ព័ត៌មានជាតិ
សម្ដេចតេជោបញ្ជាឱ្យរដ្ឋមន្ត្រីខ្ចីលុយរាជរដ្ឋាភិបាលបើកឱ្យកម្មករតវ៉ាបញ្ហាថៅកែបិទរោងចក្រមិនបើកប្រាក់ឈ្នួល
សម្ដេចតេជោ ហ៊ុន សែននាយករដ្ឋមន្ត្រីកម្ពុជា នៅថ្ងៃទី ១៧ ខែសីហានេះបានបញ្ជាឱ្យរដ្ឋមន្ត្រីក្រសួងការងារខ្ចីប្រាក់រាជរដ្ឋាភិបាលដោះស្រាយបញ្ហាតវ៉ារបស់កម្មកររោងចក្រឃែនធើរេន អីភែរឹល ខេមបូឌា (CANTERAN APPAREL Cambodia co.,ltd) ដែលបានទៅដាក់ញត្តិនៅខុទ្ទកាល័យរបស់សម្ដេចតេជោ ហ៊ុន សែន កាលពីថ្ងៃទី ១៥ ខែសីហា។
កម្មករកម្មការិនីជាង ៣០០នាក់ បម្រើការងារនៅរោងចក្រ ឃែនធើរេន អីភែរឹល ខេមបូឌា មានទីតាំងនៅសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញបានតវ៉ាជាង ៤ ខែមកហើយ ក្រោយពីថៅកែរោងចក្របិទទ្វាររត់ចោលកម្មករ ដោយមិនបានបើកប្រាក់ឈ្នូល និងទូទាត់អត្ថប្រយោជន៍ផ្សេងៗ។
សម្ដេចតេជោ ហ៊ុន សែន មានប្រសាសន៍ថា យប់មិញខ្ញុំឃើញថាមានកម្មករនៅរោងចក្រមួយទៅខុទ្ទកាល័យខ្ញុំកាលពីថ្ងៃទី ១៥ ខែសីហា ប្រាប់ថាបានដាក់ញត្តិទៅជាង ១ ខែហើយ មិនទាន់មានចម្លើយ។ សម្ដេចចោទជាសំនួថា ឥឡូវហ្នឹងទាំងខុទ្ទកាល័យរបស់សម្ដេច និងក្រសួងការងារទទួលបានញត្តិហើយតើរបៀបដោះស្រាយការងារយ៉ាងម៉េច?
សម្ដេចតេជោមានប្រសាសន៍ថា នេះជាសុខទុក្ខរបស់កម្មករ កម្មករដាក់ញត្តិទៅក្រសួងការងារតាំងពីខែ ឧសភា តែមិនមានដំណោះស្រាយ ហើយចុងក្រោយមកខុទ្ទកាល័យសម្ដេច។
សម្ដេចតេជោ ហ៊ុន សែន មានប្រសាសន៍ថា «កាលពីមុនខ្ញុំធ្លាប់ឱ្យអស់លោកខ្ចីលុយទៅដោះស្រាយឱ្យកម្មករ ហេតុអីបានពេលនេះលោកមិនដោះ មានកន្លែងណាមួយនោះកម្មករដូចជា ៣០០ ប្លាយ ទៅខ្ចីលុយរដ្ឋាភិបាលយកទៅបើកឱ្យសិនទៅរួចហើយចាំដោះស្រាយជាមួយក្រុមហ៊ុនពេលក្រោយ»។
សម្ដេចតេជោ ហ៊ុន សែន រំឭកថា បញ្ហានេះ រដ្ឋាភិបាលធ្លាប់ឱ្យក្រសួងការងារខ្ចីលុយយកទៅដោះស្រាយឱ្យកម្មករ រួចហើយបានដោះស្រាជាមួយក្រុមហ៊ុនពេលក្រោយ តាមរយៈប្ដឹង ឃាត់ទុក ឬបង្កកគណនីធនាគារ៕
អត្ថបទ៖ ឡេង ដេត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល