ព័ត៌មានជាតិ
តុលាការកំពូល រក្សាទោសមួយជីវិតលើលោក ខៀវ សំផន អតីតប្រមុខរដ្ឋខ្មែរក្រហម
នៅថ្ងៃទី២២ ខែកញ្ញា ឆ្នាំ២០២២ អង្គជំនុំជម្រះតុលាការកំពូលនៃសាលាក្ដីខ្មែរក្រហម បានសម្រេចរក្សាការពារនូវទោសលោក ខៀវ សំផន អតីតប្រមុខរដ្ឋរបបកម្ពុជាប្រជាធិបតេយ្យឲ្យជាប់ពន្ធនាគារអស់មួយជីវិតដដែល។ ការប្រកាសសាលដីកានាពេលនេះ គឺធ្វើឡើងបន្ទាប់ពីជនជាប់ចោទ ខៀវ សំផន បានដាក់បណ្តឹងសាទុក្ខប្រឆាំងនឹងសាលក្រមរបស់អង្គជំ នុំជម្រះសាលាដំបូងនៃសាលាក្ដីខ្មែរក្រហម កាលពីថ្ងៃទី១៦ ខែវិច្ឆិកា ឆ្នាំ២០១៨។
អង្គជំនុំជម្រះតុលាការកំពូលនៃសាលាក្ដីខ្មែរក្រហម បានសម្រេចតម្កល់សាលក្រមរបស់អង្គជំនុំជម្រះសាលាដំបូងដដែល ដោយផ្តន្ទាទោសលោក ខៀវ សំផន ដាក់ពន្ធនាគារអស់មួយជីវិត ចំពោះអំពើប្រល័យពូជសាសន៍ប្រឆាំងនឹងជនជាតិ វៀតណាម ឧក្រិដ្ឋកម្មប្រឆាំងនឹងមនុស្សជាតិ និងអំពើបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩។ជាមួយគ្នានេះ សាលដីកាសាលាក្ដីខ្មែរក្រហម ក៏បានប្រកាសបិទផ្លូវតវ៉ា និងបិទបញ្ចប់សំណុំរឿង០០២/០២ ក៏ដូចជាសំណុំរឿង ០០២ទាំងមូលផងដែរ ក្រោយដំណើរការក្តីនេះអស់រយៈពេល ១៥ឆ្នាំកន្លងមកនេះ។
គួរជម្រាបថា សំណុំរឿង០០២ ជាសំណុំរឿងដ៏មានសារសំខាន់ពាក់ព័ន្ធនឹងជនជាប់ចោទ ដែលជាអតីតមេដឹកនាំកំពូលៗនៃរបបខ្មែរក្រហមចំនួន ៤រូប រួមមាន៖ លោក នួន ជា ,លោក ខៀវ សំផន ,លោក អៀង សារី និងលោកស្រី អៀង ធីរិទ្ធ។ ប៉ុន្តែសំណុំរឿងនេះ មានតែជនជាប់ចោទ ខៀវ សំផន ប៉ុណ្ណោះ ដែលនៅរស់រានមានជីវិត និងបានចូលរួមក្នុងដំណើរការនីតិវិធីក្ដីតាមផ្លូវច្បាប់រហូតដល់សំណុំរឿងបិទបញ្ចប់ទាំងស្រុង នៅថ្ងៃទី២២ ខែកញ្ញា ឆ្នាំ២០២២នេះ ខណៈជនជាប់ចោទ ៣រូបផ្សេងទៀត បានទទួលមរណភាពទៅហើយ៕
ដោយ ៖ធឿន វ៉ាន់សុង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»