ព័ត៌មានជាតិ
សម្ដេចតេជោ ហ៊ុន សែន អំពាវនាវឱ្យគ្រឹះស្ថានមីក្រូហិរញ្ញវត្ថុផ្ដល់ប្រាក់កម្ចីឱ្យពលរដ្ឋដែលរស់នៅឃុំរុនតាឯកគិតអត្រាការប្រាក់ទាប
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១៣ ខែកញ្ញា ២០២២នេះ បានថ្លែងអំពាវនាវដល់ម្ចាស់គ្រឹះស្ថានមីក្រូហិរញ្ញវត្ថុ និងធនាគារជួយផ្ដល់ប្រាក់កម្ចីឱ្យប្រជាពលរដ្ឋដែលបានផ្លាស់ទីពីតំបន់អង្គរមករស់នៅឃុំរុនតាឯក ដោយអត្រាការប្រាក់ទាប និងភាពអនុគ្រោះ។
សម្ដេចតេជោ ហ៊ុន សែន បញ្ជាក់ថា ប្រជាពលរដ្ឋមួយចំនួនអាចនឹងត្រូវការដើមទុនបង្កើតមុខរបរដោយសម្ដេចទទូចឱ្យសេវាឥណទានហិរញ្ញវត្ថុយោគយល់ និងអាទិភាពឱ្យខ្ចីសម្រាប់ប្រជាពលរដ្ឋដែលរស់នៅរុនតាឯក ហើយទម្លាក់អត្រាការប្រាក់ទាបជាងអតិថិជនទូរទៅផ្សេងទៀត។
រាជរដ្ឋាភិបាលបានដាក់ចេញគោលនយោបាយដោះស្រាយសម្រាប់ប្រជាពលរដ្ឋដែលចាកចេញពីរមណីយដ្ឋានអង្គរ មកតាំងទីលំនៅភូមិធម្មជាតិរុនតាឯក ឃុំរុនតាឯក ដោយមានប្រជាពលរដ្ឋចំនួន ៥៩៤ គ្រួសារហើយ ដែលបានសម្រេចចាកចេញមករស់នៅភូមិថ្មីនេះ ដើម្បីចូលរួមការការពារតំបន់ប្រាសាទឱ្យកាន់តែគង់វង្ស និងលើកកម្ពស់មុខមាត់ប្រាសាទអង្គរវត្ត ទាក់ទាញភ្ញៀវទេសចរណ៍។ ហើយចំនួន ១ ១១៧ គ្រួសារទៀត ដែលបានចាប់ឆ្នោតហើយ ត្រៀនឹងចាកចេញនៅពេលខាងមុខបន្តទៀត។
ទំហំដីជាង ១ ពាន់ ហិកតា ត្រៀមដាក់ពលរដ្ឋដែលចាកចេញពីតំបន់អង្គរជាង ៦ ០០០ គ្រួសារ ហើយពេលនេះ សម្ដេចតេជោ ហ៊ុន សែន សម្រេចទិញដីបន្ថែម ជាង ៥០០ ហិកតាទៀត ត្រៀមសម្រាប់ពលរដ្ឋដែលនឹងត្រៀមចាកចេញមកបន្ថែមទៀត។
ក្រៅពីនេះនៅមានគោលនយោបាយដោះស្រាយជូនប្រជាពលរដ្ឋជាច្រើនទៀតរាប់ចាប់តាំងពីការផ្ដល់ប្រាក់ជំនួយ សរុបចំនួន ១,២០០ ០០០ រៀលក្នុងមួយគ្រួសារ ការកសាងហេដ្ឋារចនាសម្ព័ន្ធ សាលារៀន ផ្លូវ ភ្លើង ទឹក និងទទួលបានបណ្ណក្រីក្រ និងបណ្ណស្ត្រីមានផ្ទៃពោះព្រមទាំងប្រាក់ឧបត្ថម្ភជំងឺកូវីដ១៩៕
អត្ថបទ៖ ឡេង ដេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង