ព័ត៌មានជាតិ
ក្រសួងសង្គមកិច្ច កំពុងបង្កើនការលើកកម្ពស់សេវាសុខុមាលភាពសង្គម និងផ្តល់សេវាស្តារលទ្ធភាពកាយសម្បទា
ក្រសួងសង្គមកិច្ច អតីតយុទ្ធជន និងយុវនីតិសម្បទា បាននិងកំពុងបង្កើនការលើកកម្ពស់ ឲ្យប្រសើរឡើងនូវប្រសិទ្ធភាពសន្តិសុខសង្គម សេវាសុខុមាលភាពសង្គម និងផ្តល់សេវាស្តារលទ្ធភាពកាយសម្បទា ដើម្បីឆ្លើយតបនឹងស្ថានភាពវិវត្តន៍ជាក់ស្តែង ក្នុងប្រទេសកម្ពុជា។
លោក ម៉ែន សុចិត្រ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងកិច្ចប្រជុំបូកសរុបលទ្ធផលការងារ របស់អគ្គនាយកដ្ឋានបច្ចេកទេស និងលើកទិសដៅអនុវត្ត របស់អគ្គនាយកដ្ឋានសេវាសង្គមកិច្ច លើកឡើងថា តម្រូវការចាំបាច់ក្នុងកិច្ចការលើកកម្ពស់វិស័យសង្គមកិច្ចនេះ ជាផែនការអភិវឌ្ឍន៍ជាតិរបស់កម្ពុជា ២០៥០ បម្រើការលើកកម្ពស់សុខុមាលភាព ជីវភាពរស់នៅប្រជាពលរដ្ឋ ឆ្ពោះទៅរកការផ្លាស់ប្តូរជាវិជ្ជមាននូវកម្រិតជីវភាព និងគុណភាពជីវិតប្រជាពលរដ្ឋកម្ពុជាគ្រប់រូប។ ដូច្នេះក្រសួងសង្គមកិច្ច ដើរតួនាទីយ៉ាងសំខាន់ក្នុងការរួមចំណែក ដោះស្រាយបញ្ហាប្រឈម ជូនពលរដ្ឋក្រីក្រ និងងាយរងគ្រោះ ព្រមទាំងឲ្យមានសង្គតិភាព។
លោក ម៉ែន សុចិត្រ គូសបញ្ជាក់នៅថ្ងៃទី ៧ ខែកក្កដា ឆ្នាំ ២០២២ទៀតថា អគ្គនាយកដ្ឋានសេវាសង្គមកិច្ច ត្រូវបន្តប្រឹងប្រែងអនុវត្តតួនាទីភារកិច្ចរបស់ខ្លួន ទៅតាមស្ថានភាព និងបរិបទការវិវតុ្តន៍នៃសម័យបច្ចេកវិទ្យាទំនើប និងរៀបចំប្រតិទិនការងារឲ្យបានច្បាស់លាស់ ដើម្បីសម្រេចការងារតាមគោលដៅកំណត់ តបនឹងស្ថានភាពក្នុងប្រទេស និងតំបន់។
លោករដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ក៏បានកោតសរសើរចំពោះសមិទ្ធផលធំៗជាច្រើន ដែលទទួលបានក្នុងឆ្នាំនេះ ក៏ដូចជាអាណត្តិនេះដែរ ពិតជាបានចូលរួមចំណែកកាត់បន្ថយភាពអសកម្ម និងជួយដោះស្រាយបញ្ហាប្រឈមនានាជាច្រើន ដែលបាននឹងកំពុងកើតមានក្នុងសង្គមជាតិ។
ដោយឡែកលោក តូច ចាន់នី អគ្គនាយក នៃអគ្គនាយកដ្ឋានសេវាសង្គមកិច្ច បានអះអាងថា អគ្គនាយកដ្ឋានបច្ចេកទេស និងនាយកដ្ឋានសង្គមកិច្ច បានពិនិត្យ និងកែសម្រួលលិខិតបទដ្ឋានគតិយុត្ត និងបន្តពង្រឹងនិរន្តរភាពការងារមនុស្សចាស់ អតីតយុទ្ធជន ឲ្យកាន់ប្រសើរឡើងជំរុញឲ្យអនុវត្តផែនការសកម្មភាពដំណាក់កាលទី ២ (២០២១ដល់២០២៥) នៃគោលនយោបាយជាតិស្តីទីមនុស្សចាស់។
លោក តូច ចាន់នី បន្ថែមថា មិនត្រឹមប៉ុណ្ណោះ នាយកដ្ឋានសង្គមកិច្ច បានពង្រឹងសមត្ថភាពដល់ថ្នាក់ដឹកនាំ និងមន្រ្តីជំនាញគ្រប់លំដាប់ថ្នាក់ អនុវត្តការងារផ្តល់សេវាសង្គមកិច្ច ឲ្យកាន់តែទូលំទូលាយ បូករួមផ្សំនឹងការកំណែទម្រង់ជាច្រើនទៀត ប្រកបដោយតម្លាភាព។
សូមជម្រាបថា អំឡុងពេលកម្ពុជារងប៉ះពាល់ដោយសារជំងឺកូវីដ-១៩ និងបិទខ្ទប់សហគមន៍ ក្រសួងសង្គមកិច្ច បានសម្របសម្រួលផ្តល់ជាសាច់ប្រាក់ដល់ពលរដ្ឋក្រីក្រ ស្រ្តីមានផ្ទៃពោះឆ្លងទន្លេ កុមារកំព្រា ជនពិការភាព និងជនមានវិបល្លាសស្មារតី ជាដើម៕
អត្តបទ៖ សិរីវឌ្ឍន:
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ