ព័ត៌មានជាតិ

ក្រុមគ្រូពេទ្យមកពីសហរដ្ឋអាមេរិក នឹងមកពិនិត្យព្យាបាលជំងឺភ្នែកជូនពលរដ្ឋកម្ពុជា នៅដើមខែក្រោយនេះ

បានផុស

៤ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

ផ្នែកចក្ខុរោគនៃមន្ទីរពេទ្យមិត្តភាពខ្មែរសូវៀត សហការជាមួយកម្មវិធីជាតិសុខភាពភ្នែក និងក្រុមគ្រូពេទ្យមកពីសហរដ្ឋអាមេរិក នឹងផ្ដល់ការពិនិត្យ និងព្យាបាលជំងឺភ្នែកជូនដល់ប្រជាពលរដ្ឋកម្ពុជាចាប់ពីថ្ងៃទី ១ ដល់ថ្ងៃទី ៣ ខែកញ្ញា ឆ្នាំ ២០២២ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ ងី ម៉េង នាយកមន្ទីរពេទ្យមិត្តភាពខ្មែរសូវៀតបានមានប្រសាសន៍ថា ក្រុមគ្រូពេទ្យខ្មែរសូវៀត និងក្រុមគ្រូពេទ្យមកពីសហរដ្ឋអាមេរិក នឹងធ្វើការពិនិត្យព្យាបាលជំងឺភ្នែកជូនដល់ប្រជាពលរដ្ឋកម្ពុជាទាក់ទិននឹងជំងឺភ្នែកមួយចំនួន ដូចជាជំងឺសរសៃបាតភ្នែក ជំងឺសរសៃប្រសាទភ្នែក ជំងឺទឹកដល់បាតភ្នែក ជំងឺសាច់ដុំក្នុងភ្នែក និងត្របកភ្នែក និងជំងឺស្ទះរន្ធទឹកភ្នែក។

លោកប្រធានមន្ទីរពេទ្យមិត្តភាពខ្មែរសូវៀត បានអំពាវនាវដល់ប្រជាពលរដ្ឋ ដែលមានបញ្ហាជំងឺភ្នែកខាងលើ សូមអញ្ជើញមកពិនិត្យពិគ្រោះ និងព្យាបាលជំងឺនៅមន្ទីរពេទ្យមិត្តភាពខ្មែរសូវៀតចាប់ពីថ្ងៃទី ១ ដល់ថ្ងៃទី ៣ ខែកញ្ញា ឆ្នាំ ២០២២ ខាងមុខនេះកុំបីខាន៕

អត្ថបទ៖ សំអឿន