Connect with us

ព័ត៌មានជាតិ

តុលាការកំពូល រក្សាទោសមួយជីវិតលើលោក ខៀវ សំផន អតីតប្រមុខរដ្ឋខ្មែរក្រហម

បានផុស

នៅ

នៅថ្ងៃទី២២ ខែកញ្ញា ឆ្នាំ២០២២ អង្គជំនុំជម្រះតុលាការកំពូលនៃសាលាក្ដីខ្មែរក្រហម បានសម្រេចរក្សាការពារនូវទោសលោក ខៀវ សំផន អតីតប្រមុខរដ្ឋរបបកម្ពុជាប្រជាធិបតេយ្យឲ្យជាប់ពន្ធនាគារអស់មួយជីវិតដដែល។ ការប្រកាសសាលដីកានាពេលនេះ គឺធ្វើឡើងបន្ទាប់ពីជនជាប់ចោទ ខៀវ សំផន បានដាក់បណ្តឹងសាទុក្ខប្រឆាំងនឹងសាលក្រមរបស់អង្គជំ នុំជម្រះសាលាដំបូងនៃសាលាក្ដីខ្មែរក្រហម កាលពីថ្ងៃទី១៦ ខែវិច្ឆិកា ឆ្នាំ២០១៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គជំនុំជម្រះតុលាការកំពូលនៃសាលាក្ដីខ្មែរក្រហម បានសម្រេចតម្កល់សាលក្រមរបស់អង្គជំនុំជម្រះសាលាដំបូងដដែល ដោយផ្តន្ទាទោសលោក ខៀវ សំផន ដាក់ពន្ធនាគារអស់មួយជីវិត ចំពោះអំពើប្រល័យពូជសាសន៍ប្រឆាំងនឹងជនជាតិ វៀតណាម ឧក្រិដ្ឋកម្មប្រឆាំងនឹងមនុស្សជាតិ និងអំពើបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩។ជាមួយគ្នានេះ សាលដីកាសាលាក្ដីខ្មែរក្រហម ក៏បានប្រកាសបិទផ្លូវតវ៉ា និងបិទបញ្ចប់សំណុំរឿង០០២/០២ ក៏ដូចជាសំណុំរឿង ០០២ទាំងមូលផងដែរ ក្រោយដំណើរការក្តីនេះអស់រយៈពេល ១៥ឆ្នាំកន្លងមកនេះ។

គួរជម្រាបថា សំណុំរឿង០០២ ជាសំណុំរឿងដ៏មានសារសំខាន់ពាក់ព័ន្ធនឹងជនជាប់ចោទ ដែលជាអតីតមេដឹកនាំកំពូលៗនៃរបបខ្មែរក្រហមចំនួន ៤រូប រួមមាន៖ លោក នួន ជា ,លោក ខៀវ សំផន ,លោក អៀង សារី និងលោកស្រី អៀង ធីរិទ្ធ។ ប៉ុន្តែសំណុំរឿងនេះ មានតែជនជាប់ចោទ ខៀវ សំផន ប៉ុណ្ណោះ ដែលនៅរស់រានមានជីវិត និងបានចូលរួមក្នុងដំណើរការនីតិវិធីក្ដីតាមផ្លូវច្បាប់រហូតដល់សំណុំរឿងបិទបញ្ចប់ទាំងស្រុង នៅថ្ងៃទី២២ ខែកញ្ញា ឆ្នាំ២០២២នេះ ខណៈជនជាប់ចោទ ៣រូបផ្សេងទៀត បានទទួលមរណភាពទៅហើយ៕

ដោយ ៖ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម