ព័ត៌មានជាតិ
៩ខែហើយ ដែលក្រសួងកសិកម្ម ឈប់អនុញ្ញាតឲ្យនាំចូលសត្វជ្រូកពីប្រទេសជិតខាង
អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ បានអះអាងថា ក្រសួងកសិកម្ម រុក្ខាប្រមាញ់ និងនេសាទ ឈប់អនុញ្ញាតឲ្យនាំចូលសត្វជ្រូកពីប្រទេសជិតខាង រយៈពេល ៩ខែមកហើយ ដោយការផ្គត់ផ្គង់ក្នុងស្រុកអាចបំពេញតម្រូវការបាន។
ឆ្លើយតបនឹងសំណួររបស់អ្នកសារព័ត៌មាន នៅក្នុងសន្និសីទសារព័ត៌មាន ស្តីពី «សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងកសិកម្ម រុក្ខាប្រមាញ់ និងនេសាទ» នាព្រឹកថ្ងៃទី ១៩ ខែកក្កដានេះ លោក តាន់ ផាន់ណារ៉ា អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា រយៈពេល ៩ខែហើយ ដែលក្រសួងកសិកម្ម រុក្ខាប្រមាញ់ និងនេសាទ ឈប់អនុញ្ញាតឲ្យមានការនាំចូលសត្វជ្រូក ពីប្រទេសជិតខាង ខណៈការផ្គត់ផ្គង់តម្រូវការក្នុងស្រុក មានគ្រប់គ្រាន់ទៅហើយនោះ។
លោក តាន់ ផាន់ណារ៉ា មានប្រសាសន៍ថា «ខ្ញុំសូមឆ្លើយនឹងសំណួរនេះថា អ្វីដែលបានលើកឡើងថា ការនាំចូលជ្រូកពីប្រទេសវៀតណាមនេះ គឺអត់មានអ្វីជាគោលការណ៍ផ្លូវច្បាប់ទេ ក្រសួងកសិកម្មអត់មានបានអនុញ្ញាតឲ្យចូលជ្រូក រយៈពេលចូល ៩ខែហើយ មូលហេតុដែលមិនអនុញ្ញាតឲ្យមានការនាំចូល គឺយើងអាចផ្គត់ផ្គង់គ្រប់គ្រាន់ គឺ ៩ខែហើយ យើងអត់មានទេ»។
ជាមួយគ្នានេះ លោក តាន់ ផាន់ណារ៉ា បានបញ្ជាក់បន្ថែមថា អគ្គនាយកដ្ឋានសុខភាពសត្វ និងផលិតកម្មសត្វ បានសហការជាមួយកងកម្លាំងប្រដាប់អាវុធ, មន្ទីរកសិកម្មតាមបណ្ដារាជធានី-ខេត្ត, និងសមាគមអ្នកចិញ្ចឹមសត្វ ដោយនាំគ្នាទប់ស្កាត់ កុំឲ្យមានការនាំចូលសត្វជ្រូកពីប្រទេសជិតខាង ជាពិសេសមកពីប្រទេសវៀតណាម។
អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ បានបញ្ជាក់ទៀតថា ក្នុងរយៈពេលចុងក្រោយនេះ ស្ថាប័នជំនាញ សហការជាមួយដៃគូពាក់ព័ន្ធ ធ្វើការបង្រ្កាបការលួចនាំចូលសត្វជ្រូកពីប្រទេសជិតខាងជាច្រើនករណី ហើយកាលពេលពីថ្មីៗនេះ ក៏មានការដុតកម្ទេចសត្វជ្រូកចំនួន ៨០ក្បាល ដែលនាំចូលពីប្រទេសវៀតណាម តាមខេត្តព្រៃវែងគ្មានច្បាប់អនុញ្ញាត ដោយសាររកឃើញកើតជំងឺជំងឺប៉េស្ដជ្រូកអាហ្រ្វិក។
លោក តាន់ ផាន់ណារ៉ា បានគូសបញ្ជាក់ទៀតថា ការផ្គត់ផ្គង់សត្វជ្រូកនៅក្នុងស្រុក អាចបំពេញតម្រូវការបានរហូតដល់ដាច់ឆ្នាំ ២០២២នេះ ដោយមិនចាំបាច់មានការនាំចូលពីក្រៅប្រទេស នោះឡើយ៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ