករបៀងដឹកជំនួយមនុស្ស​ធម៌ទៅកាន់ មីយ៉ាន់ម៉ា

ព័ត៌មានជាតិ៤៣ នាទី មុន

យុវតីមកពីគ្រួសារក្រីក្រនៅខេត្តស្វាយរៀង ពេញចិត្តវគ្គបណ្ដុះបណ្ដាលបច្ចេកទេស​របស់រាជរដ្ឋាភិបាល

Sokha Hotels

ព័ត៌មានពេញនិយម