ព័ត៌មានជាតិ
មន្ត្រីរាជការជាប់ឆ្នោតជាសមាជិកក្រុមប្រឹក្សាអាណត្តិទី ៥ ត្រូវធ្វើពាក្យព្យួរការងារនៅក្រសួង ឬអង្គភាពសាមីរបស់ខ្លួន
ក្រសួងមហាផ្ទៃ បានណែនាំដល់មន្ត្រីរាជការ ដែលបានជាប់ឆ្នោតជាសមាជិកក្រុមប្រឹក្សាឃុំ-សង្កាត់អាណត្តិទី ៥នេះ ត្រូវធ្វើពាក្យសុំព្យួរការងារទៅសាមីក្រសួង ឬសាមីអង្គភាពរបស់ខ្លួនទើបអាចបំពេញការងារជាក្រុមប្រឹក្សាបាន។ ការណែនាំនេះ បានធ្វើឡើងបន្ទាប់ពីក្រសួងមហាផ្ទៃ ពិនិត្យឃើញថា មានមន្ត្រីរាជការមួយចំនួនដែលបម្រើការងារនៅរដ្ឋបាលថ្នាក់ក្រោមជាតិ បានជាប់ឆ្នោតជាសមាជិកក្រុមប្រឹក្សាឃុំ-សង្កាត់នៅក្នុងអាណត្តិទី ៥នេះ។
លោក សក់ សេដ្ឋា រដ្ឋលេខាធិការក្រសួងមហាផ្ទៃ បានឲ្យដឹងនៅក្នុងសេចក្តីប្រកាសមួយជម្រាបជូនអភិបាល នៃគណៈអភិបាលរាជធានី-ខេត្ត ស្តីពី ការស្នើសុំស្ថិតនៅក្រៅក្របខ័ណ្ឌដើម របស់មន្ត្រីរាជការ ដែលបានជាប់ឆ្នោតជាសមាជិកក្រុមប្រឹក្សាឃុំ-សង្កាត់អាណត្តិទី ៥ ដែលទើបទទួលបាននៅថ្ងៃទី ១២ ខែកក្កដានេះថា តាមបទប្បញ្ញត្តិមាត្រា ៣៧ នៃច្បាប់ ស្តីពី ការបោះឆ្នោតជ្រើសរើសក្រុមប្រឹក្សាឃុំ-សង្កាត់បាន តម្រូវឲ្យមន្ត្រីរាជការស៊ីវិល មន្ត្រីតុលាការ កងយោធពលខេមរភូមិន្ទ នគរបាលជាតិ ដែលជាប់ឆ្នោតជាសមាជិកក្រុមប្រឹក្សារួចហើយ ប្រសិនបើមានបំណងចង់បម្រើការងារជាសមាជិកក្រុមប្រឹក្សានោះ សាមីខ្លួនត្រូវធ្វើពាក្យតាមឋានានុក្រមទៅសាមីក្រសួង ឬសាមីអង្គភាព ដើម្បីទៅបម្រើការងារក្រៅក្របខណ្ឌដើមក្នុង រយៈពេលនៃអាណត្តិរបស់ក្រុមប្រឹក្សា។
លោក សក់ សេដ្ឋា បានបបន្តថា ក្នុងរយៈពេលនៃអាណត្តិនេះ សាមីខ្លួនមានសិទ្ធិឡើងថ្នាក់ ឋានន្តរស័ក្តិ និងរក្សាអតីតភាពការងារសម្រាប់ទទួលសោធននិវត្តន៍។ នៅពេលចប់អាណត្តិជាសមាជិកក្រុមប្រឹក្សាឃុំ-សង្កាត់ សាមីខ្លួនត្រូវធ្វើពាក្យស្នើសុំត្រឡប់មកបម្រើការងារនៅក្រសួង ឬអង្គភាពដើមវិញ។ ប៉ុន្តែមុខងារ និងមុខតំណែង អាស្រ័យសាមីក្រសួង ឬសាមីអង្គភាព ជាអ្នកសម្រេច៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង