Connect with us

ព័ត៌មានជាតិ

ផ្ទាំងចម្លាក់រូបព្រះលោកេស្វរៈ ប្រវែងជាង ៥ ម៉ែត្រ នឹងត្រូវយកទៅតម្កល់នៅប្រាសាទបន្ទាយឆ្មារ

បានផុស

នៅ

ផ្ទាំងចម្លាក់រូបព្រះលោកេស្វរៈប្រវែងជិត ៦ ម៉ែត្រ និងកម្ពស់ជិត ៣ ម៉ែត្រ នឹងត្រូវដង្ហែចេញពីសារមន្ទីរជាតិនៅរាជធានីភ្នំពេញ ទៅតម្កល់នៅប្រាសាទបន្ទាយឆ្មារ មាន​ទីតាំង​ស្ថិតនៅ ភូមិ​បន្ទាយឆ្មារ ឃុំ​បន្ទាយឆ្មារ ស្រុក​ថ្មពួក ខេត្តបន្ទាយមានជ័យ នា​ព្រឹក​ថ្ងៃទី​ ៣០ ខែកក្កដា ឆ្នាំ​ ២០២២ ខាងមុខ នេះ​បើ​យោងតាម​កម្មវិធី​ដែល​ទទួលបាន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​កម្មវិធី​ដង្ហែ​ផ្ទាំង​ចម្លាក់​រូប​ព្រះ​លោកេស្វរៈ​នេះ សហការ​រៀបចំ​ដោយ​នាយ​ឧ​ត្ត​ម​សេនីយ៍ កែ គឹមយ៉ាន ឧបនាយករដ្ឋមន្ត្រី និង​ជា​ប្រធាន​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន និង​ជា​ប្រធាន​ក្រុមការងារ​រាជរដ្ឋាភិបាល ចុះ​មូលដ្ឋាន​ខេត្តបន្ទាយមានជ័យ​, លោកជំទាវ​ឧកញ៉ា អគ្គ​មហា​ឧបាសិកា​ពុទ្ធ​សាសនូបត្ថម្ភ​ក៏ ម៉ៅ ម៉ា​ល័យ​, លោកជំទាវ​បណ្ឌិត​សភាចា​រ្យ ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ ព្រមទាំង​សហការី​។​

​បើតាម​កម្មវិធី​ដែល​យើង​ទទួលបាន នៅ​ថ្ងៃ​សុក្រ ទី​ ២៩ ខែកក្កដា ឆ្នាំ​២០២២ ម៉ោង​ ៧ និង​៣ ០ នាទី​ដល់​ម៉ោង ​៨ ព្រឹក ពិធី​ក្រុង​ពាលី និង​បួងសួង​នៅ​បរិវេណ​ផ្ទាំង​ចម្លាក់​រូប​ព្រះ​លោកេស្វរៈ ក្នុង​សារមន្ទីរ​ជាតិ​។ ម៉ោង ២ និង ​៣០ នាទី​រសៀល និមន្ត​ព្រះសង្ឃ សមាទានសីល និង​ចំរើន​ព្រះ​បរិត្ត នៅ​រោងបុណ្យ​មុខ​សា​រម​នី្ទ​រ​ជាតិ​។ ម៉ោង ​៣ និង​ ៣០ នាទី​រសៀល សម្ដែង​ធម្មទេសនា​គ្រែ​ពីរ ដោយ​សម្តេចព្រះ​ឧ​ត្ត​ម​ចរិយា​បណ្ឌិត លីង ប៊ុន​ឈា អនុប្រធាន​ថេរ​សភា នៃ​ព្រះពុទ្ធសាសនា នៃ​ព្រះរាជាណាចក្រ​កម្ពុជា និង​សម្តេច​ព្រះពុទ្ធ​ជ័យ​មុនី ឃឹម សន ព្រះ​មេគណ​រាជធានី​ភ្នំពេញ​។ ម៉ោង​៥ រសៀល ពិសា​អាហារ​សាមគ្គី (​មន្ត្រី​សារមន្ទីរ​ជាតិ និង​ភ្ញៀវកិត្តិយស​)​។ នៅ​ថ្ងៃ​សៅរ៍​ទី​ ៣០ ខែកក្កដា ឆ្នាំ​ ២០២២ ម៉ោង​ ៣ ទៀបភ្លឺ ដង្ហែ​ផ្ទាំង​ចម្លាក់​រូប​ព្រះ​លោកេស្វរៈ​ឆ្ពោះទៅកាន់​ប្រាសាទបន្ទាយឆ្មារ ឃុំ​បន្ទាយឆ្មារ ស្រុក​ថ្មពួក ខេត្តបន្ទាយមានជ័យ​។​

​ទាក់ទង​បញ្ហា​នេះ លោក ឡុង ប៉ុណ្ណា​ស៊ី​រី​វត្ថ អ្នកនាំពាក្យ​ក្រសួង​វប្បធម៌ និង​វិចិត្រសិល្បៈ បាន​មាន​ប្រសា​ស​ន៏​ប្រាប់​កម្ពុជា​ថ្មី​នា​ព្រឹក​នេះ​ថា ផ្ទាំង​រូប​ដែល​ត្រូវ​ដង្ហែទៅកាន់​ប្រាសាទបន្ទាយឆ្មារ​នេះ គឺជា​ផ្ទាំង​រូប​ដែល​ទទួលបាន​ពី​កិច្ចសហប្រតិបត្តិការ​រ​វាង​កម្ពុជា និង​ថៃ ពីព្រោះ​រូបនេះ​ត្រូវបាន​លួច​ចេញទៅ​ក្រៅប្រទេស ហើយ​តាម​កិច្ចសហប្រតិបត្តិការ​នៅ​ឆ្នាំ​ ២០០០ ថៃ​បានផ្ដល់​មក​ឲ្យ​កម្ពុជា​វិញ ដែលមាន​ចំនួន​ ៩៩ ដុំ ហើយ​ផ្គុំ​ឡើង​បានជា​រូប​ព្រះ​លោកេស្វរៈ​នេះ តម្កល់​ទុក​នៅ​សារមន្ទីរ​ជាតិ ផ្នែក​សាល​ពិព័រណ៍​។​

​ទាក់ទង​ទៅនឹង​វិស័យ​វប្បធម៌​នេះដែរ លោក ឡុង ប៉ុណ្ណា​ស៊ី​រី​វត្ថ បាន​បញ្ជាក់ថា ក្រៅពី​ថវិកា​របស់​ជាតិ ក្រសួង​តែងតែ​ស្វែងរក​កិច្ចសហការ​ពី​ដៃគូ​ជាតិ អន្តរជាតិ ដើម្បី​ជួសជុល ថែរក្សា​សម្បត្តិ​វប្បធម៌​ខ្មែរ ទាំង​ប្រាសាទ ទាំង​ព្រះវិហារ​ជាដើម ហើយ​ប្រាសាទបន្ទាយឆ្មា​នេះ ក៏បាន​ទទួល​ដៃគូ​ជាតិ គឺ​លោកជំទាវ​ឧកញ៉ា ម៉ៅ ម៉ា​ល័យ បាន​ជួយ​ធ្វើការ​ជួសជុល​ថែទាំ ហើយ​នៅពេល​ធ្វើការ​ជួសជុល​នោះ ក៏​បាត់​ផ្ទាំង​រូប​មួយចំណែក (​ដែលជា​ចំណែក​កំពុងតែ​រក្សាទុក​នៅ​សារមន្ទីរ​ជាតិ និង​ហែ​ទៅ​ថ្ងៃទី​ ៣០​ខាងមុខ​) ដូច្នេះ​លោកជំទាវ​បណ្ឌិតសភា​ចា​រ្យ ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ ក៏​សម្រេច​ឱ្យ​យក​ផ្ទាំងសិលា ដែល​តម្កល់ទុក​នៅ​សារមន្ទីរ​ជាតិ​នេះ យកទៅដាក់​នៅ​កន្លែង​ដើម​វិញ​។​

​បើតាម​លោក ឡុង ប៉ុណ្ណា​ស៊ី​រី​វត្ថ នៅពេលដែល​ភាគី​ខាង​ថៃ​ប្រគល់​មក​ឲ្យ​កម្ពុជា​វិញ​នោះ កម្ពុជា​យើង​មិនបាន​យកទៅ​តម្កល់​នៅ​ប្រាសាទបន្ទាយឆ្មា​វិញ​នោះទេ ដោយសារតែ​បញ្ហា​សុវត្ថិភាព អសន្តិសុខ ដូច្នេះ​ការ​ដង្ហែ​ត្រឡប់​ទៅវិញ​នាពេលនេះ គឺជា​ការបង្ហាញ​ពី​សុខសន្តិភាព ស្ថិរភាព​សង្គម ដែល​យើង​ត្រូវ​នាំយក​ផ្ទាំង​រូបនេះ​ទៅ​តម្កល់​នៅ​កន្លែង​ដើម​វិញ​។​

​បើតាម​មន្ត្រី​អ្នកនាំពាក្យ​ក្រសួង​វប្បធម៌​រូបនោះ​បញ្ជាក់ដែរថា ការ​ដង្ហែផ្ទាំង​រូប​ព្រះ​លោកេស្វរៈ​នេះ ទៅ​ដាក់​កន្លែង​ដើម​វិញ គឺ​ហាក់ដូចជា​ភ្ជាប់​ព្រលឹង​ឡើងវិញ​។ មានន័យថា អ្វីដែល​បាត់បង់​យើង​ឲ្យ​វិល​ទៅ​កន្លែង​ដើម​វិញ គឺ​ដូចជា​បាត់​ព្រលឹង បាត់​ដងខ្លួន យើង​ភ្ជាប់​គ្នា​ឡើងវិញ ដែល​នេះ គឺជា​ទិដ្ឋភាព​សង្គម ហើយ​ជាការ​ខិតខំ​ប្រឹងប្រែងរ​បស់​រាជរដ្ឋាភិបាល​។​

​ចំណែក​លោក ឆាយ វិសុទ្ធ ប្រធាន​នាយកដ្ឋាន​សារមន្ទីរ​ជាតិ​បាន​ថ្លែងប្រាប់​កម្ពុជា​ថ្មី​ដែរ​ថា ទ​ផ្ទាំង​រូបនោះ គឺជា​ផ្ទាំង​ចម្លាក់​នោះ មិនមែនជា​រូប​ដាច់ពីគ្នា​ទេ ជា​រូបចម្លាក់​កា​ឡោ​ន​ទាប​របស់​ថែវ​នៅ​ប្រាសាទបន្ទាយឆ្មា ប៉ុន្តែ​រូបនេះ​បាន​បាត់​នៅពេលដែល​ប្រទេស​យើង មាន​បញ្ហា​អសន្តិសុខ​ក្រោយ​សង្គ្រាម ត្រូវបាន​លួច​នាំ​ចេញទៅ​ក្រៅប្រទេស ហើយ​នៅ​ឆ្នាំ​ ២០០០ ក្រោយពី​មានការ​ទាមទារ មានការ​ចរចា​ជាមួយ​ភាគី​ថៃ គេ​ក៏បាន​ប្រគល់​មក​ឲ្យ​កម្ពុជា​វិញ ហើយ​តាំងពី​ពេល​នោះមក យើង​បាន​យកមក​តម្កល់​នៅ​សារមន្ទីរ​ជាតិ​។​

​លោក ឆាយ វិសុទ្ធ ឲ្យ​ដឹង​ដែរ​ថា ដោយសា​នៅ​ប្រាសាទបន្ទាយឆ្មា មានការ​ជួសជុល ហើយ​នៅពេល​ដំឡើង​រូប​ឡើងវិញ ក៏​នៅសល់​ពីរ​ប្រឡោះ ដោយសារ​បាត់​ផ្ទាំង​រូបចម្លាក់ ទើប​ក្រុមការងារ​សុំ​ការសម្រេច​ពី​រដ្ឋមន្ត្រីក្រសួង​វប្បធម៌​នាំយក​រូបនេះ ក៏​ទៅ​ដាក់​នៅ​កន្លែង​ដើម​វិញ ហើយ​នោះ​ក៏ដូចជា​ការភ្ជាប់​ដងខ្លួន ភ្ជាប់​ព្រលឹង​ឡើងវិញ​ផងដែរ​។ លោក​ថា ផ្ទាំង​ចម្លាក់​នេះ ផ្គុំ​ឡើង​ដោយ​សិលា​ចំនួន​៩៩​ដុំ មាន​ប្រវែង​ ៥,៥៣ ម៉ែត្រ កម្ពស់​ ២,៨៣ ម៉ែត្រ​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤០ នាទី មុន

Avian Influenza (AI): ការស្វែងយល់អំពីការគ្រប់គ្រង និងការការពារជំងឺផ្ដាសាយបក្សីក្នុងប្រទេស កម្ពុជា

ព័ត៌មានអន្ដរជាតិ៤៣ នាទី មុន

អ៊ីស្រាអែល ប្រមូលរបស់ទ្រព្យក្រុមហាម៉ាសត្រៀមបើកផ្លូវចូលទីក្រុងភាគ​ខាងត្បូងហ្គាហ្សា

កីឡា១ ម៉ោង មុន

ជើងឯកម៉ុងហ្គោលី Erdene មកដល់កម្ពុជា យប់មិញត្រៀមប្រកួតដណ្តើមខ្សែក្រវាត់

ព័ត៌មានជាតិ២ ម៉ោង មុន

លោកបណ្ឌិត លី ធុជ បញ្ជាក់ពីសារៈសំខាន់នៃការបញ្ជូនរបាយការណ៍តម្លាភាពនៃការអនុវត្តអនុសញ្ញាឆ្នាំ២០២៤

ព័ត៌មានជាតិ២ ម៉ោង មុន

កម្មកររោងចក្រ អ.ជី សប្បាយចិត្តចំពោះការបើកប្រាក់ឈ្នួល និងប្រាក់បំណាច់ផ្សេងៗលឿនជាងការកំណត់

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៤ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម