ព័ត៌មានជាតិ
ដំណាំស្រូវនិងដំណាំរួមផ្សំជាង៣ម៉ឺនហិកតារងផលប៉ះពាល់ដោយទឹកជំនន់ក្នុងខែ សីហានេះ
នៅក្នុងខែសីហាឆ្នាំ២០២២នេះ គ្រោះទឹកជំនន់បានបំផ្លាញដំណាំស្រូវ និងដំណាំរួមផ្សំប្រមាណជាង៣ម៉ឺនហិកតា ព្រមទាំងប៉ះពាល់ហេដ្ឋារចនាសម្ព័ន្ធជាច្រើនទៀត។ នេះបើយោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ។
របាយការណ៍ដដែលបានបន្តថា ក្នុងចំណោមដំណាំស្រូវ និងដំណាំរួមផ្សំប្រមាណជាង៣ម៉ឺនហិកតា ក្នុងនោះដំណាំស្រូវលិចទឹកមាន២៩២៨៩ហិកតា ខូចខាត ១៥៧៨០ហិកតា ដំណាំរួមផ្សំលិចទឹកចំនួន ៤០៩២ហិកតា ខូចខាត១១៤៧ហិកតា ប៉ះពាល់ប្រជាពលរដ្ឋចំនួន ២០៩៦៤គ្រួសារ ស្មើនឹង ៨៣៨៥៦នាក់ ប្រជាពលរដ្ឋជម្លៀសទៅទីទួលសុវត្ថិភាព ៣០៧គ្រួសារ ប្រមាណ ១២២៨នាក់ ជម្លៀសសត្វពាហនៈចំនួន ៣៧០០ក្បាលងាប់២ក្បាល លំនៅដ្ឋានលិចទឹក ៣២៧៤ខ្នង និងខូចខាត ០៤ខ្នង សាលារៀនលិចទឹក ១៤កន្លែង វត្តអារាម ៧កន្លែង មន្ទីរពេទ្យ ២កន្លែង និងស្នាក់ការកង កម្លាំងឈរជើងតាមព្រំដែន ៦កន្លែងនៅខេត្តបន្ទាយមាជ័យនិងស្លាប់ ០៩នាក់ ស្រី ៣, ក្មេង ៦នាក់។
របាយការណ៍ខាងលើបានឱ្យដឹងទៀតថា ក្រៅពីនេះទឹកជំនន់ក៏បានធ្វើឱ្យប៉ះពាល់ដល់ហេដ្ឋារចនាសម្ព័ន្ធផងដែរ ដូចជា ផ្លូវលំ ៥៥,៥១៥ម៉ែត្រ ស្ពានបេតុង ស្ពានបាឡេ ២៦ស្ពានបាក់ទំនប់ ៣៥០ម៉ែត្រ បាក់ស្រុតច្រាំងទន្លេនិងស្ទឹង៦កន្លែងនៅខេត្តកំពង់ចាម ភ្នំពេញ ត្បូងឃ្មុំ សៀមរាប និងខេត្តបាត់ដំបង ដោយបានបាក់ច្រាំងស្ទឹងប្រវែង ១០២៣ម៉ែត្រ ជម្រៅ៥ ២០ម៉ែត្រ និងខូចខាតផ្លូវបេតុង៨ខ្សែ។
លោក ទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍ថាគណៈកម្មាធិការជាតិគ្រប់គ្រងគ្រោះមហន្តរាយបានសហការ និងចូលរួមជាមួយក្រសួងពាក់ព័ន្ធ និងរដ្ឋបាលថ្នាក់ក្រោមជាតិក្នុងការត្រៀម និងការ អន្តរាគមន៍សង្គ្រោះ និងឆ្លើយតបគ្រប់ហេតុការណ៍គ្រោះមហន្តរាយដែលអាចនឹងកើតមានក្នុងរដូវវស្សាជាពិសេសជំនន់ទឹកភ្លៀងនិងជំនន់ទន្លេមេគង្គ។
លោក ទេសរដ្ឋមន្រ្តីបានលើកឡើងផងដែរថា រាជរដ្ឋាភិបាលបានឆ្លើយតបទាន់ពេលវេលា និងស្តារឡើងវិញនូវរាល់ការខូចខាត ដែលបង្កឡើងដោយជំនន់ទឹកភ្លៀង ជាពិសេសគឺហេដ្ឋា រចនាសម្ព័ន្ធជនបទ និងវិស័យកសិកម្ម។
លោកទេសរដ្ឋមន្រ្តី ក៏បានស្នើរទៅដល់គ្រោះមហន្តរាយថ្នាក់ក្រោមជាតិបន្តតាមដានចុះពិនិត្យជាប្រចាំនូវពេលមានគ្រោះមហន្តរាយកើតដោយធម្មជាតិនិងមនុស្សបង្កឡើងដោយយថាហេតុ៕ អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ